କ୍ରିକେଟ ୱାଲର୍‌ଡ କପ୍‌: ଇଣ୍ଡିଆ-ପାକିସ୍ତାନ ଲିଗ୍‌ ମ୍ୟାଚ ବେଟିଂ ଉପରେ ପୋଲିସର ନଜର

ବ୍ରହ୍ମପୁର ଅଫିସ,୧୭ା୬-ଭାରତ ଓ ପାକିସ୍ତାନ ମଧ୍ୟରେ ଚଳିତ ବିଶ୍ୱକପ୍‌ରେ ପ୍ରଥମ ଥର ପାଇଁ ରବିବାର ଲିଗ୍‌ ମ୍ୟାଚରେ ମୁହାଁମୁହିଁ ହୋଇଛନ୍ତି। ମାଞ୍ଚେଷ୍ଟରରେ ହେଉଥିବା ମ୍ୟାଚ ପାଇଁ ବ୍ରହ୍ମପୁର ସହରରେ ବୁକିଂମାନେ ସକ୍ରିୟ ରହିଛନ୍ତି। କୋଟି କୋଟି ଟଙ୍କାର ବେଟିଂ କାରବାର ହେବ। ଏଥିପାଇଁ ପ୍ରସ୍ତୁତି ଆରମ୍ଭ ହୋଇଯାଇଛି। ରବିବାର ଅପରାହ୍ନରୁ ବ୍ରହ୍ମପୁର ସହର ଶୂନ୍‌ଶାନ୍‌ ହୋଇଯାଇଛି।
ଯୁବକମାନଙ୍କ ଦେଖା ମିଳୁନାହିଁ। ଏହି କ୍ରିକେଟ ମ୍ୟାଚ ଉପରେ ଏବେ ସାରା ଦେଶର ନଜର ରହିଛି। ବିଶେଷକରି ଅନ୍‌ଲାଇନ ବେଟିଂ କରୁଥିବା ଜୁଆଡ଼ିମାନେ ଏବେ ବିଭିନ୍ନ ପ୍ରକାର ଆପ୍‌ ବ୍ୟବହାର କରି ଭାରତ-ପାକିସ୍ତାନ ମ୍ୟାଚ୍‌ ଜିତା ହରାକୁ କେଉଁ ଖେଳାଳି ଶତକ ମାରିବେ, କିଏ ମ୍ୟାଚକୁ ଶେଷ ଭଲରେ ଜିତାଇବେ, ଏହା ସହିତ ପ୍ରତି ବଲ ଉପରେ, ଏପରି ଅନେକ ଦିଗରେ ବେଟିଂ ହେଉଛି। ସହରରେ ଏହାକୁ ନେଇ ଚାରିଆଡ଼େ ଚର୍ଚ୍ଚା ଜୋର ଧରିଛି। ଅନ୍ୟପଟେ ଏହି ବେଟିଂ ଚଳାଇଥିବା ବୁକିଂମାନଙ୍କ ଉପରେ ପୋଲିସ କଡ଼ା ନଜର ରଖିଛି। ଅନ୍‌ଲାଇନ ବେଟିଂ କାରବାର ଉପରେ ଗଠିତ ସ୍ବତନ୍ତ୍ର ଟିମ୍‌ କଡ଼ା ନଜର ରଖିଛି ବୋଲି ଅତିରିକ୍ତ ଏସ୍‌ପି ପ୍ରଭାତ ରାଉତରାୟ କହିଛନ୍ତି।
ଜୁଆଡ଼ିଙ୍କ ଗତିବିଧିକୁ ପୋଲିସ ଟ୍ରାକିଂ କରୁଛି। ସେହିପରି ପୂର୍ବରୁ ଅନ୍‌ଲାଇନ ବେଟିଂ କାରବାରରେ ଗିରଫ ହୋଇଥିବା ଅଭିଯୁକ୍ତଙ୍କୁ ମଧ୍ୟ ପୋଲିସ ନଜରରେ ରଖିଛି। କ୍ରିକେଟ ମ୍ୟାଚକୁ ନେଇ ବ୍ରହ୍ମପୁରରେ ବିଗତ ବର୍ଷରେ ବ୍ୟାପକ ଅନ୍‌ଲାଇନ ବେଟିଂ କାରବାର ହୋଇଥିଲା। ଏଭଳି କାରବାରକୁ ଠାବ କରି ପୋଲିସ ଲକ୍ଷ ଲକ୍ଷ ଟଙ୍କା ଜବତ କରିବା ସହ ଜୁଆଡ଼ିଙ୍କୁ ଗିରଫ କରିଥିଲା। ରବିବାର ମ୍ୟାଚ ହେଉଥିବାରୁ ସହରରେ ଜୁଆଡ଼ିମାନେ ଏବେ ବେଶ୍‌ ସକ୍ରିୟ ହୋଇଛନ୍ତି। କମ୍‌ ସମୟରେ ଅଧିକ ଟଙ୍କା ରୋଜଗାର କରିବା ଲୋଭରେ ଯୁବପିଢ଼ି ବେଟିଂ ନିଶାରେ ପଡ଼ି ସର୍ବସ୍ବ ହରାଇ ବସୁଛନ୍ତି। ବିଗତ ଦିନରେ ବ୍ରହ୍ମପୁର ପୋଲିସ ଅନେକ କ୍ରିକେଟ ବେଟିଂ ଧରିଛି। ଗତବର୍ଷ ସେପ୍ଟେମ୍ବର ମାସରେ ପାକିସ୍ତାନ ଓ ବିଶ୍ୱ ଏକାଦଶ ମ୍ୟାଚ ପାଇଁ ଚାଲିଥିବା ଏକ ବେଟିଂ କାରବାର ଠାବ କରିଥିଲା ଟାଉନ ଥାନା ପୋଲିସ ଘଟଣାସ୍ଥଳରୁ ୬ ଲକ୍ଷ ୧୦ ହଜାର ଟଙ୍କା ଜବତ କରିବା ସହିତ ୨ ବୁକିଂ ସମେତ ୪ ଜଣଙ୍କୁ ଗିରଫ କରିଥିଲା। କୋଲକାତା, ହାଇଦ୍ରବାଦ ଓ ମୁମ୍ବାଇରେ ରହୁଥିବା ମୁଖ୍ୟ ବୁକିଂଙ୍କ ସହଯୋଗରେ ବ୍ରହ୍ମପୁରରେ କେତେକ ସବ୍‌ବୁକିଂ ଏହି କାରବାର ଚଳାଇଥାନ୍ତି। କ୍ରିକେଟ ମ୍ୟାଚରେ ଅନ୍‌ଲାଇନ ବେଟିଂ ପ୍ରତି ଯୁବପିଢ଼ି ଅଧିକ ଆକୃଷ୍ଟ ହେଉଛନ୍ତି। ଫୋନ କଲରେ ଲକ୍ଷ ଲକ୍ଷ ଟଙ୍କା ବେଟିଂ ହେଉଛି। ପୋଲିସର ସ୍ବତନ୍ତ୍ର ଟିମ୍‌ ଜୁଆଡ଼ିଙ୍କ ଉପରେ ନଜର ରଖିଛି। ଏହି ଟିମ୍‌ରେ ବ୍ରହ୍ମପୁର ପୋଲିସର ବରିଷ୍ଠ ଅଧିକାରୀଙ୍କ ସହିତ ସାଇବର ସେଲର କେତେକ ଅଧିକାରୀ ରହିଥିବା ସୂଚନା ମିଳିଛି।


