ଜୈବିକ ସାର ପ୍ରସ୍ତୁତ କରି କରନ୍ତି ଚାଷ

ବଉଳା, ୧୨। ୩(ଡି.ଏନ.ଏ.)-କେନ୍ଦୁଝର ଜିଲା ହାଟଡିହୀ ବ୍ଲକ ଢ଼େଙ୍କା ପଞ୍ଚାୟତର ଡେଙ୍ଗାଚୁଆ ଗ୍ରାମର ଆଦିବାସୀ ଯୁବକ ଗୋବିନ୍ଦ ମାଝୀ ଜୈବିକ ସାର ପ୍ରସ୍ତୁତ କରି ତାକୁ ପ୍ରୟୋଗ କରି ଚାଷ ଆରମ୍ଭ କରିଛନ୍ତି। ଦେଶୀ ଧାନରେ ଢ଼ିଙ୍କି କୁଟା ଚାଉଳ ପ୍ରସ୍ତୁତ କରି ନିରୋଗ ସ୍ବାସ୍ଥ୍ୟ ପାଇଁ ପ୍ରୟାସ ଚାଷୀ ଓ ସରକାରଙ୍କ ପାଇଁ ଉଦାହରଣ ପାଲଟିଥିବା ନେଇ ଚର୍ଚ୍ଚା ଜୋର ଧରିଛି। ଆଦିବାସୀ ଯୁବକ ଜଣଙ୍କ ୟୁଟ୍ୟୁବ ଏବଂ ଚାଷ ସମ୍ପର୍କିତ ଖବର ଟିଭି ଚ୍ୟାନେଲରେ ଦେଖି ଜୈବିକ ସାର ପ୍ରସ୍ତୁତ ପାଇଁ ମନ ବଳାଇଥିଲେ। ଧିରେଧିରେ ଜଙ୍ଗଲରୁ ବିଭିନ୍ନ ଔଷଧୀୟ ପତ୍ର ସାଙ୍ଗକୁ ଗାଈର ଗୋବର ଓ ଗୋମୂତ୍ରକୁ ପାଥେୟ କରି ଜୈବିକ ସାର ପ୍ରସ୍ତୁତ କରିଥିଲେ। ଏହି ସାର ପ୍ରୟୋଗ କରି ବିନା ସାର ବିଷରେ ପରିବା ଚାଷ ଆରମ୍ଭ କରିଥିଲେ ା
ଏହାକୁ ନେଇ ସେ ଅଞ୍ଚଳରେ ଚର୍ଚ୍ଚା ଜୋର ଧରିଥିବା ବେଳେ ଲୋକମାନଙ୍କର ସେହି ପରିବା ପ୍ରତି ଆଗ୍ରହ ବୃଦ୍ଧି ପାଇଥିଲା ା ଅଧିକ ଦରରେ ବିକ୍ରି କରିଥିଲେ ମଧ୍ୟ ଲୋକମାନେ ଖୁସିରେ ତାଙ୍କ ବାଡ଼ିରୁ ପରିବା କିଣି ନେଇଯାଉଛନ୍ତି। ଏବେ ସେ ଧାନଚାଷ ୧୦ ଏକରରୁ ଊର୍ଦ୍ଧ୍ୱ ଜମିରେ କରିଛନ୍ତି ା ଏହି ଜମିରେ ସେ କୌଣସି ପ୍ରକାର ରାସାୟନିକ ସାର ପ୍ରାୟାଗ କରିନାହାନ୍ତି। ନିଜେ ପ୍ରସ୍ତୁତ କରିଥିବା ଜୈବିକ ସାର ମାଧ୍ୟମରେ ସେ ଚାଷ କରିଛନ୍ତି ା ରାସାୟନିକ ସାର ପ୍ରୟୋଗ ଦ୍ୱାରା ୨୫ କୁଇଣ୍ଟାଲରୁ ଊର୍ଦ୍ଧ୍ୱ ଧାନ ଉତ୍ପାଦନ କରାଯାଇ ପାରୁଥିବା ବେଳେ ଗୋବିନ୍ଦ ଜୈବିକ ସାର ପ୍ରୟୋଗ କରି ଏକର ପିଛା ୧୦ କୁଇଣ୍ଟାଲରୁ ୧୨ କୁଇଣ୍ଟାଲ ଧାନ ଉତ୍ପାଦନ କରିଥାନ୍ତି। ଏଥିମଧ୍ୟରୁ ସେ ଢିଙ୍କି କୁଟା ଦେଶୀ ଚାଉଳ ପ୍ରସ୍ତୁତ କରନ୍ତି। ଏଥିଏଲାଗି ତାଙ୍କ ସ୍ତ୍ରୀ, ଭଉଣୀ ତାଙ୍କୁ ସାହାଯ୍ୟ କରନ୍ତି। ଧାନକୁ ୩ ଥର କୁଟିବା ପରେ ଚାଉଳ ପ୍ରସ୍ତୁତ ହୋଇଥାଏ ା ୩ ଜଣ ଏଥିରେ ସାମିଲ ହୋଇ ଦିନକୁ ପ୍ରାୟ ୨୫ରୁ ୩୦ କିଲୋ ଚାଉଳ ପ୍ରସ୍ତୁତ କରିଥାନ୍ତି। ଏହି ଚାଉଳ ଖାଇଲେ ବିଭିନ୍ନ ରୋଗ କମିବା ସହିତ ପ୍ରତିଶେଧକ କ୍ଷମତା ବୃଦ୍ଧି ପାଇବା ସହିତ ଡାଇବେଟିସ ନିୟନ୍ତ୍ରଣକୁ ଆସିବ ବୋଲି ସେ କହିଛନ୍ତି ା ଉକ୍ତ ଚାଉଳକୁ ଶହେ ଟଙ୍କାରେ ବିକିଲେ ମଧ୍ୟ ଲୋକମାନେ ନେବାକୁ ଖୁସି ମଣୁଛନ୍ତି ା ଥରେ ଯିଏ ନେଉଛି ପୁନର୍ବାର ସେହି ଚାଉଳ ନେବା ପାଇଁ ଅର୍ଡ଼ର ଦେଉଛନ୍ତି। ଏଭଳି ଜୈବିକ ସାର ମାଧ୍ୟମରେ ଚାଷ କରି ସୁସ୍ଥ ରହିବା ସହିତ ଅନ୍ୟକୁ ସୁସ୍ଥ ରଖିବା ପାଇଁ ସେ ପ୍ରୟାସ ଜାରି ରଖିଛନ୍ତି। ଜିଲା ପ୍ରଶାସନ ଏଥିପ୍ରତି ଧ୍ୟାନ ଦେବା ସହିତ ସଚେତନତା ସୃଷ୍ଟି କରିବା ନିହାତି ଜରୁରୀ ବୋଲି ସେ କହିଛନ୍ତି ା ଗୋବିନ୍ଦ ୨୦୧୧ରେ ବ୍ଲକ ସ୍ତରରେ କୃଷି ବିଭାଗ ପକ୍ଷରୁ ପୁରସ୍କୃତ ହୋଇଥିବା ବେଳେ ୨୦୧୨ରେ ଜିଲା ସ୍ତରରେ କୃଷି ବିଭାଗ ପକ୍ଷରୁ ପୁରସ୍କୃତ ହୋଇଛନ୍ତି। ୨୦୧୩ରେ ରାଜ୍ୟସ୍ତରୀୟ ଚାଷୀ ସମ୍ମିଳନୀରେ ମୁଖ୍ୟମନ୍ତ୍ରୀଙ୍କ ନିକଟରୁ ପୁରସ୍କୃତ ହୋଇଥିଲେ। ଜୈବିକ ସାର ପଦ୍ଧତିରେ ଚାଷ କରି ଅନ୍ୟ ପାଇଁ ଏକ ଉଦାହରଣ ପାଲଟିଛନ୍ତି। ଜଣେ ଆଦିବାସୀ ଯୁବକ ରାସାୟନିକ ସାର ପ୍ରଣାଳୀକୁ ବନ୍ଦ କରି ଜୈବିକ ସାର ପଦ୍ଧତିକୁ ଆପଣେଇବା ସହିତ ସୁସ୍ଥ ସମାଜ ଓ ନିରୋଗ ସମାଜ ଗଠନ ପାଇଁ ପ୍ରୟାସ ଅନ୍ୟମାନଙ୍କ ପାଇଁ ଏକ ଉଦାହରଣ ବୋଲି ଏ ଅଞ୍ଚଳରେ ଚର୍ଚ୍ଚା ହେଉଛି ା ଏଭଳି ଉଦୀୟମାନ ଯୁବକ ଚାଷୀଙ୍କୁ ସରକାର ପ୍ରେତ୍ସାହନ ଯୋଗାଇ ଦେବା ସହିତ ଅନ୍ୟ ଚାଷୀ ମାନଙ୍କୁ ସଚେତନତା ଓ ଆକୃଷ୍ଟ ପାଇଁ ଏହାକୁ ମାଧ୍ୟମ କରାଯିବ ବୋଲି ବିଭିନ୍ନ ସଂଗଠନ, ବୁଦ୍ଧିଜୀବୀ ଓ ଶିକ୍ଷାବିତ୍‌ ଓ ବରିଷ୍ଠ ଚାଷୀ ମାନେ ମତ ପ୍ରକାଶ କରିଛନ୍ତି। ଏ ସମ୍ପର୍କରେ ଡିଇଓ କମଳଲୋଚନ ନାୟକଙ୍କୁ ପଚାରିବାରୁ ସେ ଜଣେ ଭଲ ଚାଷୀ ଏବେ ସେ ଜୈବିକ ସାର ମାଧ୍ୟମରେ ଚାଷ କରି ଚାଷ କ୍ଷେତ୍ରରେ ନୂଆ ଅଧ୍ୟାୟ ସୃଷ୍ଟି କରିଛନ୍ତି। ତାଙ୍କୁ ପ୍ରଶାସନ ପକ୍ଷରୁ ସହଯୋଗ କରାଯାଇଥିବା ସେ ତାଙ୍କ ପ୍ରତିକ୍ରିୟାରେ କହିଛନ୍ତି।


