Posted inଖେଳ

ଫିଫା ପୁରସ୍କାର: ସଂକ୍ଷିପ୍ତ ତାଲିକାରେ ଭାନ୍‌ ଡିକ୍‌, ରୋନାଲ୍ଡୋ, ମେସି

ରୋମ୍‌, ୨ା୯ (ଏଏଫ୍‌ପି)-ଫେଡେରେଶନ ଅପ୍‌ ଇଣ୍ଟରନ୍ୟାଶନାଲ ଫୁଟ୍‌ବଲ ଆସୋସିଏଶନ୍ସ(ଫିଫା)ର ଶ୍ରେଷ୍ଠ ଖେଳାଳି ପୁରସ୍କାର ପାଇଁ କରାଯାଇଥିବା ସଂକ୍ଷିପ୍ତ ତାଲିକାରେ ଲିଭରପୁଲ୍‌ ସେଣ୍ଟର ବ୍ୟାକ୍‌ ଭର୍ଗିଲ ଭାନ୍‌ ଡିକ୍‌ ସ୍ଥାନ ପାଇଛନ୍ତି। ଏହି ଖେଳାଳି ଜଣକ ନିକଟରେ ୟୁନିୟନ ଅଫ୍‌୍‌ ୟୁରୋପିଆନ ଫୁଟ୍‌ବଲ ଆସୋସିଏଶନ୍ସ(ୟୁଫା)ର ପ୍ଲେୟର ଅଫ୍‌ ଦି ଇୟର ପୁରସ୍କାର ହାସଲ କରିସାରିଛନ୍ତି। ନେଦରଲାଣ୍ଡ୍ସର ଏହି ଅନ୍ତର୍ଜାତୀୟ ଖେଳାଳି ଗତ ସପ୍ତାହରେ କ୍ରିଷ୍ଟିଆନୋ ରୋନାଲ୍‌ଡୋ ଏବଂ ଲିଓନେଲ ମେସିଙ୍କୁ ପଛରେ ପକାଇ ୟୁରୋପିଆନ ଟାଇଟଲ ଜିତିଥିଲେ। ବର୍ତ୍ତମାନ ଏହି ୩ଜଣ ପୁଣି ସମ୍ମାନଜନକ ଫିଫା ପୁରସ୍କାର ଦୌଡ଼ରେ ଅଛନ୍ତି। ଲିଭରପୁଲ୍‌ର ଚାମ୍ପିୟନ୍ସ ଲିଗ୍‌ ଅଭିଯାନରେ ଭାନ୍‌ ଡିକ୍‌ ବିଶେଷ ଭୂମିକା ଗ୍ରହଣ କରିଥିଲେ। ସେହିପରି ବର୍ଷର ଶ୍ରେଷ୍ଠ ମହିଳା ଖେଳାଳି ପୁରସ୍କାର ସଂକ୍ଷିପ୍ତ ତାଲିକାରେ ଇଂଲଣ୍ଡର ଫୁଲ୍‌-ବ୍ୟାକ୍‌ ଲୁସି ବ୍ରୋଞ୍ଜ୍‌ ରହିଛନ୍ତି, ଯିଏକି ୟୁଫାର ମହିଳା ପୁରସ୍କାର ଜିତି ସାରିଛନ୍ତି। ତାଲିକାରେ ବିଶ୍ୱକପ୍‌ ବିଜୟୀ ଆମେରିକା ଦଳର ଦୁଇ ଖେଳାଳି ମେଗାନ୍‌ ରାପିନୋ ଏବଂ ଆଲେକ୍ସ ମୋର୍ଗାନ ଅଛନ୍ତି। ସେହିପରି ଶ୍ରେଷ୍ଠ ଶ୍ରେଷ୍ଠ ପୁରୁଷ କୋଚ୍‌ ଦୌଡ଼ରେ ମାଞ୍ଚେଷ୍ଟର ସିଟି ମୁଖ୍ୟ ପେପ୍‌ ଗର୍ଡିିଓଲା, ଲିଭରପୁଲ୍‌ର ଜର୍ଜେନ କ୍ଲୋପ୍‌ ଏବଂ ମୌରିକୋ ପୋଚେଟିନୋ ରହିଛନ୍ତି। ସେହିପରି ମହିଳା କୋଚ୍‌ ସଂକ୍ଷିପ୍ତ ତାଲିକାରେ ଇଂଲଣ୍ଡକୁ ବିଶ୍ୱକପ୍‌ ସେମିଫାଇନାଲରେ ପ୍ରବେଶ କରାଇଥିବା ଫିଲ୍‌ ନେଭିଲ୍‌, ଆମେରିକାର ଜିଲ୍‌ ଏଲିସ୍‌ ଏବଂ ୟୁରୋପିଆନ ଚାମ୍ପିୟନ ନେଦରଲାଣ୍ଡ୍ସକୁ ବିଶ୍ୱକପ୍‌ ଫାଇନାଲରେ ପହଞ୍ଚାଇଥିବା ସାରିନା ଓ୍ବେମ୍ୟାନ।
