ଝିଅର ଆର୍‌ଟିଆଇ ତଥ୍ୟ ମା’ହତ୍ୟା ଘଟଣାର ଗୁମର ଖୋଲିଲା: ୮ ବର୍ଷ ପରେ ଖପୁରି ଉଦ୍ଧାର

ସମ୍ବଲପୁର, ୨୭।୭ (ବ୍ୟୁରୋ): ଦିଲ୍ଲୀସ୍ଥିତ ଜବାହରଲାଲ ନେହେରୁ ବିଶ୍ୱବିଦ୍ୟାଳୟ (ଜେଏନ୍‌ୟୁ)ରେ ପିଏଚ୍‌ଡି କରୁଥିବା ଜଣେ ଛାତ୍ରୀ ସୂଚନା ଆଇନ ବଳରେ ତାଙ୍କ ମା’ଙ୍କ ନିଖୋଜ ନେଇ ଡିଜି ଅଫିସରୁ ତଥ୍ୟ ମାଗିବା ପରେ ଗୋଟିଏ ପରେ ଗୋଟିଏ ଗୁମର ଖୋଲିବାରେ ଲାଗିଛି। ସମ୍ବଲପୁର ସହର ନନ୍ଦପଡାର ଜୟଶ୍ରୀ ମିଶ୍ର ନିଖୋଜ ନ ଥିଲେ, ତାଙ୍କୁ ହତ୍ୟାକରି ପୋତି ଦିଆଯାଇଥିବା ଜଣାପଡ଼ିଛି। ଶୁକ୍ରବାର ବୁର୍ଲା ଥାନା ବଡସିଙ୍ଘାରି ଗାଁରୁ ମୃତାଙ୍କ ଖପୁରୀ ଓ ହାଡ ଆଦି ଦେହାବଶେଷକୁ ପୋଲିସ ଜବତ କରିଛି। ଜୟଶ୍ରୀଙ୍କ ସମ୍ପର୍କୀୟ ଭିଣୋଇ ତଥା ଅଭିଯୁକ୍ତ ବଡସିଙ୍ଘାରି ଗ୍ରାମର ବସନ୍ତ ପଣ୍ଡାଙ୍କୁ ପୋଲିସ ରିମାଣ୍ଡରେ ଆଣି ଘଟଣାସ୍ଥଳକୁ ନେଇଥିଲା। ତାଙ୍କ ଉପସ୍ଥିତିରେ ଜେସିବିରେ ମାଟି ଖୋଳା ହୋଇଥିଲା। ସେହିପରି ଜୟଶ୍ରୀଙ୍କୁ ପୋତିବା ସମୟରେ ମାଟି ଖୋଳିବା ପାଇଁ ସହଯୋଗ କରିଥିବା ସେହି ଗ୍ରାମର ଚୈତନ୍ୟ କୁଅଁରଙ୍କୁ ମଧ୍ୟ ପୋଲିସ ସେଠାକୁ ନେଇଥିଲେ । ପ୍ରାୟ ୪ ଘଣ୍ଟା ପରେ ଖପୁରୀ ଓ ଅଣ୍ଟା ହାଡର
କିଛି ଅଂଶକୁ ଉଦ୍ଧାର କରିଛି। ଘଟଣା ସ୍ଥଳରେ ସାଇଣ୍ଟିଫିକ୍‌ ଟିମ୍‌, ଫରେନସିକ୍‌ ଟିମ୍‌ ଓ ଜୟଶ୍ରୀଙ୍କ ଝିଅ ଅଭିଯୋଗକାରିଣୀ ବିଜୟିନୀ ମିଶ୍ର ଉପସ୍ଥିତ ଥିଲେ। ଫରେନସିକ ଯାଞ୍ଚ ପରେ ଡିଏନଏ ଟେଷ୍ଟ ପାଇଁ ଏସବୁ ଦେହାବଶେଷକୁ ପଠାଯିବ। ଡିଏନଏ ଟେଷ୍ଟ ପରେ ଉଦ୍ଧାର ହାଡ ଜୟଶ୍ରୀଙ୍କର କିମ୍ବା ଆଉ କାହାର ତାହାର ପ୍ରମାଣ ମିଳିବ ବୋଲି ସମ୍ବଲପୁର ସଦର ଏସ୍‌ଡିପିଓ ଭବାନୀଶଙ୍କର ଉଦ୍‌ଗାତା ସୂଚନା ଦେଇଛନ୍ତି । ତେବେ ଏହି ହତ୍ୟା ଘଟଣାରେ ଚୈତନ୍ୟଙ୍କ କୌଣସି ସମ୍ପୃକ୍ତି ନାହିଁ । ଚୈତନ୍ୟ ଅଭିଯୁକ୍ତ ବସନ୍ତଙ୍କ ଘରେ ସେ ସମୟରେ ମଜୁରିଆ ଭାବେ କାମ କରୁଥିଲେ। ତାଙ୍କୁ ମୂଲ୍ୟବାନ ପଥର ଖୋଜିବାକୁ ଅଛି କହି ଅଭିଯୁକ୍ତ ବସନ୍ତ ଗାତ ଖୋଳାଇ ଥିଲେ । ହେଲେ କୌଣସି ପଥର ନ ମିଳିବାରୁ ଚୈତନ୍ୟଙ୍କୁ ୨ଶହ ଟଙ୍କା ମଜୁରୀ ଦେଇଥିଲେ। ସେ ଗାତ ଖୋଳି ଚାଲି ଯାଇଥିଲେ। ଦୁଇ ଦିନ ପରେ ରତ୍ନପଥର ପାଇବା ଲୋଭରେ ଚୈତନ୍ୟ ସେହି ସ୍ଥାନକୁ ଆସି ଗାତ ବନ୍ଦ ଥିବା ଦେଖିବାକୁ ପାଇଥିଲେ। ପରେ ସେ ମାଟି ଖୋଳିବାରୁ ଗାତରେ ଜଣେ ମହିଳାଙ୍କ ମୃତଦେହ ପୋତା ଯାଇଥିବା ଦେଖି ବସନ୍ତଙ୍କୁ ପଚାରିଥିଲେ । ହେଲେ ବସନ୍ତ ତାଙ୍କୁ ଧମକ ଦେଇ ଚୁପ୍‌ ରହିବାକୁ କହିଥିଲେ ବୋଲି ଏସଡିପିଓ ଉଦ୍‌ଗାତା କହିଛନ୍ତି।
ସୂଚନାଯୋଗ୍ୟ ଯେ, ୨୦୧୧ ନଭେମ୍ବର ୧୧ ତାରିଖରେ ବଡ଼ଝିଅ ବିବାହ କାର୍ଯ୍ୟକ୍ରମରେ ଯୋଗ ଦେବାକୁ ନିମନ୍ତ୍ରଣ କରିବା ପାଇଁ ଜୟଶ୍ରୀ ବଡ଼ସିଂହାରୀ ଗ୍ରାମର ତାଙ୍କ ସମ୍ପର୍କୀୟ ଭିଣୋଇ ବସନ୍ତଙ୍କ ଘରକୁ ଯାଇଥିଲେ । ହେଲେ ସେହି ଦିନରୁ ସେ ଆଉ ଫେରି ନଥିଲେ । ଏ ନେଇ ଝିଅ ବିଜୟିନୀ ୨ ଦିନ ପରେ ସମ୍ବଲପୁର ଟାଉନ ଥାନାରେ ତାଙ୍କ ମା’ ନିଖୋଜ ଥିବା ନେଇ ଅଭିଯୋଗ କରିଥିଲେ । ଏହାର କିଛିଦିନ ପରେ ସେ ପୁଣି ଆଉ ଥରେ ଥାନାକୁ ଯାଇ ତାଙ୍କ ମା’ଙ୍କୁ ହତ୍ୟା କରାଯାଇଥିବା ଅଭିଯୋଗ କରିଥିଲେ। ବସନ୍ତ ୧ ଲକ୍ଷ ୬୦ ହଜାର ଟଙ୍କା ତାଙ୍କ ମା’ଙ୍କଠାରୁ ଧାର ସୂତ୍ରରେ ନେଇଥିଲେ। ହେଲେ ଫେରାଉ ନ ଥିଲେ। ଏହି ଟଙ୍କା ଫେରି ପାଇବାକୁ ମା’ ବାରମ୍ବାର