ଚାଷୀଙ୍କ ସମସ୍ୟା ଦୂର କରିବ ନୂଆ ମାର୍ଗଦର୍ଶିକା

ଭୁବନେଶ୍ୱର,୧୩ା୪(ବ୍ୟୁରୋ): ଦେଶବ୍ୟାପୀ ଲକ୍‌ଡାଉନ ବିଭିନ୍ନ ବର୍ଗର ଲୋକଙ୍କୁ ଦୁର୍ଦ୍ଦଶା ମଧ୍ୟକୁ ଠେଲିଦେଇଛି। ଚାଷୀମାନେ ତାଙ୍କ କଷ୍ଟ ଉତ୍ପାଦିତ ପନିପରିବା ଲୋକଙ୍କ ନିକଟରେ ପହଞ୍ଚାଉଥିଲେ ମଧ୍ୟ ଉଚିତ୍‌ ମୂଲ୍ୟ ପାଇପାରୁ ନାହାନ୍ତି। ଏହାର ସମାଧାନ ପାଇଁ କେନ୍ଦ୍ର ସରକାରଙ୍କ ଗାଇଡ୍‌ଲାଇନ ଅନୁଯାୟୀ ରାଜ୍ୟ ସରକାର ଖୁବ୍‌ଶୀଘ୍ର ନୂତନ ମାର୍ଗଦର୍ଶିକା ଜାରି କରିବେ। ଏନେଇ ଦୈନିକ କୃଷି ଭବନରୁ ମନିଟରିଂ କରାଯାଉଥିବା କୃଷି ମନ୍ତ୍ରୀ ଅରୁଣ ସାହୁ ସୂଚନା ଦେଇଛନ୍ତି।
ଚାଷୀମାନେ ପନିପରିବା ବହୁ ଶସ୍ତାରେ ଗାଁ ଗହଳିରେ ବିକ୍ରି କରୁଛନ୍ତି। କିନ୍ତୁ ସହରରେ ତାହା ଆକାଶଛୁଆଁ ଦରରେ ବିକ୍ରି ହେଉଛି। ଲକ୍‌ଡାଉନ୍‌ କଟକଣା ଯୋଗୁ ଶତପ୍ରତିଶତ ଉତ୍ପାଦିତ ପନିପରିବା ବଜାରରେ ପହଞ୍ଚି ନ ପାରିବା ଯୋଗୁ ଏଭଳି ପରିସ୍ଥିତି ସୃଷ୍ଟି ହେଉଥିବା କୁହାଯାଉଛି। ଏହି ସମସ୍ୟାର ସମାଧାନ ଲାଗି ସରକାର କୃଷି ଏବଂ ସମବାୟ ବିଭାଗକୁ ଜରୁରୀ ବର୍ଗରେ ସାମିଲ କରିଛନ୍ତି। ଚାଷୀଙ୍କ ଉତ୍ପାଦିତ ଦ୍ରବ୍ୟ କିପରି ବଜାରରେ ପହଞ୍ଚିପାରିବ ଏବଂ ତା’ର ଉଚିତ୍‌ ମୂଲ୍ୟ ସେମାନେ ପାଇବେ ସେଥିପାଇଁ କୃଷି ବିଭାଗର ଜିଲା ଦାୟିତ୍ୱରେ ରହିଥିବା ୩୦ ନୋଡାଲ ଅଫିସରଙ୍କୁ ଦାୟିତ୍ୱ ମିଳିଛି। ଏହି ଅଧିକାରୀମାନେ ମୁଖ୍ୟ କୃଷି ଅଧିକାରୀ (ସିଡିଏଓ), ଉଦ୍ୟାନ କୃଷି ଉପନିର୍ଦ୍ଦେଶକ(ଡିଡିଏଚ୍‌)ମାନଙ୍କ ସହିତ ପ୍ରଥମେ ଆଲୋଚନା କରିବେ। ଏହାସହିତ ବ୍ଲକସ୍ତରର ଉଦ୍ୟାନ ଅଧିକାରୀ ଏବଂ କୃଷି ଅଧିକାରୀଙ୍କ ଠାରୁ କୃଷକମାନଙ୍କ ସମସ୍ୟା ସମ୍ପର୍କିତ ରିପୋର୍ଟ ସଂଗ୍ରହ କରିବେ। ଏହାପରେ ନୋଡାଲ ଅଫିସରମାନେ ବିଭାଗୀୟ ନିର୍ଦ୍ଦେଶକଙ୍କ ସହ ଏକ ବୈଠକ କରିବେ। ଚାଷୀଙ୍କ ଉତ୍ପାଦିତ ଦ୍ରବ୍ୟର ପରିବହନ ନେଇ ଆବଶ୍ୟକ ପଡ଼ିଲେ ଜିଲାପାଳମାନଙ୍କ ସହିତ ମଧ୍ୟ ଆଲୋଚନା କରିବେ। ଏସବୁ କାର୍ଯ୍ୟ ପର୍ଯ୍ୟାୟକ୍ରମେ ଶେଷ ହେବାପରେ ସ୍କିମ ଅଫିସରମାନେ ମାର୍ଗଦର୍ଶିକା ପ୍ରସ୍ତୁତ କାର୍ଯ୍ୟ କରିବେ ବୋଲି ସୂଚନା ମିଳିଛି।
