ଧରାକୋଟ,୪ା୧(ଡି.ଏନ.ଏ.)-ଗଞ୍ଜାମ ଜିଲା ଧରାକୋଟ ବ୍ଲକ ବଡ଼ଗଡ଼ ଥାନା ଅଧୀନ ଖାରିପଲ୍ଲୀ ଗ୍ରାମ୍ୟ କମିଟି ସଭ୍ୟ ଭରତ ବେହେରା (୬୭)ଙ୍କୁ ଶୁକ୍ରବାର ତେଲିଆ ଠାକୁରାଣୀ ନିକଟସ୍ଥ ରାସ୍ତାରେ ହତ୍ୟା କରାଯାଇଥିବା ଅଭିଯୋଗ ହୋଇଛି। ମୃତକଙ୍କ ଶଳା ଗୌରହରି ବେହେରାଙ୍କ ଏତଲା କ୍ରମେ ବଡ଼ଗଡ଼ ପୋଲିସ ନଂ. ୨/୨୦ରେ ମାମଲା ରୁଜୁ କରିଛି। ଆସିକା ଏସ୍ଡିପିଓ ସୂର୍ଯ୍ୟମଣି ପ୍ରଧାନ ଓ ବଡ଼ଗଡ଼ ଥାନାଧିକାରୀ ପ୍ରତାପ ଚନ୍ଦ୍ର ତ୍ରିପାଠୀ ସାଇଣ୍ଟିଫିକ୍ ଟିମ ସହ ଘଟଣାସ୍ଥଳରେ ପହଞ୍ଚତ୍ ଅନୁସନ୍ଧାନ କରିଛନ୍ତି। ପ୍ରକାଶ ଯେ, ସକାଳୁ ଭରତ ସବୁଦିନ ଭଳି ମୁଢ଼ି ବିକିବା ପାଇଁ ମାଣିକ୍ୟପୁର ଆଡ଼କୁ ଯାଉଥିଲେ। ଏହି ସମୟରେ ଦୁର୍ବୃତ୍ତମାନେ ତାଙ୍କୁ ତେଲିଆ ଠାକୁରାଣୀ ନିକଟସ୍ଥ ରାସ୍ତାରେ ଅଟକାଇ ଟାଙ୍ଗିଆରେ ହାଣି ହତ୍ୟା କରିଥିଲେ। ପୂର୍ବରୁ ଉକ୍ତ ଗ୍ରାମରେ ୬ ଧାନ ଗଦା ଓ ପାୱାର ଟିଲରରେ ନିଆଁ ଲଗାଯିବା ଘଟଣାକୁ ନେଇ ଗଁ।ର ୩ ଜଣ ବ୍ୟକ୍ତିଙ୍କଠାରୁ ଭରତଙ୍କ ସମେତ ୫ଜଣ ଗ୍ରାମ୍ୟ କମିଟିର ସଭ୍ୟ ଜରିମାନା ଆଦାୟ କରିଥିଲେ। ଏହାକୁ ନେଇ ହତ୍ୟାକାଣ୍ଡ ଘଟିଥିବା କପୋଲିସ ସନ୍ଦେହ କରୁଛି।