ସଂକ୍ଷିପ୍ତ ତାଲିକା
ପୁରୁଷ ଖେଳାଳି: କ୍ରିଷ୍ଟିଆନୋ ରୋନାଲ୍‌ଡୋ (ଜୁଭେଣ୍ଟସ/ପର୍ତ୍ତୁଗାଲ), ଲିଓନେଲ ମେସି (ବାର୍ସିଲୋନା/ଆର୍ଜେଣ୍ଟିନା), ଭିଜିଲ ଭାନ୍‌ ଡିକ୍‌(ଲିଭରପୁଲ/ନେଦରଲାଣ୍ଡ୍ସ),
ମହିଳା ଖେଳାଳି: ଲୁସି ବ୍ରୋଞ୍ଜ(ଲିଅନ୍‌/ଇଂଲଣ୍ଡ), ଆଲେକ୍ସ ମୋର୍ଗାନ (ଓର୍ଲାଣ୍ଡୋ ପ୍ରାଇଡ୍‌/ଆମେରିକା), ମେଗାନ ରାପିନୋ (ରେନ୍‌ ଏଫ୍‌ସି/ଆମେରିକା)।
ପୁରୁଷ କୋଚ୍‌: ପେପ୍‌ ଗର୍ଡିଓଲା (ମାଞ୍ଚେଷ୍ଟର ସିଟି), ଜର୍ଜେନ କ୍ଲୋପ୍‌ (ଲିଭରପୁଲ୍‌), ମୋରିସିଓ ପୋଚେଟିନୋ (ଟୋଟେନହାମ୍‌)।
ମହିଳା କୋଚ୍‌: ଜିଲ୍‌ ଏଲିସି (ଆମେରିକା),ଫିଲ୍‌ ନେଭିଲ (ଇଂଲଣ୍ଡ), ସାରିନା ଓ୍ବେମ୍ୟାନ(ନେଦରଲାଣ୍ଡ୍ସ)।
ମହିଳା ଗୋଲକିପର: କ୍ରିଷ୍ଟିନେ ଏଣ୍ଡ୍‌ଲର (ପ୍ୟାରିସ ସେଣ୍ଟ ଜର୍ମେନ/ଚିଲି), ହେଡ୍‌ଭିଜ୍‌ ଲିଣ୍ଡାଲ (ଓଫ୍ସବର୍ଗ/ ସ୍ବିଡେନ), ସାରି ଭାନ୍‌ ଭିନେଡାଲ (ଆଟଲେଟିକୋ ମାଡ୍ରିଡ/ନେଦରଲାଣ୍ଡ୍ସ)।
ପୁରୁଷ ଗୋଲକିପର: ଆଲିସନ (ଲିଭରପୁଲ୍‌/ବ୍ରାଜିଲ), ଇଡେରସନ (ମାଞ୍ଚେଷ୍ଟର ସିଟି/ବ୍ରାଜିଲ), ମାର୍କ ଆଣ୍ଡ୍ରେଟର ଷ୍ଟିଜେନ(ବାର୍ସିଲୋନା/ଜର୍ମାନୀ)।
ପୁସ୍କାସ ପୁରସ୍କାର (ଶ୍ରେଷ୍ଠ ଗୋଲ ପାଇଁ): ଲିଓନେଲ ମେସି (ବାର୍ସିଲୋନା ବନାମ ରିୟଲ ବେଟିସ୍‌), ଜୁଆନ କ୍ୱିଣ୍ଟେରୋ(ରିଭର ପ୍ଲେଟ ବନାମ ରେସିଂ କ୍ଲବ), ଡାନିଏଲ ଜେସୋରି (ଡେବ୍ରେସେନ୍‌ ବନାମ ଫରେଙ୍କଭାରୋସ୍‌)।