ଅକ୍ଷୟ ତୃତୀୟାରୁ ଚାଷୀମାନେ ପୁଣି ଚାଷ କାର୍ଯ୍ୟ ଆରମ୍ଭ କରିବେ। ଏଥିଲାଗି କମ୍‌ ସମୟ ରହିଛି। ଏହା ପୂର୍ବରୁ ଚାଷୀମାନେ ନିଜ ବିଲକୁ ପ୍ରସ୍ତୁତ କରିବେ। ସେହି ଅନୁଯାୟୀ ସରକାର ଚାଷୀଙ୍କ ନିକଟରେ ବିହନ ପହଞ୍ଚାଇବା ମଧ୍ୟ ଜରୁରୀ। ଚାଷ ପାଇଁ ପାଓ୍ବାର ଟ୍ରିଲର ଏବଂ ଟ୍ରାକ୍ଟର ମଧ୍ୟ ଆସିବା ଦରକାର। ଏସବୁ କିପରି ସୁରୁଖୁରୁରେ ହୋଇପାରିବ ସେଥିପ୍ରତି ସରକାର ପ୍ରାଥମିକତା ଦେବେ। ଧାନ ସଂଗ୍ରହ ପାଇଁ ମଣ୍ଡି ଖୋଲିବା ଆଦି ଜରୁରୀ କାର୍ଯ୍ୟ ମଧ୍ୟ ରହିଛି। ତେଣୁ କୃଷି ଏବଂ ସମବାୟ ବିଭାଗ ମଧ୍ୟରେ ଏନେଇ ଖୁବ୍‌ଶୀଘ୍ର ବୈଠକ ବସିବ। କୃଷି ଏବଂ ସମବାୟ ବିଭାଗକୁ ଜରୁରୀ ବର୍ଗରେ ସାମିଲ କରାଯିବାପରେ ଛୁଟି ଦିନଗୁଡିକରେ ମଧ୍ୟ ଏହାର ୫୦ପ୍ରତିଶତ କର୍ମଚାରୀ କାର୍ଯ୍ୟରେ ଯୋଗଦେଇ ସବୁକିଛି ଶୃଙ୍ଖଳାର ସହିତ କରିବାକୁ ସରକାର ନିର୍ଦ୍ଦେଶ ଦେଇଛନ୍ତି। ଅନ୍ୟପକ୍ଷରେ କୃଷି ବିଭାଗ ପକ୍ଷରୁ ରବିବାର ଏକ ନିର୍ଦ୍ଦେଶନାମା ଜାରି କରାଯାଇଛି। ତଦନୁଯାୟୀ ଭୁବନେଶ୍ୱର ଏବଂ କଟକର ସମସ୍ତ କୃଷି କାର୍ଯ୍ୟାଳୟ ଖୋଲା ରହିବ। ଏହାସହ ପ୍ରତ୍ୟେକ ଜିଲାର କୃଷି କାର୍ଯ୍ୟାଳୟ ଖୋଲା ରଖିବାକୁ ନିର୍ଦ୍ଦେଶ ଦିଆଯାଇଛି। କ୍ଷେତ୍ର ଅଧିକାରୀମାନେ ଏହି ସମୟରେ କୃଷକମାନଙ୍କ ନିକଟରେ ପହଞ୍ଚି ସେମାନଙ୍କ ସମସ୍ୟା ସମ୍ପର୍କରେ ବୁଝି କୃଷି ହେଲ୍ପଲାଇନ ନମ୍ବରରେ ଜଣାଇବେ ବୋଲି ନିର୍ଦ୍ଦେଶ ରହିଛି। ୨୫ ପ୍ରତିଶତ ଅଧିକାରୀ କାର୍ଯ୍ୟରେ ଯୋଗଦେବାକୁ ଥିବାବେଳେ ଅନ୍ୟମାନେ ଟେଲିଫୋନ ଦ୍ୱାରା ଯୋଗାଯୋଗରେ ରହିବେ ବୋଲି କୁହାଯାଇଛି। ଯଦି କୌଣସି ଅଧିକାରୀ କରୋନା ଆକ୍ରାନ୍ତଙ୍କ ଅଞ୍ଚଳରେ ରହୁଥିବେ କିମ୍ବା ବାହାରୁ ଗସ୍ତ କରି ଫେରିଥିବେ ଅଥବା ନିଃଶ୍ୱାସ ନେବା କିମ୍ବା ଫ୍ଲୁ ଭଳି ରୋଗରେ ଥିବେ ସେମାନଙ୍କୁ ଅଫିସ ନ ଆସିବାକୁ କୁହାଯାଇଛି। ଏହାସହ କୃଷି କାର୍ଯ୍ୟରେ ବ୍ୟବହାର୍ଯ୍ୟ ଜିନିଷକୁ ନ ଅଟକାଇବା ଲାଗି ମଧ୍ୟ ଗୃହ ବିଭାଗ ତଳସ୍ତର ଅଧିକାରୀଙ୍କୁ ନିର୍ଦ୍ଦେଶ ଦେଇଛି। କୃଷି ନିର୍ଦ୍ଦେଶକ ମୁଥୁ କୁମାର କହିଛନ୍ତି, ଚାଷ କାର୍ଯ୍ୟ ଯେପିରି ଠିକ୍‌ଭାବେ ଚାଲିବ ସେଥିପାଇଁ ଜିଲା କାର୍ଯ୍ୟାଳୟ ଖୋଲିବାକୁ କୁହାଯାଇଛି। କୃଷି ଜିନିଷ ବିକ୍ରି ପାଇଁ ଦୋକାନଗୁଡିକ ଖୋଲାଯିବ। ଯାହା ସମସ୍ୟା ଚାଷୀଙ୍କର ରହିଛି ତାହା ତୁରନ୍ତ ସମାଧାନ ହେବ ବୋଲି ସେ କହିଛନ୍ତି।


