ମୁମ୍ବାଇ,୧୫।୬: ବଲିଉଡ୍ ଅଭିନେତା ସୁଶାନ୍ତ ସିଂ ରାଜପୁତଙ୍କ ଶେଷକୃତ୍ୟ ମୁମ୍ବାଇ ସ୍ଥିତ ଭିଲେ ପାର୍ଲେ ସ୍ଥିତ ଶ୍ମଶାନ ଘାଟରେ କରାଯାଇଛି। ସୁଶାନ୍ତଙ୍କୁ ବିଦାୟ ଦେବାକୁ ବଲିଉଡ୍ ନାୟିକା କ୍ରିତି ସାନନ, ଶ୍ରଦ୍ଧା କପୁର ପହଞ୍ଚିଥିବା ବେଳେ ବାନ୍ଧବୀ ରିୟା ଚକ୍ରବର୍ତ୍ତିଙ୍କୁ ମଧ୍ୟ ଦେଖିବାକୁ ମିଳିଥିଲା। ବିବେକ ଓବରୟ, ରଣଦୀପ ହୁଡ୍ଡା ମଧ୍ୟ ଉପସ୍ଥିତ ଥିଲେ। ଏହାସହ ସୁଶାନ୍ତଙ୍କ ପିତା ଓ ପରିବାର ସଦସ୍ୟ ମଧ୍ୟ ଶ୍ମଶାନ ଘାଟରେ ଉପସ୍ଥିତ ଥିଲେ। ସୁଶାନ୍ତଙ୍କୁ ଶେଷ ବିଦାୟ ଦେବା ସମୟରେ ସମସ୍ତଙ୍କ ଆଖି ଲୁହରେ ଭିଜି ଯାଇଥିବା ବେଳେ ସତେ ଯେମିତି ଇନ୍ଦ୍ର ଦେବତା ବି ଏଥିରେ ସମବେଦନା ପ୍ରକାଶ କରିଥିଲେ। ବର୍ଷା ସତ୍ତ୍ୱେ ଛତାଧରି ସୁଶାନ୍ତଙ୍କୁ ଶେଷଥର ପାଇଁ ବିଦାୟ ଦେଇଥିଲେ ତାଙ୍କ ପ୍ରିୟ ପରିଜନ। କରୋନା ସଂକ୍ରମଣକୁ ଦୃଷ୍ଟିରେ ରଖି ସୁଶାନ୍ତଙ୍କ ଶେଷକୃତ୍ୟ ସମ୍ପନ୍ନରେ ସାମିଲ ହେବାକୁ ମାତ୍ର ୨୦ ଜଣଙ୍କୁ ଅନୁମତି ପ୍ରଦାନ କରାଯାଇଥିଲା।
