ପାଠପଢ଼ା ଚିନ୍ତାରେ..

କରୋନା ଲକ୍‌ଡାଉନରେ ପିଲାଙ୍କ ପାଠପଢ଼ାରେ ବି ଯେମିତି ଲାଗିଯାଇଛି ତାଲା। ଯଦିଓ କେତେକ ଶିକ୍ଷାନୁଷ୍ଠାନ ପକ୍ଷରୁ ଏ ସମୟରେ ଅନ୍‌ଲାଇନ୍‌ ପାଠପଢ଼ା ଜାରି ରହିଛି, ହେଲେ ତାହା ପିଲାଙ୍କୁ ସମ୍ପୂର୍ଣ୍ଣ ଭାବେ ପାଠପଢା ସହ ଯୋଡି ରଖିବା ଲାଗି ଯଥେଷ୍ଟ ନୁହେଁ। ପ୍ରାୟ ଅଢ଼େଇ ମାସର ଲକ୍‌ଡାଉନ ପରେ ଆରମ୍ଭ ହୋଇଛି ଅନ୍‌ଲକ୍‌-୧। କିନ୍ତୁ ଜୁଲାଇ ଶେଷ ଯାଏ ଶିକ୍ଷାନୁଷ୍ଠାନ ଖୋଲିବନି। ତେବେ ଏଭଳି ସମୟରେ ପିଲାଙ୍କ ପାଠପଢ଼ାକୁ ନେଇ ଚିନ୍ତାରେ ମାଆମାନେ…

