Posted inଖେଳ

‘ଓସିଏଲ୍‌’ ପାଇଁ ପ୍ରସ୍ତୁତ ହେଉଛି ଓସିଏ

କଟକ ଅଫିସ,୨୯ା୧୧- ପେସାଦାର କ୍ରିକେଟ ଟୁର୍ନାମେଣ୍ଟ ଇଣ୍ଡିଆନ ପ୍ରିମିୟର ଲିଗ୍‌(ଆଇପିଏଲ୍‌) ଫର୍ମାଟକୁ ଓହ୍ଲାଇବ ଓଡ଼ିଶା କ୍ରିକେଟ ଆସୋସିଏଶନ(ଓସିଏ)। ପୂର୍ବରୁ ଏଭଳି ଏକ ପଦକ୍ଷେପ ନିଆଯାଇଥିଲା। ୨୦୧୧ ମସିହାରେ ଓସିଏ ପକ୍ଷରୁ ଓଡ଼ିଶା ପ୍ରିମିୟର ଲିଗ(ଓପିଏଲ) ଆରମ୍ଭ ହୋଇଥିବା ବେଳେ ମାତ୍ର ଗୋଟିଏ ସଂସ୍କରଣରେ ହିଁ ଏହି ଟୁର୍ନାମେଣ୍ଟର ପୂର୍ଣ୍ଣଚ୍ଛେଦ ପଡ଼ିଥିଲା। ଏହାଛଡ଼ା ଟୁର୍ନାମେଣ୍ଟକୁ ନେଇ ଅନେକ ବାଦବିବାଦ ମଧ୍ୟ ଦେଖାଦେଇଥିଲା। ପୁଣି ଥରେ ଏଭଳି ଏକ ଟୁର୍ନାମେଣ୍ଟ ଆରମ୍ଭ କରିବାକୁ ଚେଷ୍ଟା କରୁଛି ଓସିଏ। ଏହାର ନାଁ ଓଡ଼ିଶା କ୍ରିକେଟ ଲିଗ୍‌(ଓସିଏଲ) ରଖାଯିବାକୁ ସ୍ଥିର କରାଯାଇଛି। ଓସିଏର ବରିଷ୍ଠ ପଦାଧିକାରୀମାନେ ଏ ନେଇ ଏକ ବ୍ଲୁପ୍ରିଣ୍ଟ ପ୍ରସ୍ତୁତ କରିଛନ୍ତି। ଟୁର୍ନାମେଣ୍ଟ ଆୟୋଜନ ଓ ପରିଚାଳନା ନେଇ ନିଷ୍ପତ୍ତି ମଧ୍ୟ ଆଗେଇଲାଣି। ଆସନ୍ତା ଜାନୁୟାରୀରୁ ଓସିଏଲ ପାଇଁ ପ୍ରସ୍ତୁତି ଜୋରଦାର ହେବ ବୋଲି କୁହାଯାଇଛି।
ରାଜ୍ୟ କ୍ରିକେଟରମାନଙ୍କୁ ଚର୍ଚ୍ଚା ପରିସରଭୁକ୍ତ କରିବାର ଆବଶ୍ୟକତା ରହିଛି। କେବଳ ରାଜ୍ୟ ନୁହେଁ ସମଗ୍ର ଦେଶରେ ଓଡ଼ିଆ ଖେଳାଳିଙ୍କ ପ୍ରଦର୍ଶନକୁ ପ୍ରଦର୍ଶିତ କରିବାର ସମୟ ପହଞ୍ଚିଲାଣି। ଅନ୍ୟ ରାଜ୍ୟଗୁଡ଼ିକରେ ଏବେ ବହୁଳ ଭାବେ ପେସାଦାର କ୍ରିକେଟ ଟୁର୍ନାମେଣ୍ଟ ଆୟୋଜନ କରାଯାଉଛି। ଓସିଏଲ ଆରମ୍ଭ ହେଲେ ଅନେକ ପ୍ରତିଭା ସାମ୍ନାକୁ ଆସିବେ ବୋଲି କହିଛନ୍ତି ଓସିଏ ସମ୍ପାଦକ ସଞ୍ଜୟ ବେହେରା। ଅନ୍ୟପକ୍ଷରେ ଓସିଏଲର ପ୍ରାୟୋଜକ ପାଇଁ ଦିଲ୍ଲୀର ଏକ ସଂସ୍ଥା ସହ ଆଲୋଚନା କରାଯାଇଥିବା ଜଣାପଡ଼ିଛି। ଏପରିକି ଏହି ଟୁର୍ନାମେଣ୍ଟର ସିଧାପ୍ରସାରଣ ନିମନ୍ତେ ଏକ ଜାତୀୟ ଗଣମାଧ୍ୟମ ସହ ଯୋଗାଯୋଗ କରାଯାଇଛି। ଓସିଏଲ ଆୟୋଜନ କରିବାକୁ ଓସିଏ ପ୍ରସ୍ତୁତ ହେଉଛି ବୋଲି ସମ୍ପାଦକ ସଞ୍ଜୟ କହିଛନ୍ତି। ସୂଚନା ଥାଉକି, ୨୦୧୧ ମସିହାରେ ଓପିଏଲ ଟୁର୍ନାମେଣ୍ଟ ହେବା ଦ୍ୱାରା ଅନେକ ପ୍ରତିଭା ପରିଚୟ ପାଇଥିଲେ। ଜଗତସିଂପୁର ସ୍ପାର୍କସ, ୱେଷ୍ଟର୍ନ ସମୁରାଇ ରାଉରକେଲା, ଅନୁଗୋଳ ଟସ୍କର୍ସ, ପୁରୀ ଏମ୍ପରର୍ସ, ବ୍ରହ୍ମପୁର ଭଞ୍ଜବୀର୍ସ, କଟକ ବାରବାଟୀ ଟାଇଗର୍ସ, ବାଲେଶ୍ୱର ବାଘାସ୍‌, କୋଅପରେଟିଭ କିଙ୍ଗସ ଢ଼େଙ୍କାନାଳ, ଭୁବନେଶ୍ୱର ଜାଗୁଆର୍ସ ଓ କାସ୍‌ଭି ପାୱାର ରେଞ୍ଜର୍ସ କେନ୍ଦୁଝର ଦଳ ପ୍ରତିଯୋଗିତାରେ ଭାଗ ନେଇଥିଲେ। ୫ଟି ଗ୍ରେଡ୍‌ରେ ଖେଳାଳିମାନେ ନିଲାମରେ ଅଂଶ ଗ୍ରହଣ କରିଥିଲେ। ୧୦ହଜାର ଟଙ୍କାରୁ ୫୦ହଜାର ଟଙ୍କା ପର୍ଯ୍ୟନ୍ତ ନିଲାମ ରାଶି ଧାର୍ଯ୍ୟ କରାଯାଇଥିଲା। ଓସିଏ ରାଜ୍ୟର ୩୪୧ଜଣ ଖେଳାଳିଙ୍କ ନାମ ନିଲାମରେ ସାମିଲ କରାଇଥିଲା। ଓସିଏଲ ହେଲେ ପୁଣି ଥରେ ରାଜ୍ୟ ଖେଳାଳିମାନଙ୍କ ଭିତରେ ଉତ୍ସାହ ଦେଖାଦେବ। ଶର୍ଟଫର୍ମାଟ କ୍ରିକେଟରେ ନିଜ ଦକ୍ଷତା ପ୍ରଦର୍ଶନ କରିବାର ସୁଯୋଗ ରାଜ୍ୟର ଶହଶହ କ୍ରିକେଟର ପାଇବେ ଓ ନିଲାମରେ ମଧ୍ୟ ଭାଗ ନେବେ। ଓସିଏଲ ନିମନ୍ତେ ସମସ୍ତ କାର୍ଯ୍ୟସୂଚୀ ଖୁବଶୀଘ୍ର ପ୍ରକାଶ କରାଯିବ ବୋଲି କୁହାଯାଇଛି।


