କରୋନା ଯୋଗୁ ଏବେ ସମସ୍ତ କ୍ରିକେଟ ସିରିଜ୍ ସ୍ଥଗିତ ରଖାଯାଇଛି। ଫଳରେ କ୍ରିକେଟରମାନେ ନିଜ ପରିବାର ସମୟ ବିତାଇବା ସହ ସୋସିଆଲ ମିଡିଆରେ ମଧ୍ୟ ସକ୍ରିୟ ରହୁଛନ୍ତି। ଭାରତୀୟ ଦଳର ଷ୍ଟାର୍ ସପନର ଶିଖର ଧାଓ୍ବନ ନିଜ ଫ୍ୟାନଙ୍କ ସହ ଯୋଡି ହୋଇ ରହିବା ପାଇଁ ପ୍ରତିଦିନ ନିଜ ଇନ୍ଷ୍ଟାଗ୍ରାମରେ କିଛି ନା କିଛି ମଜାଦାର ଭିଡିଓ ଶେୟାର କରିଥାଏ। ନିକଟରେ ସେ ଏକ ଭିଡିଓ ପୋଷ୍ଟ କରିଥିଲେ। ଭିଡିଓରେ ସେ ପୁଅ ଜୋରାଭର ସହ ରାସ୍ତାରେ ବୁଲୁଥିବା ଗାଈଙ୍କୁ ଖାଦ୍ୟ ଦେଉଥିବା ଦେଖାଯାଇଛି। ଭିଡିଓର କ୍ୟାପସନରେ ସେ ଲେଖିଛନ୍ତି, ଜଣେ ପିତା ଭାବରେ, ମୋ ପୁଅକୁ ଜୀବନର ପ୍ରକୃତ ମୂଲ୍ୟବୋଧ ଶିଖାଇବା ଅତ୍ୟନ୍ତ ଗୁରୁତ୍ୱପୂର୍ଣ୍ଣ ଏବଂ ସେଥିମଧ୍ୟରୁ ଗୋଟିଏ ହେଉଛି ଅନ୍ୟମାନଙ୍କ ପ୍ରତି ଦୟାଳୁ ହେବା। ପ୍ରତ୍ୟେକଙ୍କ ଜୀବନରେ ଏହାର ବିଶେଷ ଆବଶ୍ୟକତା ରହିଛି। ଏହି କଠିନ ସମୟରେ ଭୋକିଲା ପଶୁମାନଙ୍କୁ ଖାଇବାକୁ ଦେବା ଗୁରୁତ୍ୱପୂର୍ଣ୍ଣ। ତେଣୁ ପୁଅକୁ ଏପରି ଶିକ୍ଷା ଦେଇ ନିଜକୁ ଗର୍ବିତ ଅନୁଭବ କରୁଛି। ସମସ୍ତଙ୍କୁ ଏଭରି କରିବାକୁ ଅନୁରୋଧ ବୋଲି ସେ କହିଛନ୍ତି।
