ସମ୍ବଲପୁର,୧।୪(ବ୍ୟୁରୋ)-କରୋନା କଟକଣା ଓ ପରେ ଲକ୍ ଡାଉନ ଘୋଷଣା ହେବାପରେ ସମଗ୍ର ଦୋକାନ, ବଜାର ବନ୍ଦ ହୋଇଯାଇଛି । ଔଷଧ, ପନିପରିବା, ମାଂସ, ମାଛ, ଅଣ୍ଡା, କିରାନା ଦୋକାନକୁ ଛାଡି ଦେଲେ ପ୍ରାୟ ସମସ୍ତ ଦୋକାନ ବନ୍ଦ କରିବାକୁ କଡା ନିର୍ଦ୍ଦେଶ ରହିଛି । ଏଭଳି ପରିସ୍ଥିତିରେ ଲୋକମାନେ ନିଜର ଜୀବନଜୀବିକା ନିର୍ବାହ କରିବା କଷ୍ଟକର ହୋଇପଡିଛି । ଏଭଳି ସ୍ଥିତିରେ ପରିବାରରେ ଦିମୁଠା ଖାଇବା ପାଇଁ କଷ୍ଟକର ହୋଇପଡିଛି । ତେଣୁକରି ବ୍ୟବସାୟୀମାନେ ନିଜ ବୃତ୍ତିରେ ପରିବର୍ତ୍ତନ କରିଛନ୍ତି। ସମ୍ବଲପୁର ମହାନଗର ନିଗମ ମାନେଶ୍ୱର ଅଞ୍ଚଳର ଜଣେ ଜଳଖିଆ ଦୋକାନୀ ବିକାଶ ସାହୁ ତାଙ୍କର ବୃତ୍ତି ପରିବର୍ତ୍ତନ କରିଛନ୍ତି । ସେ ଏବେ ଜଳଖିଆ ବିକ୍ରି କରୁଥିବା ଠେଲାରେ ଫଳମୂଳ ବିକ୍ରି କରୁଛନ୍ତି । କଦଳୀ, ଅଙ୍ଗୁର, ସେଓ ବିକ୍ରି କରି ଦ୍ୱିପଇସା ରୋଜଗାର କରୁଛନ୍ତି । ଏ ସମ୍ପର୍କରେ ସେ କହିଛନ୍ତି ଯେ, ପୂର୍ବରୁ ଜଳଖିଆ ଦୋକାନରେ ପ୍ରତିଦିନ ୪ ରୁ ୫ ହଜାର ଟଙ୍କା ବିକ୍ରି ହେଉଥିଲା । ସେଥିରୁ ଭଲ ଦ୍ୱିପଇସା ଲାଭ ମିଳୁଥିଲା । ହେଲେ ଏବେ ଫଳ ଦୋକାନ କରିଛନ୍ତି। ସେମିତି ବିକ୍ରି ହେଉନାହିଁ କି ଲାଭ ହେଉନାହିଁ । ଦ୍ୱିପଇସା ଯାହା ରୋଜଗାର ହେଉଛି, ସେଥିରେ ସନ୍ତୁଷ୍ଟ ହେବାକୁ ପଡୁଛି । ବସି ରହିବା ଅପେକ୍ଷା କିଛି ରୋଜଗାର ହୋଇଯିବା ଆଶା ନେଇ ଫଳ ଦୋକାନ ଖୋଲିଛନ୍ତି ବୋଲି ବିକାଶ କହନ୍ତି।
