ନିୟମ ଫାଙ୍କି ଠିକାଦାର ଗିରଫ
3:39 pmApril 6, 2020April 6, 2020 / 54

ନୂଆଗାଁ, ୬।୪ (ଡି.ଏନ.ଏ.) ଦେଶରେ ଲକ୍‌ ଡାଉନ ଯୋଗୁ କଟକଣା ଲାଗିଛି। ଏହି ସମୟରେ ନିର୍ମାଣ କାମ ମଧ୍ୟ ବନ୍ଦ ରହିଛି। ହେଲେ ସୁନ୍ଦରଗଡ଼ ଜିଲା ନୂଆଗାଁରେ ରବିବାର ରାତିରେ ଜଣେ ଠିକାଦାର ଏହି ନିୟମ ନ ମାନିବା ତାଙ୍କ ପାଇଁ ମହଙ୍ଗା ପଡିଛି। ଏଠାକାର ଜଣେ ବ୍ୟକ୍ତିଙ୍କ ଘରର ଛାତ ପକାଇବାକୁ ଯାଇ ସେ ଗିରଫ ହୋଇଛନ୍ତି। ନିୟମ ଫାଙ୍କି କାମ କରୁଥିବାରୁ ପ୍ରଥମେ ସେ ଗାଁ ଲୋକଙ୍କ ଆକ୍ରମଣର ଶିକାର ହୋଇଥିଲେ। ଏ ନେଇ ଖବର ପାଇଲା ପରେ ନୂଆଗାଁ ଫାଣ୍ଡି ପୋଲିସ ସେଠାରେ ପହଞ୍ଚି ଥିଲା। ହେଲେ ସମ୍ପୃକ୍ତ ଠିକାଦାରଙ୍କୁ ଲୋକଙ୍କ କବଳରୁ ଉଦ୍ଧାର କରିବାକୁ ଯାଇ ନାକେଦମ ହେବାକୁ ପଡିଥିଲା। ବହୁକଷ୍ଟରେ ସଂପୃକ୍ତ ଠିକାଦାରଙ୍କୁ ଲୋକଙ୍କ କବଳରୁ ପୋଲିସ ଉଦ୍ଧାର କରି ହାତୀବାରି ଥାନାକୁ ନେଇଥିଲା। ସରକାରୀ କଟକଣା ନ ମାନି କାମ କରୁଥିବା ଅଭିଯୋଗରେ ଶେଷରେ ପୋଲିସ ତାଙ୍କୁ ଗିରଫ କରିଛି। ଏ ନେଇ ହାତୀବାରି ଥାନାରେ ଏକ ମାମଲା (ନଂ. ୩୦/୨୦) ରୁଜୁ ହୋଇଛି।