କରୋନା ଲକ୍‌ଡାଉନ୍‌ ପାଇଁ ଖରାଛୁଟିର ଢେର ଦିନ ଆଗରୁ ସ୍କୁଲ, କଲେଜ, କୋଚିଂ ସେଣ୍ଟର ଆଦି ବନ୍ଦ ହୋଇଯାଇଛି। ଆଗକୁ ସ୍କୁଲ ଖୋଲିବ କି ନାହିଁ ସେ ନେଇ କିଛି ସ୍ପଷ୍ଟ ସୂଚନା ମିଳିପାରୁନାହିଁ। ୟା ଭିତରେ ପିଲାଙ୍କ ପାଠପଢ଼ା ପୂରା ଠପ୍‌। ଅବଶ୍ୟ ଅନ୍‌ଲାଇନ୍‌ରେ ପିଲାଙ୍କର ପାଠପଢ଼ା ହେଉଛି, ହେଲେ ଏନେଇ ସନ୍ତୁଷ୍ଟ ନୁହନ୍ତି ଅଭିଭାବକ। ସେଥିପାଇଁ ତ ଏବେ ପିଲାଙ୍କ ପାଠପଢ଼ା ଚିନ୍ତା ଘାରିଛି ମା’ମାନଙ୍କ। ଯଦିଓ ଅନ୍‌ଲକ୍‌-୧ ଆରମ୍ଭ ହୋଇଛି ତଥାପି ସ୍ଥିତି ସୁଧୁରି ନ ଥିବାରୁ କରୋନା ସଂକ୍ରମଣ ଭୟରେ ମା’ମାନେ ବାହାରକୁ ପାଠ ପଢ଼ାଇବା ପାଇଁ ପିଲାଙ୍କୁ ଛାଡ଼ିବାକୁ ଭୟ କରୁଛନ୍ତି। ଆଉ ଏ ସମୟରେ ସ୍କୁଲରେ ପାଠପଢ଼ା ନେଇ ବି ଅନିଶ୍ଚିତତା ଜାରି ରହିଛି। କେବେ ସ୍କୁଲ ଖୋଲିବ ଆଉ ସ୍କୁଲ ଖୋଲିଲେ ପାଠପଢ଼ା କେମିତି ହେବ ସେ କଥା ଭାବି ହେଉନି। ଏପଟେ ଅନେକ ଦିନ ଧରି ପିଲାଙ୍କୁ ଘରେ ଖେଳାବୁଲା କରିବା ପାଇଁ ବି ତ ଛାଡ଼ି ହେବନି। ତେଣୁ କରୋନା ସଂକ୍ରମଣ ନେଇ ସଚେତନ ରହିବା ସହ କିପରି ପାଠ ପଢ଼ାଇହେବ ସେ ନେଇ ଏବେ ଧୀରେ ଧୀରେ ବିକଳ୍ପ ଖୋଜିବା ଆରମ୍ଭ କଲେଣି କିଛି ଗୃହିଣୀ।
ଅନ୍‌ଲାଇନ୍‌ ପାଠପଢ଼ା ସାହାରା: ଏବେ ଅଧିକାଂଶ ସ୍କୁଲରେ ଅନ୍‌ଲାଇନ୍‌ରେ ପାଠପଢ଼ା ହେଉଛି। କଲେଜ ବା ବିଶ୍ୱ ବିଦ୍ୟାଳୟ ସ୍ତରରେ ଅନ୍‌ଲାଇନ୍‌ରେ ଶିକ୍ଷକଙ୍କ ସହ ଯୋଗାଯୋଗ ବା ଇଣ୍ଟରାକ୍ଟିଭ କ୍ଲାସ ହେଉଛି। କିନ୍ତୁ ସ୍କୁଲ ପିଲାଙ୍କୁ ପ୍ରି-ରେକର୍ଡ କ୍ଲାସ କରାଯାଉଛି। ଅଧିକାଂଶ ସ୍ଥାନରେ ହ୍ବାଟ୍ସଆପ୍‌ ବା ଅନ୍ୟ କୌଣସି ଆପ୍‌ ମାଧ୍ୟମରେ ଗ୍ରୁପ ମେସେଜରେ କେବଳ ସିଲାବସ୍‌ ଯୋଗାଇ ଦିଆଯାଇଛି। ହୋମ୍‌ ୱାର୍କ କରି ନିର୍ଦ୍ଦିିଷ୍ଟ ସମୟ ମଧ୍ୟରେ ଦେବାକୁ କୁହାଯାଉଛି। କିନ୍ତୁ ଏହା ଦ୍ୱାରା ଇଣ୍ଟରାକ୍ଟିଭ ବା ପ୍ରଶ୍ନୋତ୍ତର ତଥା ବର୍ଣ୍ଣନା ଓ ଉଦାହରଣ ଦେବା ସମ୍ଭବ ହେଉ ନ ଥିବାରୁ ପିଲାଙ୍କ ବୁଦ୍ଧି ଓ ମାନସିକ ବିକାଶ ବାଧାପ୍ରାପ୍ତ ହେବା ଆଶଙ୍କା ରହିଛି। ବିଶେଷଜ୍ଞଙ୍କ କହିବା କଥା ପ୍ରତ୍ୟକ୍ଷ ଶିକ୍ଷାଦାନ ତୁଳନାରେ ପରୋକ୍ଷ ଅନ୍‌ଲାଇନ୍‌ ଶିକ୍ଷାଦାନ ସେତେଟା ପ୍ରଭାବୀ ନୁହେଁ।