Enter your email to get our daily news in your inbox.

All Right Reserved By Dharitri.Com

ଚିକିତ୍ସା ଆଳରେ ମହିଳାଙ୍କୁ ଅସଦାଚରଣ ଅଭିଯୋଗ: ଖୋର୍ଦ୍ଧାର ପୂର୍ବତନ ସିଡିଏମ୍‌ଓ ଗିରଫ

ଖୋର୍ଦ୍ଧା ଅଫିସ,୧୭।୬- ମହିଳାଙ୍କୁ ଅସଦାଚରଣ ଅଭିଯୋଗରେ ଖୋର୍ଦ୍ଧା ଟାଉନ ପୋଲିସ ବୁଧବାର ଏକ ଘରୋଇ କ୍ଲିନିକ ଡାକ୍ତର ବୈଦ୍ୟନାଥ ନାୟକଙ୍କୁ ଗିରଫ କରିଛି। ସେ ଖୋର୍ଦ୍ଧାର...

ଯୋଗାଣ ବିଭାଗର ଚଢ଼ାଉ, ୧୪ ସିଲିଣ୍ଡର ଜବତ

ଭଞ୍ଜନଗର,୯।୨(ଡି.ଏନ.ଏ)- ଭଞ୍ଜନଗର ଉପଖଣ୍ଡ ଯୋଗାଣ ବିଭାଗ ପକ୍ଷରୁ ରବିବାର ସକାଳେ ସହରର ବିଭିନ୍ନ ହୋଟେଲରେ ଚଢ଼ାଉ କରାଯାଇ ବେନିୟମ ଭାବେ ବ୍ୟବହାର ହେଉଥିବା ୧୪ଟି ରନ୍ଧନ...

ଲିଭିନି ପୁରୁଣା ପରମ୍ପରା: ରଜ ପାଇଁ ଆରମ୍ଭ ହେଲାଣି ସଜବାଜ

ଆନନ୍ଦପୁର,୧୧।୬(ସ୍ବ.ପ୍ର.): ଓଡ଼ିିଆମାନଙ୍କ ଗଣପର୍ବ ରଜ। ଏଥିପାଇଁ ରଜ ତିନି ଦିନ ଯାକ ଘରେ ପିଠାପଣା ଓ ମିଠାର ଆସର ଜମିଥିବାବେଳେ ବନ୍ଧୁ ପ୍ରିୟଜନଙ୍କ ଭେଟଘାଟ ହେବାର...

