ନୂଆଦିଲ୍ଲୀ,୩୦।୩(ପି.ଟି.)- ଅଲିମ୍ପିକ୍ସ ବ୍ରୋଞ୍ଜ୍ ପଦକ ବିଜୟିନୀ ତଥା ୬ଥର ବିଶ୍ୱ ଚାମ୍ପିୟନଶିପ୍ ହାସଲ କରିଥିବା ଅଭିଜ୍ଞ ମହିଳା ବକ୍ସର ମେରୀକମ କୋଭିଡ-୧୯ ମୁକାବିଲା ପାଇଁ ଗୋଟିଏ ମାସର ଦରମା ଦାନ କରିଛନ୍ତି। ରାଜ୍ୟସଭା ଏମ୍ପି ହିସାବରେ ସେ ପାଉଥିବା ଏକ ଲକ୍ଷ୍ୟ ଟଙ୍କା ଦରମାକୁ ପ୍ରଧାନମନ୍ତ୍ରୀଙ୍କ ରିଲିଫ୍ ଫଣ୍ଡକୁ ଦାନ କରିଛନ୍ତି। ଏ ସଂକ୍ରାନ୍ତରେ ସେ ନିଜର ବ୍ୟାଙ୍କକୁ ଚିଠି ଲେଖି ଗୋଟିଏ ମାସର ଦରମା ଦାନ କରିବାକୁ ଚିଠି ଲେଖି ଜଣାଇଛନ୍ତି। ମଣିପୁରର ଏହି ତାରକା ମହିଳା ବକ୍ସର ରାଜ୍ୟଗୋଷ୍ଠୀ କ୍ରୀଡ଼ା ଓ ଏସିଆନ୍ ଗେମ୍ସରେ ମଧ୍ୟ ସ୍ବର୍ଣ୍ଣ ପଦକ ଜିତିଛନ୍ତି। ସେ କିଛି ଦିନ ତଳେ ଟୋକିଓ ଅଲିମ୍ପିକ୍ସ ଖେଳିବା ପାଇଁ ଯୋଗ୍ୟତା ହାସଲ କରିଥିଲେ। କରୋନ ଭାଇରସ ସଂକ୍ରମଣ କାରଣରୁ ସାରା ବିଶ୍ୱରେ ପ୍ରାୟ ସବୁପ୍ରକାର କ୍ରୀଡ଼ା ଇଭେଣ୍ଟକୁ ବାତିଲ କରାଯାଇଛି କିମ୍ବା ସ୍ଥଗିତ ରଖାଯାଇଛି।