ଚାଲିଛି ଘରୋଇ ଟ୍ୟୁଶନ: ଜୁଲାଇ ପୂର୍ବରୁ ସ୍କୁଲ କଲେଜ ଖୋଲିବାର ନାହିଁ। ଜୁଲାଇ ପରେ ଖୋଲିଲେ ବି ସେତେବେଳକୁ ସ୍ଥିତି କ’ଣ ଥିବ ତାହା କହି ହେଉନି। ତେଣୁ ହୁଏତ ମାସେ ଦି’ମାସ ସ୍ଥିତି ଦେଖିଲା ପରେ ପିଲାଙ୍କୁ ସ୍କୁଲ ପଠାଇ ପାରନ୍ତି ବାପା ମାଆ। ଏଭଳି ସ୍ଥିତିରେ ପାଠକୁ ଛାଡ଼ି ହେବନି। ତେଣୁ ଘରୋଇ ଟ୍ୟୁଶନ୍‌ ଉପରେ ଗୁରୁତ୍ୱ ଦେବା ଆରମ୍ଭ କଲେଣି ମା’ମାନେ। ସାମୂହିକ ଟ୍ୟୁଶନ୍‌ ବଦଳରେ ଶିକ୍ଷକଙ୍କୁ ଘରକୁ ଡାକିବାକୁ ପସନ୍ଦ କରୁଛନ୍ତି ଏମାନେ। ପରେ ସାର୍‌ଙ୍କ ବସିବା ସ୍ଥାନରେ ସୋସିଆଲ୍‌ ଡିଷ୍ଟାନ୍ସ ଓ ସାନିଟାଇଜର ବ୍ୟବସ୍ଥା ମଧ୍ୟ କରୁଥିବା ଦେଖିବାକୁ ମିଳୁଛି।
କ’ଣ କରନ୍ତି ଏମାନେ…
ଆରମ୍ଭ ହେଲାଣି ଟ୍ୟୁଶନ୍‌: -ସୂର୍ଯ୍ୟକାନ୍ତି ସାହୁ, କଣ୍ଟାପଡ଼ା, ଅଡ଼ଶପୁର, କଟକ
ମୋ ପୁଅ ସପ୍ତମ ଶ୍ରେଣୀରେ ପଢୁଛି। ଲକ୍‌ଡାଉନ୍‌ ପାଇଁ ଏତେ ଦିନ ସ୍କୁଲ ପଢ଼ା ପୂରା ବନ୍ଦ। ଅନ୍‌ଲାଇନ୍‌ କ୍ଲାସର ସେମିତି ବିଶେଷ ପ୍ରଭାବ ନାହିଁ। ପିଲାର ଭବିଷ୍ୟତ କଥା ଚିନ୍ତା କରି ଆମେ ଏବେ ତାକୁ ଟ୍ୟୁଶନ୍‌ ପାଇଁ ଗାଁର ଜଣେ ପରିଚିତ ଲୋକଙ୍କ ପାଖକୁ ପଠାଉଛୁ। ବିଶେଷକରି ଗଣିତ ଓ ଇଂଲିଶ ଦୁଇଟି ବିଷୟରେ ସେ ଗତ ମାସରୁ ଟ୍ୟୁଶନ୍‌ ହେଉଛି। ସେଠାରେ ତା’ର ସୁରକ୍ଷା ପ୍ରତି ଟ୍ୟୁଶନ ଶିକ୍ଷକ ବେଶ୍‌ ସଚେତନ। ଏହା ସହିତ ଆମେ ବି ତାକୁ ସାନିଟାଇଜର ସାଙ୍ଗରେ ଦେଇ ପଠାଉଛୁ। ଏହା ବ୍ୟତୀତ ଘରେ ମଧ୍ୟ ମୁଁ ନିଜେ ବି ଅନ୍ୟ ବିଷୟଗୁଡିକୁ ପଢ଼ାଉଛି।
ସ୍କୁଲ ଖୋଲିବାକୁ ଅପେକ୍ଷା:
-ସୀମା ପାଣି,
ଚକେଇସିହାଣୀ, ଭୁବନେଶ୍ୱର
କରୋନା ଡରରେ ପିଲାଙ୍କ ପାଠ ପଢା ଏତେଦିନ ଧରି ବନ୍ଦ ରହିବା ବି ଠିକ୍‌ ନୁହେଁ। ତା’ଛଡା ମୋ ପୁଅର ଅନ୍‌ଲାଇନ୍‌ ପାଠପଢ଼ା ବି ହେଉନି। ସେମାନଙ୍କର କେବଳ ହୋମୱାର୍କ ଦିଆଯାଇଥିଲା। ସେସବୁ ସରିବା ପରେ ଘରେ ଏକା ଏକା ପଢିଲେ ପାଠ ପଢାରେ ମନ ଲାଗିବ ନାହିଁ। ସେଥିପାଇଁ ତାକୁ ଏବେ ଟ୍ୟୁଶନ୍‌ ସାର୍‌ଙ୍କ ପାଖକୁ ପଠାଉଛି। ସେଠାରେ ସେ ସବୁ ବିଷୟ ପଢୁଛି। ଯଦିଓ ଜୁଲାଇ ଶେଷ ଯାଏ ସ୍କୁଲ ବନ୍ଦ ରହିବ, ତେବେ କେବେ ଖୋଲିବ ତାହା ନେଇ ମନରେ ଦ୍ୱନ୍ଦ୍ୱ ସୃଷ୍ଟି ହେଲାଣି। ତା’ ଛଡ଼ା ପିଲାଙ୍କୁ ସ୍କୁଲକୁ ପଠାଇବାକୁ ବି ଡର ଲାଗୁଛି। ସ୍କୁଲ ଖୋଲିଲେ ପରିସ୍ଥିତି କ’ଣ ଅଛି ଦେଖିବା ପରେ ପିଲାଙ୍କୁ ସ୍କୁଲ ପଠେଇବି କି ନାହିଁ ଚିନ୍ତା କରିବି।

