ମୁମ୍ବାଇ: ଆଗାମୀ ଫିଲ୍ମ ‘ହମେ ତୁମ୍ସେ ପ୍ୟାର୍ କିତ୍ନା’ ପାଇଁ ଏକ ଲଭ୍ ସଙ୍ଗ୍ ଗାଇଛନ୍ତି ଗାୟିକା ଶ୍ରେୟା ଘୋଷାଲ ଏବଂ ସୋନୁ ନିଗମ। ‘ଜୁବି ଡୁବି’ ଏବଂ ‘ଦିଲ୍ ଦୁବା’ ଭଳି ଫିଲ୍ମଗୀତ ଗାଇ ଶ୍ରୋତାଙ୍କୁ ମୁଗ୍ଧ କରିବା ପରେ ଦୁହେଁ ଏକ ଟାଇଟଲ୍ ସଙ୍ଗ୍ ଏକାଠି ଗାଇଛନ୍ତି। କରନ୍ବୀର ବୋହରାଙ୍କ ଅଭିନୀତ ‘ହମେ ତୁମ୍ସେ ପ୍ୟାର କିତ୍ନା’ର ଟାଇଟଲ ସଙ୍ଗ୍ରେ ଉଭୟେ ସ୍ବର ଦେଇଛନ୍ତି। ଶ୍ରେୟା ପ୍ରଥମ ଥର ପାଇଁ ଏକ ରିକ୍ରିଏଟେଡ ସଙ୍ଗ୍ ଗାଇଛନ୍ତି। ଏ ସଂକ୍ରାନ୍ତରେ କରନ୍ବୀର କହନ୍ତି, ଶ୍ରେୟା ଆମ ଟାଇଟଲ୍ ଗୀତ ଗାଇଥିବାରୁ ଅଧିକ ଖୁସି ଅନୁଭବ କରୁଛି। ଶ୍ରେୟାଙ୍କ ଜୀବନରେ ଏହି ଗୀତ ଏକ ସ୍ବତନ୍ତ୍ର ମର୍ଯ୍ୟାଦା ବହନ କରେ, କାରଣ ସେ ପ୍ରଥମ ଥର ପାଇଁ ‘ହମେ ତୁମ୍ସେ ପ୍ୟାର କିତ୍ନା’ ଟାଇଟଲ୍ ସଙ୍ଗ୍କୁ ମଞ୍ଚରେ ଗାଉଛନ୍ତି। ଜୁନ୍ ୧୭ରେ ଏହି ଟାଇଟଲ୍ ଟ୍ରାକ୍ ରିଲିଜ ହେବାକୁ ଯାଉଛି। ଉକ୍ତ ଗୀତକୁ ୧୯୮୧ରେ ‘କୁଦରତ’ ଫିଲ୍ମରେ କିଶୋର କୁମାର ହିଁ ଗାଇଥିଲେ।
ଲଳିତ ମୋହନଙ୍କ ନିର୍ଦ୍ଦେଶିତ ଏବଂ ମହେନ୍ଦ୍ର ବୋହ୍ରା ଓ ବେଲ୍ଭି ପ୍ରଡକ୍ସନ୍ସ ଦ୍ୱାରା ପ୍ରସ୍ତୁତ ‘ହମେ ତୁମ୍ସେ ପ୍ୟାର କିତ୍ନା’ ଜୁନ୍ ୨୮ରେ ରିଲିଜ ହେବାକୁ ଯାଉଛି।