Enter your email to get our daily news in your inbox.

All Right Reserved By Dharitri.Com

ଓଡ଼ିଶାର ଏକମାତ୍ର ସମ୍‌ ହସ୍ପିଟାଲରେ ହେବ କୋଭିଡ୍‌ ଭ୍ୟାକ୍ସିନ୍‌ ପରୀକ୍ଷଣ

ଭୁବନେଶ୍ୱର, ୨।୭(ବୁରୋ): ଭୁବନେଶ୍ୱର ସମ୍‌ ହସ୍ପିଟାଲରେ କୋଭିଡ-୧୯ ପରୀକ୍ଷଣ ହେବ। ମଣିଷ ଉପରେ ପରୀକ୍ଷଣ ଲାଗି ଆଇସିଏମ୍‌ଆର୍‌ ଦ୍ୱାରା ଦେଶର ୧୩ଟି ହସ୍ପିଟାଲ ମନୋନିତ ହୋଇଛି।...

ଏସ୍‌ଓପି ଜାରି: ପ୍ଲାଜ୍‌ମା ଦାନ କରିବେ ପୋଲିସ କର୍ମଚାରୀ

କଟକ ଅଫିସ,୨୪।୭: କରୋନାରୁ ସୁସ୍ଥ ହୋଇଥିବା ପୋଲିସ କର୍ମଚାରୀମାନେ ନିଜର ପ୍ଲାଜ୍‌ମା ଦାନ କରିବେ। ଏ ନେଇ ରାଜ୍ୟ ପୋଲିସ ବିଭାଗ ପକ୍ଷରୁ ଗୁରୁବାର ଷ୍ଟାଣ୍ଡାର୍ଡ...