ଡିଜିଟାଲ୍‌ ନୁହେଁ ଫିଜିକାଲ ଏନ୍‌ଗେଜ୍‌ମେଣ୍ଟ ଜରୁରୀ
ପିଲାଙ୍କର ମାନସିକ ଆଉ ଶାରୀରିକ ବିକାଶରେ ମା’ମାନଙ୍କର ଭୂମିକା ଗୁରୁତ୍ୱପୂର୍ଣ୍ଣ। ବର୍ତ୍ତମାନ ଲକ୍‌ଡାଉନ୍‌ ସମୟରେ ପିଲାଙ୍କର ସମସ୍ତ ପ୍ରକାରର ନେଗେଟିଭ୍‌ ଗୁଣକୁ ମା’ମାନେ ହିଁ ଅଧିକ ସାମ୍ନା କରନ୍ତି। ତେଣୁ ଛୁଆଙ୍କର ଭବିଷ୍ୟତ କିପରି ଗଢ଼ିବେ ସେନେଇ ସେମାନଙ୍କର ଭୂମିକା ବେଶ୍‌ ଗୁରୁତ୍ୱପୂର୍ଣ୍ଣ। ଏବେ ମା’ମାନେ ବିଶେଷଭାବେ ପିଲାଙ୍କର ପାଠପଢ଼ାକୁ ନେଇ ଚିନ୍ତିତ। କିନ୍ତୁ ପିଲାମାନଙ୍କୁ ସିଧାସଳଖ ପାଠ ପଢ଼ କହିଲେ ସେମାନେ ପଢ଼ିବା ପାଇଁ ସେତେଟା ଆଗ୍ରହ ଦେଖାଇବେ ନାହିଁ ବୋଲି କହନ୍ତି ମନୋବିଜ୍ଞାନୀ । ତେଣୁ ପିଲାମାନଙ୍କୁ ଏଡୁଏଣ୍ଟରଟେନମେଣ୍ଟ ସିଷ୍ଟମରେ ପାଠ ପଢାଇବାକୁ ପଡ଼ିବ। କାରଣ ଅନ୍‌ଲାଇନ୍‌ରେ ପାଠପଢ଼ା ଏକ ତରଫା ହେଉଥିବାରୁ ଏହା ପିଲାଙ୍କ ପାଇଁ ବହୁତ ବୋରିଂ। ସେଥିପାଇଁ ଅନ୍‌ଲାଇନ୍‌ରେ ପିଲା ପାଠ କମ୍‌ ପଢ଼ି ବେଶି ସମୟ ଭିଡିଓ ଗେମ୍‌ ଦେଖିବ। ତେଣୁ ଏ ସମୟରେ ମା’ମାନେ କେତେଗୁଡ଼ିଏ ଦିଗ ପ୍ରତି ଧ୍ୟାନଦେବା ଉଚିତ।
– ପିଲାଙ୍କୁ ଡିଜିଟାଲ୍‌ ଏନ୍‌ଗେଜ୍‌ମେଣ୍ଟ ବଦଳରେ ଫିଜିକାଲ୍‌ ଏନ୍‌ଗେଜ୍‌ମେଣ୍ଟ କରନ୍ତୁ। ପିଲାଙ୍କୁ ଯେଉଁ ସ୍ଥାନକୁ ପଠାଇହେବ ସେଠାକୁ ଖେଳିବା ପାଇଁ ପଠାନ୍ତୁ ଓ ନିଜ ପାଖରେ ଘରର ଛୋଟ ମୋଟ କାମରେ ସାହାଯ୍ୟ ପାଇଁ କୁହନ୍ତୁ। ଏହା ଫଳରେ ପିଲାଙ୍କର ଦାୟିତ୍ୱବୋଧ ସୃଷ୍ଟି ହେବ ଓ ସେମାନଙ୍କର ବ୍ରେନକୁ ଏକ ଗ୍ୟାପ ମିଳିବ। ତେଣୁ ସେମାନଙ୍କ ବ୍ରେନ ଅଧିକ ଇନ୍‌ଫରମେଶନ୍‌ ନେଇପାରିବ।
– ପିଲାଙ୍କର ବିଶ୍ୱାସ ଜିତିବାକୁ ଚେଷ୍ଟା କରନ୍ତୁ। କାରଣ ସବୁ ବୟସରେ ପିଲାଙ୍କୁ ନିଜ ପାଇଁ ଏକ ସ୍ବତନ୍ତ୍ରତା ଦରକାର। ତେଣୁ ମା’ମାନେ ସେଭଳି କାମ କରିବା ଉଚିତ, ଯାହାଫଳରେ ପିଲାମାନେ ସେମାନଙ୍କୁ ରୋଲ ମଡେଲ ଭାବିପାରିବେ। ଏଥିପାଇଁ ମା’ମାନେ ପିଲାମାନଙ୍କ ରୁଚିର ଖାଦ୍ୟ କରିବା କିମ୍ବା ସେମାନଙ୍କ ପାଇଁ କିଛି ଜିନିଷ କିଣିବା ଭଳି କାମ କଲେ ସେମାନଙ୍କୁ ଭଲ ଲାଗିବ।
– ମା’ମାନେ ଏବେ ଲକ୍‌ଡାଉନ୍‌ରେ ପିଲାଙ୍କ ସହ ବେଶି ସମୟ କଟାଇବାର ସୁଯୋଗ ପାଉଛନ୍ତି। ତେଣୁ ସେମାନଙ୍କ କାର୍ଯ୍ୟକଳାପକୁ ଲକ୍ଷ୍ୟ କଲେ ସେମାନଙ୍କର କେଉଁ କାମରେ ଅଧିକ ଆଗ୍ରହ ରହିଛି ଜାଣିପାରିବେ। ସେମାନଙ୍କ ରୁଚି ଅନୁସାରେ ସେମାନଙ୍କୁ ସୁବିଧା ସୁଯୋଗ ଦେବାପାଇଁ ଚେଷ୍ଟା କରନ୍ତୁ। ଫଳରେ ସେମାନଙ୍କର ସୃଜନାତ୍ମକ ଶକ୍ତି ବୃଦ୍ଧି ପାଇବ।
– ପ୍ରଫେସର କଳ୍ପନା ସାହୁ, ମନୋବିଜ୍ଞାନୀ, ଜାଭିୟର ବିଶ୍ୱବିଦ୍ୟାଳୟ


