କୁହାଯାଏ ମାନବିକତାର କୌଣସି ଧର୍ମ ନ ଥାଏ। ଏହାର ଜ୍ୱଳନ୍ତ ଉଦାହରଣ ସାଜିଛନ୍ତି ଜଣେ ଶିଖ୍ ବ୍ୟକ୍ତି। ଦୁର୍ଘଟଣାରେ ଆହତ ହୋଇଥିବା ରିକ୍ସାଚାଳକଙ୍କ କ୍ଷତ ସ୍ଥାନରେ ନିଜ ପଗଡିକୁ କାଢି ବାନ୍ଧି ଦେଇଛନ୍ତି। ଏହି ଶିଖ୍ ବ୍ୟକ୍ତିଙ୍କ ଭିଡିଓ ଏବେ ସୋସିଆଲ ମିଡିଆରେ ଭାଇରାଲ ହୋଇଛି। ଜଣେ ଟୁଇଟର ୟୁଜର ଏହାକୁ ପୋଷ୍ଟ କଲା ପରେ ଏବେ ଭିଡିଓକୁ ଏପର୍ଯ୍ୟନ୍ତ ୧ ହଜାରୁ ଊର୍ଦ୍ଧ୍ୱ ଲୋକ ଦେଖିସାରିଲେଣି। ଭିଡିଓରେ ରିକ୍ସାଚାଳକ ଜଣଙ୍କ ଦୁର୍ଘଟଣାରେ ଆହତ ରାସ୍ତାରେ ବସିଛନ୍ତି ତାଙ୍କ ମୁଣ୍ଡରୁ ରକ୍ତ ବାହାରୁଥିବାବେଳେ ଶିଖ୍ ବ୍ୟକ୍ତି ଜଣଙ୍କ ନିଜ ମୁଣ୍ଡରୁ ପଗଡି କାଢି ତାଙ୍କ ମୁଣ୍ଡରେ ଭିଡୁଥିବାର ଦେଖାଯାଇଛି। ଶିଖ୍ ଧର୍ମର ସନ୍ତକ ହେଉଛି ପଗଡି। ମୁଣ୍ଡରୁ ପଗଡି କାଢିବା ଧର୍ମ ପ୍ରତି ଅସମ୍ମାନ ବୋଲି ଧରାଯାଏ। କିନ୍ତୁ ଉକ୍ତ ଶିଖ୍ ବ୍ୟକ୍ତି ଜଣଙ୍କ ଧର୍ମକୁ ଭୁଲି ମାନବିକତାର ପରିଚୟ ଦେଇଛନ୍ତି।