ବାଲେଶ୍ୱରରେ ଆକ୍ରାନ୍ତଙ୍କ ସଂଖ୍ୟା ୧୨୫ ଛୁଇଁଲା

ବାଲେଶ୍ୱର ଅଫିସ,୨୨ା୫: ବାଲେଶ୍ୱର ଜିଲାରେ ଶୁକ୍ରବାର ୩ କରୋନା ପଜିଟିଭ୍‌ ଚିହ୍ନଟ ହୋଇଥିବା ରାଜ୍ୟ ସ୍ବାସ୍ଥ୍ୟ ଓ ପରିବାର କଲ୍ୟାଣ ବିଭାଗ ପକ୍ଷରୁ ଟୁଇଟ୍‌ କରି...

ଆମକୁ ଘରକୁ ପଠାନ୍ତୁନି ସାର୍‌, ପାରୋଲରେ ନ ଯିବାକୁ ଅନୁରୋଧ କଲେ କଏଦୀ…

ଗାଜିଆବାଦ୍‌,୨୯।୫: କରୋନା ମହାମାରୀ ସଂକ୍ରମଣକୁ ଦୃଷ୍ଟିରେ ରଖି ସୁପ୍ରିମ୍‌କୋର୍ଟଙ୍କ ପକ୍ଷରୁ ଜେଲ୍‌ରେ ଭିଡ଼ କମ୍‌ କରିବା ଲାଗି କଏଦୀଙ୍କୁ ପାରୋଲ୍‌ରେ ପଠାଇବା ଲାଗି ନିର୍ଦ୍ଦେଶ ଜାରି...

ନୃତ୍ୟରେ ଡି.ଲିଟ୍‌. ପାଇଲେ ଶ୍ରୀନିବାସ ଘଟୁଆରୀ

ଭୁବନେଶ୍ୱର,୪ା୩(ବ୍ୟୁରୋ): ଜଣାଶୁଣା ଓଡ଼ିଶୀ ନୃତ୍ୟଶିଳ୍ପୀ ତଥା ନୃତ୍ୟ ସଂଯୋଜକ ଡ. ଶ୍ରୀନିବାସ ଘଟୁଆରୀ ଆଉଏକ ସଫଳତା ହାସଲ କରିଛନ୍ତି। ସେ ୟୁନିଭର୍ସିଟି ଅଫ୍‌ ସେଣ୍ଟ୍ରାଲ ଆମେରିକାରୁ ନୃତ୍ୟରେ...

କେନ୍ଦୁଝରରେ ବିକ୍ରି ହେଉନି କେନ୍ଦୁ

କେନ୍ଦୁଝର, ୧୮ା୪(ସ୍ବ.ପ୍ର): ବଣପାହାଡ଼ ଘେରା କେନ୍ଦୁଝର ଜିଲାର ଅନ୍ୟତମ ମୁଖ୍ୟ ପାହାଡିଆ ଫଳ ମଧ୍ୟରେ କେନ୍ଦୁର ସ୍ଥାନ ନିଆରା। ଏହି ସୁସ୍ବାଦୁ ଫଳ କେନ୍ଦୁଝର ଜିଲାର...

ସପ୍ତାହକୁ ୫ଦିନ ଶଟ୍‌ଡାଉନ୍‌ ଖବର ଗୁଜବ

ଭୁବନେଶ୍ୱର, ୧୦।୬(ବ୍ୟୁରୋ): ରାଜ୍ୟର ୧୧ଟି ଜିଲାରେ ସପ୍ତାହକୁ ୫ଦିନ ଶଟ୍‌ଡାଉନ ହେବା ନେଇ ଏକ ଖବର ଚାରିଆଡ଼େ ବ୍ୟାପିବାରେ ଲାଗିଛି। କିନ୍ତୁ ଏହି ଖବର ଗୁଜବ...

ସମୁଦ୍ର କୂଳରେ ‘ୱାଲର୍‌ଡ କ୍ଲେ ଡେ’

ବାଲେଶ୍ୱର ଅଫିସ,୧୬।୬-ବାଲେଶ୍ୱର ମଡ଼ ଆର୍ଟିଷ୍ଟଙ୍କ ଦ୍ୱାରା ମଙ୍ଗଳବାର ପୂର୍ବାହ୍ନରେ ଦୁବଲାଗଡ଼ି ସମୁଦ୍ରକୂଳରେ ‘ୱାଲର୍‌ଡ କ୍ଲେ ଡେ’ ପାଳନ କରାଯାଇଛି। ଶିଳ୍ପୀ କେଶୁ ଦାସଙ୍କ ତତ୍ତ୍ୱାବଧାନରେ ୧୫ଜଣ...

Advertisement
Archives

Model This Week