ଡେଜର୍ଟ ଗାର୍ଡେନ

ଆଡେନ: ବଦଳୁଛି ଗାର୍ଡେନିଂର ଟ୍ରେଣ୍ଡ। ରୁଫ୍‌ ଗାର୍ଡେନ, କିଚେନ ଗାର୍ଡେନ ପରେ ଏହି ଧାରାରେ ଯୋଡ଼ି ହୋଇଛି ‘ଡେଜର୍ଟ ଗାର୍ଡେନ’। ଏପରି ବଗିଚା ମରୁଭୂମିରେ ଫସଲ ଉତ୍ପାଦନକୁ ଆହୁରି ସହଜ କରିଦେବ। ‘ଡେଜର୍ଟ ଗାର୍ଡେନ’ ପରିକଳ୍ପନା ପଛରେ ରହିଛି ଶରଣାର୍ଥୀ ଶିବିରରେ ନଷ୍ଟ ହୋଇଯାଇଥିବା ଗଦି। ମଧ୍ୟପ୍ରାଚ୍ୟର ଶରଣାର୍ଥୀ କ୍ୟାମ୍ପରେ ଏହା ବେଶ୍‌ ସଫଳ ହୋଇଛି। ଖୁବ୍‌ଶୀଘ୍ର ଏହାକୁ ମରୁଭୂମିର ଟାଙ୍ଗରା ଭୂଇଁରେ ପ୍ରୟୋଗ କରାଯିବାକୁ ଯୋଜନା କରାଯାଉଥିବା ବିଶେଷଜ୍ଞମାନେ କହିଛନ୍ତି।
ଏପରି ଅଭିନବ ବଗିଚାର ପରିକଳ୍ପନା କରିଛନ୍ତି ବ୍ରିଟିଶ ବୈଜ୍ଞାନିକ। ସେମାନଙ୍କ ଉଦ୍ୟମରେ ଖରାପ ହୋଇପଡ଼ିଥିବା ବର୍ଜ୍ୟ ଗଦିରୁ ସଫଳତାର ସହ ଟମାଟୋ, ଧନିଆ, ଲଙ୍କା, ବାଇଗଣ ସହିତ ଅନ୍ୟ ପରିବା ଚାଷ କରାଯାଇପାରିଛି। ୟୁନିର୍ଭସିଟି ଅଫ୍‌ ଶେଫିଲ୍ଡର ବୈଜ୍ଞାନିକ ପ୍ରଫେସର ଟୋନି ରୟାନ କହିଛନ୍ତି, ଶରଣାର୍ଥୀଙ୍କ କ୍ୟାମ୍ପରେ ହଜାର ହଜାର ସଂଖ୍ୟାରେ ଗଦି ବ୍ୟବହୃତ ହୋଇଥାଏ। ନଷ୍ଟ ହୋଇଯିବା ପରେ ଏହାକୁ ସାଧାରଣତଃ ଫିଙ୍ଗି ଦିଆଯାଇଥାଏ। ପାହାଡ଼ ଭଳି ଗଦା ହୋଇ ରହିଥିବା ଗଦିଗୁଡ଼ିକୁ ପରିଚାଳନା କରିବା ଜରୁରୀ ହୋଇପଡ଼ିଥିଲା। ପରିତ୍ୟକ୍ତ ଗଦିରୁ ଫସଲ ଉତ୍ପାଦନ ହୋଇପାରିବ ବୋଲି ଜଣାପଡ଼ିବା ପରେ ‘ଡେଜର୍ଟ ଗାର୍ଡେନ’ର ବାଟ ଖୋଲିଥିଲା।
‘ଡେଜର୍ଟ ଗାର୍ଡେନ’ ପାଇଁ ଗଦିଗୁଡ଼ିକରେ କିଛି ପୋଷକ ତତ୍ତ୍ୱ ମିଶାଇ ସିନ୍ଥେଟିକ୍‌ ମାଟି ପ୍ରସ୍ତୁତ କରାଯାଇଛି। ଏହି ମାଟିକୁ ବ୍ୟବହାର କରି ଔଷଧୀୟ ଚାରା, ପରିବା ଉତ୍ପାଦନ ଆରମ୍ଭ ହୋଇଛି। ହେଲେ ଏହାର ପରିଣାମ ଆଶାତୀତ। ସବୁଠାରୁ ବଡ଼ କଥା ହେଉଛି, ଏହି ମାଟିରେ ୭୦ରୁ ୮୦% କମ୍‌ ପାଣି ବ୍ୟବହୃତ ହୋଇଥାଏ। ତେଣୁ ଏହାକୁ ମରୁଭୂମିରେ ବ୍ୟବହାର କରି ଫସଲ ଉତ୍ପାଦନ କରାଯାଇପାରିବ। ମରୁଭୂମିର ଜଳକଷ୍ଟକୁ ଏହି ବଗିଚା ଅନେକାଂଶରେ ସୁଧାରିପାରିବ ଏବଂ ଏହାଦ୍ୱାରା ଅଧିକ ପାଣି ସଞ୍ଚୟ ହୋଇପାରିବ। ଡାଇଡ୍ରୋପୋନିକ୍ସ ଟେକ୍‌ନିକ୍‌କୁ ପ୍ରୟୋଗ କରି ଏହି ବଗିଚା ପ୍ରସ୍ତୁତ କରାଯାଇଛି, ଯେଉଁଥିରେ ମାଟି ବଦଳରେ ପାଣିରେ ଆବଶ୍ୟକ ପୋଷକ ତତ୍ତ୍ୱ ଘୋଳି ଦିଆଯାଇଥାଏ। ଗଛରୁ ଚେର ବାହାରିବା ପରେ ସେଗୁଡ଼ିକୁ ସିନ୍ଥେଟିକ୍‌ ମାଟି ଉପରେ ରୋପଣ କରାଯାଏ। ଏହି ଟେକ୍‌ନିକ୍‌ରେ ଗୋଟିଏ ଫାଇଦା ହେଉଛି, ଏଥିରେ ଗଛ ପାଇଁ କୀଟନାଶକ ପ୍ରୟୋଗର ଆବଶ୍ୟକତା ନ ଥାଏ। ୧୦୦୦ ସିରିଆ ଶରଣାର୍ଥୀ ଏବଂ ସେଠାକାର ଚାଷୀଙ୍କ ଉଦ୍ୟମରେ ଏହା ସଫଳ ହୋଇପାରିଛି। ଆଗାମୀ ଦିନରେ ଏହାକୁ ଅନ୍ୟ ଶରଣାର୍ଥୀ ଶିବିରରେ ଆରମ୍ଭ କରାଯିବାକୁ ଯୋଜନା କରାଯାଉଥିବା ରେୟାନ ସୂଚନା ଦେଇଛନ୍ତି।