Enter your email to get our daily news in your inbox.

All Right Reserved By Dharitri.Com

ସ୍ବାଦ, ଘ୍ରାଣଶକ୍ତି କମିବା କରୋନାର ନୂଆ ଲକ୍ଷଣ

ନୂଆଦିଲ୍ଲୀ,୧୪ା୬: କେନ୍ଦ୍ର ସରକାର କରୋନା ରୋଗର ଲକ୍ଷଣ ମଧ୍ୟରେ ଆଉ ୨ଟିକୁ ସାମିଲ କରିଛନ୍ତି। ତାହା ହେଲା ସଂକ୍ରମିତଙ୍କଠାରେ ହଠାତ୍‌ ସ୍ବାଦ ବାରିବା ଓ ଘ୍ରାଣଶକ୍ତି...

କର୍କଟରୁ ଦୂରେଇ ରଖେ ଏହି ସହଜ ଉପାୟ…

ସକାଳେ କିଛି ସମୟ ବ୍ୟାୟାମ ପରେ ୭-୮ଟି ଚିନା ବାଦାମ ଖାଇଲେ ଅନେକ ଉପକାର ମିଳେ। ନିୟମିତ ଏପରି କଲେ କ୍ୟାନସରରୁ ମୁକ୍ତି ମିଳିଥାଏ ବୋଲି...

