କରୋନା ମହାଯୁଦ୍ଧରେ ନିଜ ଜୀବନକୁ ବାଜି ଲଗାଇ କାର୍ଯ୍ୟ କରୁଛନ୍ତି ଡାକ୍ତର ଓ ସ୍ବାସ୍ଥ୍ୟକର୍ମୀ। ସେମାନଙ୍କ ସମ୍ମାନର୍ଥେ କେଉଁଠି ଫୁଲବର୍ଷା କରାଯାଉଛି ତ ଆଉ କେଉଁଠି ଘଣ୍ଟ ବଜାଇ ସେମାନଙ୍କ ମନୋବଳ ଦୃଢ କରାଯାଉଛି। ଭାରତୀୟ କ୍ରିକେଟର କେ.ଏଲ ରାହୁଲ କରୋନା ଯୋଦ୍ଧାଙ୍କୁ ସଲାମ କରିଛନ୍ତି। ଡାକ୍ତର ଓ ସ୍ବାସ୍ଥ୍ୟକର୍ମୀଙ୍କୁ ପ୍ରଶଂସା କରିବା ସହ ସେମାନଙ୍କ ପାଇଁ ପ୍ୟୁମା ଜୋତା ଦାନ କରିଛନ୍ତି ରାହୁଲ। ଡାକ୍ତର ଓ ସ୍ବାସ୍ଥ୍ୟକର୍ମୀଙ୍କ ପାଇଁ ସେ ମଧ୍ୟ ଏକ ଚିଠି ଲେଖି କହିଛନ୍ତି, ଦେଶ ପାଇଁ ଆପଣମାନଙ୍କ କାର୍ଯ୍ୟ ଅତୁଳନୀୟ। ସେଥିପାଇଁ ଧନ୍ୟବାଦ। ଆପଣମାନଙ୍କୁ ସମ୍ମାନ ଜଣାଇବା ଲାଗି ମୋ ପକ୍ଷରୁ ଏହା ଏକ ଛୋଟିଆ ପ୍ରୟାସ ବୋଲି ସେ କହିଛନ୍ତି।