Enter your email to get our daily news in your inbox.

All Right Reserved By Dharitri.Com

ନିୟମ ନ ମାନି ୩ ଚା ଦୋକାନୀ ଗିରଫ

ବୁଗୁଡ଼ା,୨୪ା୩(ଡି.ଏନ.ଏ.)- ବୁଗୁଡ଼ା ସହରରେ ଲକ୍‌ ଡାଉନ ଯୋଗୁ ଗାଡ଼ି ମଟର ସହ ସମସ୍ତ ଦୋକାନ ବନ୍ଦ ରହିଥିବାବେଳେ କେତେକ ଚା’ ଦୋକାନୀ ନିୟମ ନମାନି ଦୋକାନ...

ଶିତଳାପଲିରେ କୋଭିଡ ହସ୍ପିଟାଲ କାର୍ଯ୍ୟକ୍ଷମ ନେଇ ଗଞ୍ଜାମ ପ୍ରଶାସନକୁ ପ୍ରଶଂସା କଲେ ମୁଖ୍ୟମନ୍ତ୍ରୀ

ଛତ୍ରପୁର, ୧୧।୪(ଡି.ଏନ୍‌.ଏ.): ଗଞ୍ଜାମ ଜିଲା ଶିତଳାପଲିଠାରେ ଥିବା ଟାଟା ହସ୍ପିଟାଲକୁ କୋଭିଡ ହସ୍ପିଟାଲରେ ପରିଣତ କରାଯାଇଛି। ଗତ ଶୁକ୍ରବାରଠାରୁ ଏହା କାର୍ଯ୍ୟକ୍ଷମ ହୋଇଛି। ଏ ନେଇ...