ତାଙ୍କୁ ମାଗୁଥିଲେ । ଏହି ଘଟଣା ହତ୍ୟାର କାରଣ ହୋଇଥାଇ ପାରେ ବୋଲି ବିଜୟିନୀ ପୋଲିସକୁ କହିଥିଲେ। ହେଲେ ସେ ସମୟରେ ପୋଲିସ ତାଙ୍କ କଥାକୁ ଗୁରୁତ୍ୱ ନ ଦେଇ ଫେରାଇ ଦେଇଥିଲା। ଘଟଣାର ୮ ବର୍ଷ ପରେ ବିଜୟିନୀ ଶେଷରେ ଗତ ଏପ୍ରିଲ ୨୨ରେ ପୋଲିସ ଡିଜିଙ୍କ କାର୍ଯ୍ୟାଳୟକୁ ସମ୍ବଲପୁର ଟାଉନ ଥାନାରେ ହୋଇଥିବା ମାମଲାର ସ୍ଥିତି ବିଷୟରେ ଆରଟିଆଇରେ ତଥ୍ୟ ମାଗିଥିଲେ । ଡିଜି ଅଫିସ ଏହାକୁ ଗୁରୁତର ସହ ନେଇ ରିପୋର୍ଟ ଦେବା ପାଇଁ ସମ୍ବଲପୁର ଏସପିଙ୍କ ପାଖକୁ ନିର୍ଦ୍ଦେଶ ଆସିଥିଲା। ଏସପି ଅଫିସ ଚିଠି ପାଇବା ପରେ ଏହି ଘଟଣାର ତଦନ୍ତ ରିପୋର୍ଟ ଦେବାକୁ ଏସ୍‌ଡିପିଓ ଉଦ୍‌ଗାତାଙ୍କୁ ଦାୟିତ୍ୱ ଦିଆଯାଇଥିଲା । ପୋଲିସ ଏକ ଟିମ୍‌ ଗଠନ କରି ହତ୍ୟା ଅଭିଯୋଗ ଉପରେ ତଦନ୍ତ କରିଥିଲା। ଅଭିଯୁକ୍ତ ବସନ୍ତଙ୍କୁ ଯୁଯୁମୁରାରୁ ପୋଲିସ ଗତ ୨୦ ତାରିଖ ରାତିରେ ଗିରଫ କରିଥିଲା। ୨୦୧୧ରେ ହୋଇଥିବା ନିଖୋଜ ମାମଲାକୁ ଗତ ଜୁଲାଇ ୨୧ ତାରିଖରେ ପୋଲିସ ହତ୍ୟା ମାମଲା (ନଂ.୨୮୯/୧୯)କୁ ପରିବର୍ତ୍ତନ କରିଛି। ସୂଚନାଯୋଗ୍ୟ, ଅଭିଯୁକ୍ତ ବସନ୍ତ ପ୍ରଥମେ ୨ ବର୍ଷ ପାଇଁ ହରିଦ୍ୱାର ପଳାଇଥିଲେ। ସେଠାରୁ ଫେରି ନିଜ ଗାଁରେ ନ ରହି ଯୁଯୁମୁରାରେ ଏକ ଘର ଭଡା ନେଇଥିଲେ । ସେଠାକାର ଏକ ମନ୍ଦିରରେ ପୂଜାପାଠ କରିବା ସହ ଏକ ଟ୍ରାକ୍ଟର ରଖି ରୋଜଗାର କରୁଥିଲେ।
ଏ ସମ୍ପର୍କରେ ବିଜୟିନୀ କହିଛନ୍ତି, ଆଗକୁ ଏହି ମାମଲାରେ ପୋଲିସ ଲକ୍ଷ୍ୟଚୁତ ନ ହୋଇ ଠିକ୍‌ ଭାବେ କିପରି ତଦନ୍ତ କରିବ ଓ ଅଭିଯୁକ୍ତଙ୍କୁ କଠୋର ଶାସ୍ତି ମିଳିବ ସେଥିପାଇଁ ସେ ପୋଲିସ ଡିଜିଙ୍କୁ ଭେଟି ଅନୁରୋଧ କରିବେ।