ଲକ୍‌ ଡାଉନ୍‌ର ପ୍ରଭାବ: ପାଳନ ହେଲାନି ବିଶ୍ୱ ନାଟ୍ୟ ଦିବସ

ବ୍ରହ୍ମପୁର ଅଫିସ,୨୭ା୩-ସମାଜରେ ସଂସ୍କାର ଅଣିବାରେ ସର୍ବଦା ପ୍ରମୁଖ ଭୂମିକା ଗ୍ରହଣ କରିଆସିଥିବା ମଞ୍ଚନାଟକକୁ ପୁର୍ନଜୀବିତ କରିବା ନେଇ ମାର୍ଚ୍ଚ ୨୭କୁ ବିଶ୍ୱ ନାଟ୍ୟ ଦିବସ ଭାବେ...

ରାଜ୍ୟରେ ସୁସ୍ଥ ହେଲେ ଆଉ ୩୪୪୩ କରୋନା ଆକ୍ରାନ୍ତ

ଭୁବନେଶ୍ୱର,୫।୯(ବ୍ୟୁରୋ)-ରାଜ୍ୟରେ ଶନିବାର ଆଉ ୩୪୪୩ କରୋନା ଆକ୍ରାନ୍ତ ସୁସ୍ଥ ହୋଇଛନ୍ତି। ଖୋର୍ଦ୍ଧା ଜିଲାରୁ ସର୍ବାଧିକ ୯୫୧ ଜଣ ଆକ୍ରାନ୍ତ ସୁସ୍ଥ ହୋଇଥିବାବେଳେ କଟକରୁ ୨୫୧, ମୟୂରଭଞ୍ଜରୁ...

ଗୋଖାଦ୍ୟ ବୋଝେଇ ଟ୍ରକ୍‌ରେ ୪ କ୍ୱିଣ୍ଟାଲରୁ ଊର୍ଦ୍ଧ୍ୱ ଗଞ୍ଜେଇ ଚାଲାଣ: ଟ୍ରକ ଜବତ, ୨ ଗିରଫ

କୋରାପୁଟ,୧୫।୧୧(ସ୍ବ.ପ୍ର.): କୋରାପୁଟ ଜିଲା ପଟ୍ଟାଙ୍ଗିଠାରେ ଶୁକ୍ରବାର ଏକ ଟ୍ରକରୁ ସ୍ଥାନୀୟ ପୋଲିସ ଦ୍ୱାରା ୪ କ୍ୱିଣ୍ଟାଲରୁ ଊର୍ଦ୍ଧ୍ୱ ଗଞ୍ଜେଇ ଜବତ ହୋଇଛି। ଗୋଖାଦ୍ୟ ସାମଗ୍ରୀ ନେଇ...

ଉଦ୍‌ଘାଟନକୁ ୧୫ ବର୍ଷ ବିତିଲା: କାର୍ଯ୍ୟକ୍ଷମ ହୋଇପାରିନି ଉପଖଣ୍ଡ ଷ୍ଟାଡିୟମ

ତାଳଚେର,୧୧ା୮(ନି.ପ୍ର.) – କ୍ରୀଡା ଓ କ୍ରୀଡାବିତ୍‌ଙ୍କ ଉନ୍ନତି ନିମନ୍ତେ ରାଜ୍ୟ ସରକାର ବହୁ ମିନି ଷ୍ଟାଡିୟମ ନିର୍ମାଣ କରୁଛନ୍ତି। ହେଲେ ତାଳଚେର ରାଜବାଟୀ ନିକଟରେ ୨୦୦୪ରୁ...

ନିଆରା ଢଙ୍ଗରେ ପାଳିତ ହେଲା ସ୍ବାଧୀନତା ଦିବସ

ଚିତ୍ରଡ଼ା,୧୫ା୮(ଡି.ଏନ୍‌.ଏ.): ମୟୂରଭଞ୍ଜ ଜିଲା ମୋରଡ଼ା ବ୍ଲକ ଅଧୀନ ଚିତ୍ରଡ଼ା ପଞ୍ଚାୟତରେ ଯାଇଥିବା ରାଜ୍ୟ ରାଜପଥ ପାଶର୍‌ବରେ ମୋରଡ଼ା ନିର୍ବାଚନ ମଣ୍ଡଳୀର ପୂର୍ବତନ କଂଗ୍ରେସ ବିଧାୟକ ପ୍ରାର୍ଥୀ...

Coronavirus Update

Archives

Model This Week

Why Dharitri