ଜଗତ୍ସିଂହପୁର ଅଫିସ, ୧୮ା୧: ଜଗତ୍ସିଂହପୁର ଜିଲାରେ ସୋମବାରଠାରୁ ଜିଲା ପରିଷଦ ସଭ୍ୟ, ସରପଞ୍ଚ, ସମିତି ସଭ୍ୟ ଏବଂ ୱାର୍ଡମେମ୍ବର ପଦବୀ ପାଇଁ ନାମାଙ୍କନପତ୍ର ଦାଖଲ ପ୍ରକ୍ରିୟା ଆରମ୍ଭ ହୋଇଛି। ତେବେ ଜିଲା ପରିଷଦ ସଭ୍ୟ ପାଇଁ କିଛି ଆସନରେ ଏପର୍ଯ୍ୟନ୍ତ ଦଳୀୟ ନିଷ୍ପତ୍ତି ହୋଇପାରିନାହିଁ। ଫଳରେ ପ୍ରଥମ ଦିନରେ ଜିଲାର କୌଣସି ଜିଲା ପରିଷଦ ସଭ୍ୟ ପଦବୀ ପାଇଁ ପ୍ରାର୍ଥତ୍ପତ୍ର ଦାଖଲ ହୋଇନାହିଁ। ଅନ୍ୟପଟେ ଜିଲାର ୧୯୮ ସରପଞ୍ଚ ପଦବୀ ମଧ୍ୟରୁ ମାତ୍ର ୩୧ ଜଣ ନାମାଙ୍କନପତ୍ର ଦାଖଲ କରିଛନ୍ତି। ସେମାନଙ୍କ ମଧ୍ୟରୁ ଏରସମା, ବାଲିକୁଦା ଓ ନାଉଗଁାରୁ ୨ଜଣ ଲେଖାଏ, ଜଗତ୍ସିଂହପୁରରୁ ୩, ତିର୍ତ୍ତୋଲ ୯ ଓ କୁଜଙ୍ଗ ବ୍ଲକର ୧୧ ଜଣ ରହିଛନ୍ତି। ସେହିପରି ରଘୁନାଥପୁର ଓ ବିରିଡ଼ିରୁ ଜଣେ ଲେଖାଏ ପ୍ରାର୍ଥତ୍ପତ୍ର ଦାଖଲ କରିଛନ୍ତି। ଜିଲାର ୧୯୮ ସମିତି ସଭ୍ୟ ପଦବୀ ମଧ୍ୟରୁ ମାତ୍ର ୧୬ ଜଣ ନାମାଙ୍କନପତ୍ର ଦାଖଲ କରିଛନ୍ତି। ସେମାନଙ୍କ ମଧ୍ୟରେ ନାଉଗାଁରୁ ୧, ରଘୁନାଥପୁର ୭, ତିର୍ତ୍ତୋଲରୁ ୪ ଜଣ ଥିବାବେଳେ ଜଗତ୍ସିଂହପୁର ଓ କୁଜଙ୍ଗ ବ୍ଲକରୁ ୨ ଜଣ ଲେଖାଏ ରହିଛନ୍ତି। ଜିଲାରେ ମୋଟ ୩୩୬୪ଟି ୱାର୍ଡମେମ୍ବର ପଦବୀ ଥିବାବେଳେ ସେଥିରୁ କେବଳ ୨୨୩ ଜଣ ପ୍ରାର୍ଥତ୍ପତ୍ର ଦାଖଲ କରିଛନ୍ତି। ସେଥିମଧ୍ୟରୁ ଏରସମା ବ୍ଲକରୁ ୧୭, ବାଲିକୁଦା ୩୩, ନାଉଗାଁ ୧୦, ଜଗତ୍ସିଂହପୁର ୩୨, ରଘୁନାଥପୁର ୩୫, ବିରିଡ଼ି ୨୭, ତିର୍ତ୍ତୋଲ ୩୮ ଓ କୁଜଙ୍ଗ ବ୍ଲକରୁ ୩୧ ଜଣ ରହିଛନ୍ତି। ସୂଚନାଯୋଗ୍ୟ, ଉପରୋକ୍ତ ସମସ୍ତ ପଦବୀ ପାଇଁ ସୋମବାରଠାରୁ ନାମାଙ୍କନପତ୍ର ଦାଖଲ ପ୍ରକ୍ରିୟା ୨୧ ତାରିଖ ପର୍ଯ୍ୟନ୍ତ (ପ୍ରତ୍ୟହ ପୂର୍ବାହ୍ନ ୧୧ଟାରୁ ଅପରାହ୍ନ ୩ଟା) ଚାଲିବ। ୨୨ରେ ଯାଞ୍ଚ ପରେ ୨୩ରେ ପ୍ରାର୍ଥୀ ତାଲିକା ପ୍ରକାଶ ପାଇବ। ୨୫ରେ ପ୍ରାର୍ଥତ୍ପତ୍ର ପ୍ରତ୍ୟାହାର ପରେ ଚୂଡ଼ାନ୍ତ ତାଲିକା ପ୍ରକାଶ ପାଇବ। ଫେବ୍ରୁୟାରୀ ୧୬, ୧୮, ୨୦, ୨୨ ଓ ୨୪ ତାରିଖରେ ପ୍ରତ୍ୟହ ସକାଳ ୭ରୁ ଅପରାହ୍ନ ୧ଟା ମଧ୍ୟରେ ବିଭିନ୍ନ ପୋଲିଂ ଷ୍ଟେଶନ୍ରେ ମତଦାନ ହେବ। ୨୬ରୁ ୨୮ ତାରିଖ ସକାଳ ୮ରୁ ଆରମ୍ଭ ହୋଇ ଶେଷ ପର୍ଯ୍ୟନ୍ତ ପ୍ରତି ବ୍ଲକ କାର୍ଯ୍ୟାଳୟରେ ଗଣତି କରାଯିବ। ମାର୍ଚ୍ଚ ୪ରେ ନିର୍ବାଚିତ ପ୍ରତିନିଧିଙ୍କ ନାମ ଘୋଷଣା କରାଯିବ।