Enter your email to get our daily news in your inbox.

All Right Reserved By Dharitri.Com

ଶତକ ମାରିବା ପରେ ପକେଟରୁ ଚିଠି ବାହାର କଲେ ଏହି କ୍ରିକେଟର: ଚିଠି ପଢିଲେ ହୋଇଯିବେ ଭାବବିହ୍ବଳ

ଜୋହାନ୍ସବର୍ଗ,୧୭।୧୧: କ୍ରିକେଟ ପଡ଼ିଆରେ ଅନେକ ଖେଳାଳି ନିଜ ଅନନ୍ୟ ଅନ୍ଦାଜରେ ଶତକ ପାଳନ କରିଥାନ୍ତି। କିନ୍ତୁ ବାଂଲାଦେଶର ଉଇକେଟ୍‌କିପର ବ୍ୟାଟର ଲିଟନ ଦାସ ଏଥର ନିଜ ଶତକକୁ…

IPL ଇତିହାସରେ ହେବାକୁ ଯାଉଛି ସବୁଠାରୁ ବଡ଼ ପରିବର୍ତ୍ତନ! ICC ପ୍ରସ୍ତୁତ କରିଛି ବିଶାଳ ଯୋଜନା

ନୂଆଦିଲ୍ଲୀ,୧୭।୧୧: ଆଇପିଏଲ (IPL) ସମ୍ବନ୍ଧୀୟ ଏକ ବଡ଼ ଖବର ସାମ୍ନାକୁ ଆସିଛି, ଯାହା ନିଶ୍ଚିତ ଭାବରେ କ୍ରିକେଟ ପ୍ରଶଂସକମାନଙ୍କୁ ଖୁସି କରିବ। ବିଶ୍ୱର ସବୁଠାରୁ ବଡ଼ ଟି-୨୦…

ହର୍ମୁଜ ପ୍ରଣାଳୀରେ ବାରୁଦ ସୁଡ଼ଙ୍ଗ ସହ ଧକ୍କା ହେଲା ତୈଳ ଟ୍ୟାଙ୍କ; ଇଞ୍ଜିନ ରୁମରେ ଲାଗିଲା ନିଆଁ

ତେହରାନ,୧୭।୧୧: ପଶ୍ଚିମ ଏସିଆରେ ଚାଲିଥିବା ସଂଘର୍ଷଯେଉଁଥିରେ ଆମେରିକା, ଇସ୍ରାଏଲ ଏବଂ ଇରାନ ସାମିଲ ଅଛନ୍ତିତାହା ବର୍ତ୍ତମାନ ସାମୁଦ୍ରିକ ବାଣିଜ୍ୟ ପଥ ଉପରେ ପ୍ରଭାବ ପକାଉଛି। ଓମାନ ନିକଟସ୍ଥ…