ଏସ୍‌ପି ଅଫିସ ପରିଦର୍ଶନ କଲେ ଡିଆଇଜି

ଛତ୍ରପୁର,୨୩ା୧୦(ଡି.ଏନ.ଏ.)- ଦକ୍ଷିଣାଞ୍ଚଳ ଡିଆଇଜି ସତ୍ୟବ୍ରତ ଭୋଇ ମଙ୍ଗଳବାର ଛତ୍ରପୁର ଆସି ଗଞ୍ଜାମ ଏସ୍‌ପିଙ୍କ କାର୍ଯ୍ୟାଳୟ ପରିଦର୍ଶନ କରିଛନ୍ତି। ପରିଦର୍ଶନ ବେଳେ ଏସ୍‌ପି ବ୍ରିଜେଶ କୁମାର ରଏଙ୍କ...

ଅନ୍ୟ ଜାତିରେ ବିବାହ କରିବାରୁ ବାସନ୍ଦ : ନ୍ୟାୟ ପାଇଁ ଜିଲାପାଳଙ୍କ ଦ୍ୱାରସ୍ଥ ପରିବାର

ଛତ୍ରପୁର,୬ା୬(ଡି.ଏନ୍‌.ଏ.): ପୋଲସରା ଥାନା ଅନ୍ତର୍ଗତ କଳମ୍ବ ଗାଁରେ ଜଣେ ଯୁବକ ଅନ୍ୟ ଜାତିରେ ବିବାହ କରିବାରୁ ତାଙ୍କ ପରିବାରକୁ ସାମାଜିକ ବାସନ୍ଦ କରାଯାଇଥିବା ଅଭିଯୋଗ ହୋଇଛି...

ତପ୍ତପାଣି ଘାଟିରେ ଓଲଟିଲା ପେପର ବୋଝେଇ ଟ୍ରକ୍‌

ପାଟପୁର,୨୯।୯(ଡି.ଏନ୍‌.ଏ.): ଗଞ୍ଜାମ-ଗଜପତି ସୀମାନ୍ତ ତପ୍ତପାଣି ନିକଟ ପାଳୁଖୋଳା ଘାଟିରେ ମଙ୍ଗଳବାର ଭୋରୁ ଏକ ପେପର ବୋଝେଇ ଟ୍ରକ୍‌ (ଓଡି୧୮ଏ୭୨୯୨) ଓଲଟିପଡ଼ିଛି। ଏହି ଦୁର୍ଘଟଣାରେ କେହି ମୃତାହତ...

ଚଷାନିମଖଣ୍ଡିରେ ରିଗିଂ ଉଦ୍ୟମ ବିଫଳ

ଦିଗପହଣ୍ଡି,୧୭।୨(ଡି.ଏନ.ଏ.) ଦିଗପହଣ୍ଡି ବ୍ଲକ ଚଷା ନିମଖଣ୍ଡି ପଞ୍ଚାୟତ ତାଳପଡ଼ା ଗାଁରେ ବୁଥ ଦଖଲ ପାଇଁ ଉଦ୍ୟମରୁ ୨ ଗୋଷ୍ଠୀ ମଧ୍ୟରେ ମୁହାମୁହିଁ ପରିସ୍ଥିତି ସୃଷ୍ଟି ହୋଇଥିଲା। ବୁଧବାର...

ଏସ୍‌ପିଙ୍କ ନିର୍ଦ୍ଦେଶ ପରେ ଜବରଦଖଲ ହଟିଲା

ଆସିକା,୧୮ା୧୦ (ଡି.ଏନ୍‌.ଏ.)- ଆସିକା ସରକାରୀ ଡାକ୍ତରଖାନା ସଂଲଗ୍ନ ବାଣୀବିହାର କଲ୍ୟାଣ ମଣ୍ଡପ ଠାରୁ ଡାକ୍ତରଖାନା ପାଚେରୀ ଯାଏ ଜବରଦଖଲକୁ ଗୁରୁବାର ପ୍ରଶାସନ ପକ୍ଷରୁ ହଟାଇ ଦିଆଯାଇଛି।...

ଲୋକଙ୍କୁ ସଚେତନତା କରାଉଛନ୍ତି ଓଡ଼ିଆ ମହିଳା: ସୁରାଟରେ ବିବାଦ ପରେ ସହାୟତା

ଭଞ୍ଜନଗର,୧୩।୪(ଡି.ଏନ.ଏ)- ସୁରାଟ ଡ଼ାଇମଣ୍ଡନଗର ଅଞ୍ଚଳରେ ବସବାସ କରୁଥିବା ପ୍ରବାସୀ ଶ୍ରମିକମାନେ ଗତ ୧୦ ତାରିଖ ରାତିରେ ବକେୟା ଦରମା ସମେତ ବିଭିନ୍ନ ଦାବିନେଇ ରାଜରାସ୍ତାକୁ ଓହ୍ଲାଇଥିଲେ।...

Advertisement
Archives

Model This Week