ଆର.ଉଦୟଗିରି,୮।୭:(ଡି.ଏନ୍.ଏ.): ଗଜପତି ଜିଲା ନୂଆଗଡ଼ ବ୍ଲକରେ ଗତ ୨ ଦିନ ମଧ୍ୟରେ ୨୧ କରୋନା ପଜିଟିଭ ଚିହ୍ନଟ ହୋଇଛନ୍ତି। ସେମାନଙ୍କ ମଧ୍ୟରୁ କେ, ଝାଲରସିଂରୁ ୯ , ଲିଅବରୁ ୧, ତୁବୁସିଂରୁ ୧, ତେରେମେଣ୍ଡାରୁ ୧ ଓ କେ. ଝାଲରସିଂ ଛଟଗ୍ରାମରୁ ୯ଜଣ ଅଛନ୍ତି। ଚିହ୍ନଟ କେତେକ ବ୍ୟକ୍ତି ଖଜୁରୀପଦା ଓ ଆର.ଉଦୟଗିରି ବଜାରରେ ବହୁ ଲୋକଙ୍କ ସଂସ୍ପର୍ଶରେ ଆସିଥିବା କୁହାଯାଇଛି । ଏ ନେଇ ସ୍ଥାନୀୟ ସରପଞ୍ଚ ଗାଇତନ ମଣ୍ଡଳ ଗ୍ରାମକୁ କଣ୍ଟେନମେଣ୍ଟ ଜୋନ କରିବା ସହ ମଙ୍ଗଳବାର ରାତିରେ ଗଜପତି ଜିଲାପାଳ ଅନୁପମ ସାହା କେ. ଝାଲରସିଂ ଗ୍ରାମକୁ ୭ଦିନ ପାଇଁ କଣ୍ଟେନମେଣ୍ଟ ଜୋନ ଘୋଷଣା କରିଛନ୍ତି। କେ. ଝାଲରସିଂ ଗ୍ରାମକୁ ସଂଯୋଗ କରୁଥିବା ଭାଲିଆପଦର, ବୁରୁପଦା ଓ ଖଜୁରୀପଦା ଗ୍ରାମକୁ ପ୍ରଶାସନ ପକ୍ଷରୁ ଯିବାଆସିବା ଉପରେ କଟକଣା ଜାରି କରାଯିବା ସହ ପ୍ର୍ରତ୍ୟେକ ସାହି ରାସ୍ତାକୁ କାଠ ବାଉଁଶ ପୋତି ବନ୍ଦ କରାଯାଇଛି