Enter your email to get our daily news in your inbox.

All Right Reserved By Dharitri.Com

୧୨ ବର୍ଷ ବୟସରେ ଡାଟା ବୈଜ୍ଞାନିକ ହେଲେ ୭ମ ଶ୍ରେଣୀର ଛାତ୍ର

ହାଇଦ୍ରାବାଦ,୨୬।୧୧:ହାଇଦ୍ରାବାଦର ୧୨ ବର୍ଷୀୟ ସିଦ୍ଧାର୍ଥ ଶ୍ରୀବାସ୍ତବ ପିଲ୍ଲାଇ ଏକ ନିଆରା କୀର୍ତ୍ତିମାନ ସ୍ଥାପନ କରିଛନ୍ତି। ଏତେ କମ୍‌ ବୟସରୁ ସେ ଡାଟା ବୈଜ୍ଞାନିକ ହେବାର ସୌଭାଗ୍ୟ...

ଥରିଲା ଆମେରିକା: ୭.୫ ତୀବ୍ରତାର ଭୂକମ୍ପ ସହ ଆସିଲା ସୁନାମୀ

ଆଲାସ୍କା,୨୦ ।୧: ଆମେରିକାର ଆଲାସ୍କାରେ ସୋମବାର ଏକ ବଡ ଧରଣର ଭୂକମ୍ପ ଅନୁଭୁତ ହୋଇଛି । ରିକ୍ଟର ସ୍କେଲରେ ଏହାର ତୀବ୍ରତା ରହିଥିଲା ୭.୫ ।...