Enter your email to get our daily news in your inbox.

All Right Reserved By Dharitri.Com

Posted inଖେଳ View All

ଆଡ୍‌ହକ କମିଟିର ନୂଆ ଚେୟାରମ୍ୟାନ ହେଲେ ଦିଲୀପ ତିର୍କୀ

ଭୁବନେଶ୍ୱର,୧୮।୬: ଓଡ଼ିଶା ହକିର ପରିଚାଳନା ପାଇଁ ହକି ଇଣ୍ଡିଆ ଶୁକ୍ରବାର ଏକ ଆଡ୍‌ହକ୍‌ କମିଟି ଗଠନ କରିଛି। ପୂର୍ବତନ ଭାରତୀୟ ଅଧିନାୟକ ତଥା ପଦ୍ମଶ୍ରୀ ଦିଲୀପ...

ଆଇପିଏଲ୍‌ ସବୁଠୁ ମହଙ୍ଗା ଖେଳାଳିଙ୍କ ଉପରେ ଭରସା କଲେ ନାହିଁ ଅଧିନାୟକ

ମୁମ୍ବାଇ,୧୪।୪: ଆଇପିଏଲ ୨୦୨୧ ଯେତିକି ଅଗ୍ରଗତି କରୁଛି, ସେତିକି ରୋମାଞ୍ଚ ମଧ୍ୟ ବୃଦ୍ଧି ପାଉଛି। ମୁମ୍ବାଇର ୱାଙ୍ଖେଡେ ଷ୍ଟାଡିୟମରେ ଏଭଳି ଏକ ହାଇ ଭୋଲଟେଜ ମ୍ୟାଚ...