Enter your email to get our daily news in your inbox.

All Right Reserved By Dharitri.Com

Posted inଖେଳ View All

ଏଭଳି ଥିଲା ଭୁବନେଶ୍ୱରଙ୍କ ଲଭ୍‌ଷ୍ଟୋରୀ: ଘରଲୋକଙ୍କ ପୂର୍ବରୁ ଇଣ୍ଟରଭ୍ୟୁ ନେଇଥିଲେ ପ୍ରେମିକା; ଚିଠି ପଠାଇବା ପାଇଁ..

ନୂଆଦିଲ୍ଲୀ,୧୮।୯: ଭାରତୀୟ ଟିମ୍‌ର ଦ୍ରୁତ ବୋଲର ଭୁବନେଶ୍ୱର କୁମାର ୨୧ ଟେଷ୍ଟରେ ୬୩ ଓ୍ବିକେଟ୍‌ ନେଇଛନ୍ତି। ଏହାଛଡ଼ା ୧୧୪ ଏକଦୀବସୀୟ ମ୍ୟାଚ୍‌ରେ ୧୩୨ ଏବଂ ୪୩...

ଟୋକିଓରେ ଟପ୍‌-୪ ସମ୍ଭବ: ମନପ୍ରୀତ

ଭୁବନେଶ୍ୱର, ୨।୧(କ୍ରୀଡ଼ା ପ୍ରତିନିଧି)- ୨୦୧୮ ପୁରୁଷ ହକି ବିଶ୍ୱକପର ନୈରାଶ୍ୟକୁ ଭୁଲି ଭାରତୀୟ ହକି ଦଳ ଏବେ ୨୦୨୦ ଟୋକିଓ ଅଲିମ୍ପିକ୍ସ ଉପରେ ଦୃଷ୍ଟି ନିବଦ୍ଧ...

ବର୍ଣ୍ଣବୈଷମ୍ୟ ମନ୍ତବ୍ୟ ଦେଇ ଇଷ୍ଟ ବେଙ୍ଗଲ କୋଚ୍‌ ଦଣ୍ଡିତ

କୋଲକାତା,୩।୨(ପି.ଟି.): ଏବେ ବିଭିନ୍ନ ଭୁଲ କାରଣ ପାଇଁ ଇଣ୍ଡିଆନ ସୁପର ଲିଗ୍‌ (ଆଇଏସ୍‌ଏଲ୍‌) ଚର୍ଚ୍ଚାରେ ରହିଛି। ଇଷ୍ଟ ବେଙ୍ଗଲର ହାଇପ୍ରୋଫାଇଲ ଇଂଲଣ୍ଡ କୋଚ୍‌ ରୋବି ଫୋଲର...