ଏସବୁ ରୋଗ ଦୂର କରେ ଜହ୍ନି, ଗର୍ଭବତୀଙ୍କ ପାଇଁ ସବୁଠୁ ଭଲ

ଆଜିକାଲି ଖାଦ୍ୟପେୟରେ ଅନିୟମିତତା ଯୋଗୁ ନାନା ରୋଗ ଗ୍ରାସ କରୁଛି। ଅଧିକାଂଶ ଲୋକଙ୍କଠାରେ ଗ୍ୟାସ୍‌ଟ୍ରିକ୍‌, ହୃଦଜନିତ ରୋଗ, ଉଚ୍ଚ ରକ୍ତଚାପ, ମେଦବହୁଳତା ପରି ସମସ୍ୟା ଦେଖାଦେଉଛି।...

ଲାଉ ଜୁସ୍‌ ପିଇବାକୁ ପସନ୍ଦ

ଏଲିନା ସାମନ୍ତରାୟ। ଓଲିଉଡ଼ର ଜଣେ ଆଗଧାଡ଼ିର ନାୟିକା। ୨୦୧୫ରୁ ‘ଇସ୍କ ତୁ ହି ତୁ’ ଚଳଚ୍ଚିତ୍ର ଜରିଆରେ ଓଡ଼ିଆ ସିନେ ଜଗତକୁ ପ୍ରବେଶ କରିଥିଲେ। ବର୍ତ୍ତମାନ...

ଆଣ୍ଠୁଗଣ୍ଠି ରୋଗ ଉପଶମ କରେ ମେଥି ଶାଗ

ଆଣ୍ଠୁଗଣ୍ଠିରେ ଅତ୍ୟଧିକ ଯନ୍ତ୍ରଣା କାରଣରୁ ଅନେକ ସମୟରେ ଲୋକେ ଚାଲିବା ବୁଲିବାରେ ବି ଅସମର୍ଥ ହୋଇପଡ଼ନ୍ତି। ତେବେ ଏହି ଯନ୍ତ୍ରଣା ବିଭିନ୍ନ କାରଣରୁ ହୋଇଥାଏ। ଯେମିତିକି,...

ବୟସ୍କଙ୍କ ଲାଗି ଚିନ୍ତାର କାରଣ ପାଲଟେ ଏସବୁ ସମସ୍ୟା

ମନୁଷ୍ୟ ୫୦ ବର୍ଷ ଡେଇଁବା ମାତ୍ରେ କିଛି ବିଶେଷ ସମସ୍ୟା ସେମାନଙ୍କୁ ଆକ୍ରାନ୍ତ କରିଥାଏ। ଯାହା ବୟସ୍କ ଲୋକଙ୍କ ଲାଗି ଚିନ୍ତାର କାରଣ ହୋଇପଡ଼େ। କାରଣ...

ସମ୍ପର୍କରେ ବିଚ୍ଛେଦଠୁ ଦୂରେଇ ରହିବା ଲାଗି ଜାଣନ୍ତୁ କିଛି ଟିପ୍ସ

ସମ୍ପର୍କ ମଧ୍ୟରେ ସାଧାରଣ ମନୋମାଳିନ୍ୟ ଏକ ସାଧାରଣ ଘଟଣା। ମାତ୍ର ଅନେକ ସମୟରେ ଛୋଟ କଥା ବଢ଼ି ସମ୍ପର୍କ ବିଚ୍ଛେଦ ପର୍ଯ୍ୟନ୍ତ ପହଞ୍ଚିଥାଏ। ଆଧୁନିକ ଜୀବନଶୈଳୀ,...

ପହଁରିଲେ ସୁସ୍ଥ ରହେ ହୃତ୍‌ପିଣ୍ଡ

ଯଦି ଆପଣଙ୍କୁ ପହଁରିବା ପସନ୍ଦ ଥାଏ, ତେବେ ଖୁସି ହୋଇଯାନ୍ତୁ। କାରଣ ଏହା ହୃତ୍‌ପିଣ୍ଡ ଫିଟ୍‌ ରଖିବାରେ ସବୁଠୁ ଉତ୍ତମ ବ୍ୟାୟାମ୍‌। ନିକଟରେ ଆମେରିକାର ହାର୍ଭାର୍ଡ...

Coronavirus Update

UTI
Archives

Model This Week

Why Dharitri

Leave a comment

Your email address will not be published. Required fields are marked *