ବାତିଲ ହେଲା କ୍ରିକେଟ ମହାକୁମ୍ଭ

କଲମ୍ବୋ,୧୯।୫: ଶ୍ରୀଲଙ୍କାରେ ଆସନ୍ତା ଜୁନରେ ହେବାକୁ ଥିବା ଏସିଆ କପ୍‌ ଟି୨୦ କ୍ରିକେଟ ଟୁର୍ନାମେଣ୍ଟକୁ ବାତିଲ କରି ଦିଆଯାଇଛି। ଏହି ଦେଶରେ ମହାମାରୀର ସ୍ଥିତି ଅତ୍ୟନ୍ତ...

ଭାରତ-ପାକିସ୍ତାନ ଖେଳାଳିଙ୍କ ପାରିଶ୍ରମିକ ମଧ୍ୟରେ ଆକାଶ-ପାତାଳ ଫରକ: ଜାଣନ୍ତୁ ଗୋଟିଏ ମ୍ୟାଚ୍‌ ପାଇଁ ଏତିକି ମିଳେ ଟଙ୍କା

ନୂଆଦିଲ୍ଲୀ,୧୯।୧୦: ଟି -୨୦ ବିଶ୍ୱକପ୍‌ର ସବୁଠୁ ବଡ ମ୍ୟାଚ ପାଇଁ କାଉଣ୍ଟଡାଉନ ଆରମ୍ଭ ହୋଇଛି। ଅକ୍ଟୋବର ୨୪ ରେ ଭାରତ ଏବଂ ପାକିସ୍ତାନ ମଧ୍ୟରେ ମହାମୁକାବିଲା...

ପାଟନା ପାଇରେଟ୍ସର ରୋମାଞ୍ଚକ ବିଜୟ

ମୁମ୍ବାଇ, ୩୦।୭ (ପି.ଟି.)- ପ୍ରୋ-କବାଡ଼ି ଲିଗ୍‌ ୭ମ ସଂସ୍କରଣର ଏକ ରୋମାଞ୍ଚକ ମ୍ୟାଚରେ ପାଟନା ପାଇରେଟ୍ସ ୨୪-୨୩ରେ ତାମିଲ ଥଲାଇଭାସକୁ ପରାସ୍ତ କରିଛି। ସୋମବାର ଖେଳାଯାଇଥିବା...

ଦକ୍ଷିଣ ଆଫ୍ରିକାକୁ ହରାଇଲା ଓ୍ବେଷ୍ଟଇଣ୍ଡିଜ

ସେଣ୍ଟ୍‌ ଜର୍ଜ, ୨୮ା୬(ଏପି)-ଦକ୍ଷିଣ ଆଫ୍ରିକା ବିପକ୍ଷ ପ୍ରଥମ ଅନ୍ତର୍ଜାତୀୟ ଟି୨୦ କ୍ରିକେଟ ମ୍ୟାଚ୍‌ରେ ଓ୍ବେଷ୍ଟଇଣ୍ଡିଜ ୮ଉଇକେଟରେ ବିଜୟ ହାସଲ କରିଛି। ଭ୍ରମଣକାରୀ ଦଳ ଦ୍ୱାରା ଧାର୍ଯ୍ୟ...

ରାଜ୍‌ କୁନ୍ଦ୍ରା ଗିରଫ ପରେ ୟୁଜର୍ସଙ୍କ ଟାର୍ଗେଟକୁ ଆସିଲେ ଅଜିଙ୍କେ ରାହାନେ: ଜାଣନ୍ତୁ କାହିଁକି

ନୂଆଦିଲ୍ଲୀ,୨୦।୭:ବଲିଉଡ ଅଭିନେତ୍ରୀ ଶିଳ୍ପା ଶେଟ୍ଟୀଙ୍କ ସ୍ବାମୀ ତଥା ବ୍ୟବସାୟୀ ରାଜ କୁନ୍ଦ୍ରାଙ୍କୁ ଅଶ୍ଳୀଳ ଚଳଚ୍ଚିତ୍ର ନିର୍ମାଣ ଏବଂ କିଛି ଆପ ମାଧ୍ୟମରେ ପ୍ରକାଶନ ଅଭିଯୋଗରେ ମୁମ୍ବାଇ...

ଉନାଡକଟଙ୍କ ରେକର୍ଡ

ରାଜକୋଟ, ୫।୩ (ପି.ଟି.)- ୨୮ ବର୍ଷୀୟ ଜୟଦେବ ଉନାଡକଟ ଗୁଜରାଟର ୨ୟ ଇନିଂସରେ ୭୧ ରନ ବିନିମୟରେ ୭ ଉଇକେଟ୍‌ ନେବା ସହ ମ୍ୟାଚ୍‌ରେ ମୋଟ୍‌...

Advertisement


Archives

Model This Week