ମୁକେଶ ଅମ୍ବାନୀଙ୍କୁ ୨ ଦିନ ଗ୍ୟାରେଜ୍‌ରେ ବନ୍ଦ କରିଦେଇଥିଲେ ପିତା, ଜାଣନ୍ତୁ କାହିଁକି

ଭାରତର ସବୁଠୁ ଧନୀ ବ୍ୟକ୍ତି ମୁକେଶ ଅମ୍ବାନୀ ପ୍ରାୟତଃ ଚର୍ଚ୍ଚାରେ ଥାନ୍ତି। ନିକଟରେ ତାଙ୍କ କମ୍ପାନୀ ରିଲାଏନ୍ସ ଗ୍ରୁପ୍‌ ଫ୍ୟୁଚର୍‌ ଗ୍ରୁପ୍‌କୁ କିଣିଛି। ଫ୍ୟୁଚର୍‌ ଗ୍ରୁପ୍‌ର...

ଏହି ଗାଁରେ ଜନ୍ମ ନିଅନ୍ତି କେବଳ ଯାଆଁଳା ସନ୍ତାନ

ଯାଆଁଳା ପିଲାଙ୍କ କଥା ସମସ୍ତେ ଅଳ୍ପ ବହୁତେ ଜାଣିଥିବେ। ହେଲେ କେରଳର ମଲ୍ଲମପୁର ଜିଲା କୋଡିନ୍ନି ଗାଁ ସବୁଠାରୁ ନିଆରା। ଏଠାରେ ଅଧିକାଂଶ ମା’ଙ୍କର ଜମଜ...

ସର୍ଜରୀ କରି ପୁରୁଷ ହେଲେ ସୁନ୍ଦରୀ ଅଭିନେତ୍ରୀ: ସିକ୍ସ୍‌ ପ୍ୟାକ୍‌ ଫଟୋ ସୋସିଆଲ୍‌ ମିଡ଼ିଆରେ ଭାଇରାଲ…

ଓ୍ବାଶିଂଟନ,୨୭।୫: ହଲିଉଡ୍‌ର ସୁନ୍ଦରୀ ଅଭିନେତ୍ରୀ ଇଲେନ୍‌ ପେଜ୍‌ ନିଜର ସର୍ଜରୀ କରି ମହିଳାରୁ ପୁରୁଷ ପାଲଟି ଯାଇଛନ୍ତି। ପୁରୁଷ ଭାବେ ଏବେ ତାଙ୍କର ନାମ ଇଲିଓଟ୍‌...

ପାରା-କୁକୁର ଛୁଆ ବନ୍ଧୁତ୍ୱ: ସୋସିଆଲ୍‌ ମିଡ଼ିଆରେ ଭାଇରାଲ

ନ୍ୟୁୟର୍କ,୧୯।୨: ଗୋଟିଏ ପ୍ରଜାତିର ପ୍ରାଣୀଙ୍କ ମଧ୍ୟରେ ବନ୍ଧୁତା ସୃଷ୍ଟି ହେବା ସାଧାରଣ କଥା। ତେବେ ଭିନ୍ନ ଭିନ୍ନ ପ୍ରାଣୀଙ୍କ ମଧ୍ୟରେ ବନ୍ଧୁତ୍ୱ ଦେଖାଯିବା ଏକ ନିଆରା...

ପ୍ରଥମ ରୋଜଗାର: ପ୍ରଥମ ଦରମାକୁ ତିନିମାସ ଖର୍ଚ୍ଚ କରିଥିଲି

ଗଞ୍ଜାମ ଜିଲା ଧରାକୋଟରେ ମୋ ଜନ୍ମ। ସାତ ଭାଇଭଉଣୀ (୫ ଭାଇ ଓ ୨ ଭଉଣୀ) ମଧ୍ୟରେ ମୁଁ ସବା ସାନ। ତେଣୁ ବ୍ରହ୍ମପୁରରୁ ସ୍କୁଲ୍‌...

୩୦ ଲକ୍ଷ ଟପିଲା ଆକ୍ରାନ୍ତଙ୍କ ସଂଖ୍ୟା

ଓ୍ବାଶିଂଟନ/ରୋମ୍‌/ଲଣ୍ଡନ,୨୮ା୪: ପ୍ରାଣଘାତୀ କରୋନାରେ ୨୧୦ ଦେଶରେ ମୋଟ ୨.୦୮ ଲକ୍ଷରୁ ଅଧିକ ଲୋକ ପ୍ରାଣ ହରାଇଲେଣି। ସଂକ୍ରମିତଙ୍କ ସଂଖ୍ୟା ୩୦ ଲକ୍ଷ ଟପିଥିବା ବେଳେ ଆମେରିକା,...

Advertisement


Archives

Model This Week