ଡେବ୍ରିଗଡ଼ ଅଭୟାରଣ୍ୟରେ ବନ୍ୟପ୍ରାଣୀ ଶିକାର ଯୋଜନା ପଣ୍ଡ: ୪ ଅଭିଯୁକ୍ତ ଗିରଫ

ସମ୍ବଲପୁର,୧୭।୧୧(ପ୍ରମୋଦ ବହିଦାର): ଡେବ୍ରିଗଡ଼ ବନ୍ୟପ୍ରାଣୀ ଅଭୟାରଣ୍ୟରେ ବନ୍ୟଜନ୍ତୁ ଶିକାର ପାଇଁ ଫାଶ ବସାଇବା ଯୋଜନାକୁ ବନ ବିଭାଗ ପଣ୍ଡ କରିବା ସହ ୪ ଜଣ ଅଭିଯୁକ୍ତଙ୍କୁ ଗିରଫ…

ଏଇ ଭାରତରେ

ମହାରାଷ୍ଟ୍ରର କୋହ୍ଲାପୁର ଜିଲା କରବିର ବ୍ଲକ୍‌ର ଛୋଟ ଗାଁ ଶିଲ୍‌କଓ୍ବାଡ଼ି। ଏଠାରେ କେବଳ ଗୋଲାପି ରଙ୍ଗର ଘର ଦେଖିବାକୁ ମିଳେ। ସେଥିପାଇଁ ଏହା ପିଙ୍କ୍‌ ଭିଲେଜ ବା…

ଦାନ, ଦମ୍ଭ ଓ ଦୁର୍ଦ୍ଦିନର ଆତ୍ମସମ୍ମାନ

ଯେତେବେଳେ ଜଣେ ବ୍ୟକ୍ତି କିମ୍ବା ଗୋଷ୍ଠୀ ସାମାଜିକ ସ୍ତରରେ ନିଜକୁ ଅନ୍ୟମାନଙ୍କଠାରୁ ଶ୍ରେଷ୍ଠ ବୋଲି ପ୍ରମାଣ କରିବାକୁ ଚେଷ୍ଟା କରନ୍ତି, ସେତେବେଳେ ତାହା ଅହଂକାରରେ ପରିଣତ ହୁଏ।…

ସମବାୟରେ ମାନବ ସମ୍ବଳ ନୀତି

ନୂଆଦିଲ୍ଲୀଠାରେ ମିଳିତ ଜାତିସଂଘ ତରଫରୁ ୨୦୨୪ ନଭେମ୍ବରରେ ଯେଉଁ ଅନ୍ତର୍ଜାତୀୟ ସମବାୟ ସମ୍ମିଳନୀ କରାଯାଇଥିଲା ତାହାର ନିଷ୍କର୍ଷକୁ କାର୍ଯ୍ୟକାରୀ କରିବା ପାଇଁ କେନ୍ଦ୍ର ସମବାୟ ମନ୍ତ୍ରଣାଳୟ ଯୋଜନାମାନ…

ପୋଲିସ ଏନ୍‌କାଉଣ୍ଟର

ପଶ୍ଚିମବଙ୍ଗର ବୀରଭୂମ ଜିଲାରେ ୧୫ ନଭେମ୍ବରରେ ପୋଲିସ ଗୁଳିରେ ରତନ ଶେଖ୍‌ ନାମକ ଜଣେ ବ୍ୟକ୍ତିଙ୍କ ମୃତ୍ୟୁ ଘଟିଛି। ଏହି ହତ୍ୟାକୁ ଏନ୍‌କାଉଣ୍ଟର ଆଖ୍ୟା ଦିଆଯାଇଛି। ପୋଲିସ…

Advertisement

ଧରିତ୍ରୀ କାର୍ଟୁନ

Archives

 

Dharitri-Rashifala


ଛୁଟିଦିନ
ପିଲାଙ୍କ ଧରିତ୍ରୀ
Trending
Let's Pledge For A 'Plastic Free' Odisha Join The Movement Of 'Plastic Free' Odisha

Akash Das Nayak, supports a Plastic Free Odisha. Do you?