ଇଣ୍ଡିଆନ ସୁପର ଲିଗ୍‌: ମୁମ୍ବାଇକୁ ହରାଇଲା ନର୍ଥଇଷ୍ଟ

ବାମ୍ବୋଲିମ୍‌, ୩୧।୧: ଇଣ୍ଡିଆନ ସୁପର ଲିଗ୍‌ (ଆଇଏସ୍‌ଏଲ୍‌)ରେ ଶନିବାର ଖେଳାଯାଇଥିବା ମ୍ୟାଚ୍‌ରେ ନର୍ଥଇଷ୍ଟ ୟୁନାଇଟେଡ ୨-୧ ଗୋଲରେ ଟେବୁଲ ଟପ୍ପର ମୁମ୍ବାଇ ସିଟି ଏଫ୍‌ସିକୁ ପରାସ୍ତ...

ଓ୍ବେଷ୍ଟଇଣ୍ଡିଜ ଟି୨୦ ଦଳକୁ ଫେରିଲେ ବ୍ରାଭୋ

ସେଣ୍ଟ ଜଜର୍‌ସ,୧୩ା୧ (ଏଏଫ୍‌ପି)- ଚଳିତ ମାସର ପରବର୍ତ୍ତୀ ଭାଗରେ ହେବାକୁ ଥିବା ଆୟର୍ଲାଣ୍ଡ ବିପକ୍ଷ ୩ ମ୍ୟାଚ୍‌ ବିଶିଷ୍ଟ ଟି୨୦ ସିରିଜ୍‌ ଲାଗି ଘୋଷିତ ୧୩...

ରୋମାଞ୍ଚକ ହେବ ବକ୍ସିଂ ଡେ ଟେଷ୍ଟ: ସିରିଜ ବିଜୟ ଲକ୍ଷ୍ୟରେ ଅଷ୍ଟ୍ରେଲିଆ

ମେଲବୋର୍ନ,୨୫।୧୨(ଏଏଫ୍‌ପି)- ଅଷ୍ଟ୍ରେଲିଆ ଓ ଭ୍ରମଣକାରୀ ନ୍ୟୁଜିଲାଣ୍ଡ ମଧ୍ୟରେ ଦ୍ୱିତୀୟ ତଥା ବକ୍ସିଂ ଡେ ଟେଷ୍ଟ ମ୍ୟାଚ୍‌ ଗୁରୁବାରଠାରୁ ଆରମ୍ଭ ହେବାକୁ ଯାଉଛି। ମେଲବୋର୍ନ କ୍ରିକେଟ ଗ୍ରାଉଣ୍ଡରେ...

ପାକିସ୍ତାନକୁ ହରାଇଲା ଭାରତ

ବର୍ମିଂହାମ,୩୧।୭: ରାଜ୍ୟଗୋଷ୍ଠୀ କ୍ରୀଡ଼ାର ରବିବାର ଖେଳାଯାଇଥିବା ଟି-୨୦ ମୁକାବିଳାରେ ସ୍ମୃତି ମନ୍ଧାନାଙ୍କ ବିସ୍ଫୋରକ ବ୍ୟାଟିଂ ଫଳରେ ଭାରତୀୟ ମହିଳା ଦଳ ୮ ଉଇକେଟରେ ବିଜୟ ହୋଇଛି।...

ଜଣଙ୍କ ପାଇଁ ଅନ୍ୟ ଖେଳାଳିଙ୍କୁ ସାମ୍ପେନ୍‌ ଖୋଲିବାକୁ ମନା କଲେ

ହୋବାର୍ଟ,୧୭।୧: ନିକଟରେ ଶେଷ ହୋଇଥିବା ଆଶେସ ସିରିଜ୍‌ରେ ଅଷ୍ଟ୍ରେଲିଆକୁ ୪-୦ରେ ବିଜୟୀ କରାଇବା ପରେ ଅନେକ କ୍ରିକେଟ ପ୍ରଶଂସକଙ୍କ ହୃଦୟ ଜିତିଛନ୍ତି ଅଧିନାୟକ ପାଟ କୁମିନ୍ସ।...

Advertisement
Archives

Model This Week