ଆମେରିକାକୁ କାଳ ଅସିଦ୍ଧ ପରୀକ୍ଷା

ଓ୍ବାଶିଂଟନ,୧୯।୪: କରୋନା ଭାଇରସ୍‌ ବିଶ୍ୱକୁ ଗ୍ରାସକରି ଚାଲିଥିବା ବେଳେ ଆମେରିକା ଏଥିରେ ସର୍ବାଧିକ କ୍ଷତିଗ୍ରସ୍ତ ହୋଇଛି। ସର୍ବାଧିକ ଭୂତାଣୁ ଆକ୍ରାନ୍ତ ଓ ମୃତ୍ୟୁସଂଖ୍ୟା ଏଠାରେ ଦେଖିବାକୁ ମିଳିଛି। କିପରି ଏହି ମହାମାରୀରୁ ଦେଶ ମୁକୁଳିବ, ସେନେଇ ଚିନ୍ତା ବଢ଼ିଯାଇଛି। ପ୍ରତିଦିନ ଭୂତାଣୁ ପରୀକ୍ଷା ଲାଗି ହଜାର ହଜାର ଲୋକଙ୍କ ଲମ୍ବା ଧାଡ଼ି ଦେଖିବାକୁ ମିଳୁଛି। ଆଣ୍ଟିବଡି ଟେଷ୍ଟ ଦ୍ୱାରା ଶୀଘ୍ର ପରୀକ୍ଷା ସମ୍ଭବ ହେଉଥିବାରୁ ଏହାଦ୍ୱାରା ଲୋକଙ୍କ ରକ୍ତ ଓ ସ୍ବାସ୍ଥ୍ୟ ପରୀକ୍ଷା କରାଯାଉଛି। ଜେନେଟିକ୍‌ ଟେଷ୍ଟ ଓ ସେରୋଲୋଜିକାଲ ଟେଷ୍ଟ ମଧ୍ୟ କରାଯାଉଛି। ଭୂତାଣୁ ସଂକ୍ରମଣ ବଢ଼ିବା ସହ ବ୍ୟସ୍ତବହୁଳ ପରିସ୍ଥିତି ମଧ୍ୟରେ ଏହିସବୁ ପରୀକ୍ଷା କରାଯାଉଛି। କେତେକ ସ୍ଥାନରେ ସମ୍ଭାବିତ ଅବିଶ୍ୱସନୀୟ, ଅସୁରକ୍ଷିତ ପରୀକ୍ଷା ମଧ୍ୟ ଚାଲିଛି। ଏନେଇ ଲାବ୍‌ ବିଶେଷଜ୍ଞମାନେ ସତର୍କ କରିଛନ୍ତିି। ଅସିଦ୍ଧ ପରୀକ୍ଷା ଓ ଭୁଲ୍‌ ପରିଣାମ ସହିତ ଲାବ୍‌ ସମସ୍ୟା ପରିସ୍ଥିତିକୁ ଅଧିକ ବିଷମୟ କରିପକାଇବ ବୋଲି ସତର୍କ କରାଯାଇଛି। ଆମେରିକାରେ ଆଣ୍ଟିବଡି ଟେଷ୍ଟ ବହୁଳ ଭାବେ କରାଯାଇଛିି। ବିଭିନ୍ନ ସ୍ଥାନରେ ଡାକ୍ତରମାନେ ତରବରିଆ ଭାବେ କରୁଥିବା ପରୀକ୍ଷା ଯେପରି ଭୁଲ ପ୍ରମାଣିତ ନ ହୁଏ ସେଥିପ୍ରତି ଗୁରୁତ୍ୱ ଦିଆଯାଉଛି। ଆଣ୍ଟିବଡି ଟେଷ୍ଟର ସୁଫଳ କେତେ ତାକୁ ନେଇ ଆମେରିକା ସନ୍ଦିହାନ ଅଛି। ଏହାକୁ ନେଇ ପ୍ରଶ୍ନ ଉଠାଇଛନ୍ତି ଅନେକ ମହାମାରୀ ବିଶେଷଜ୍ଞ। ବିଭିନ୍ନ ଘରୋଇ କମ୍ପାନୀ ଓ ଲାବ୍‌ ଦ୍ୱାରା କରାଯାଉଥିବା ପରୀକ୍ଷାର ସଠିକତା କେତେ, ତାକୁ ନେଇ ଅନୁଶୀଳନ କରାଯିବା ଦରକାର ବୋଲି ଏପିଏଲ୍‌ଏଚ୍‌ର ନିର୍ଦ୍ଦେଶକ ଫୁଡ୍‌ ଆଣ୍ଡ୍‌ ଡ୍ରଗ୍‌ ପ୍ରଶାସନକୁ ପରାମର୍ଶ ଦିଆଯାଇଛି। ମହାମାରୀ ବିଶେଷଜ୍ଞ ଓ ଲାବ୍‌ ବିଶେଷଜ୍ଞମାନେ ମଧ୍ୟ ଆଣ୍ଡିବଡି ଟେଷ୍ଟର ସଫଳତାକୁ ନେଇ ଦ୍ୱନ୍ଦ୍ୱରେ ପଡ଼ିଛନ୍ତି। ଏପିଏଲ୍‌ଏଚ୍‌ର ପ୍ରତିନିଧୀ ଏନେଇ ଫୁଡ୍‌ ଆଣ୍ଡ୍‌ ଡ୍ରଗ୍‌ ପ୍ରଶାସନ କମିଶନର ଷ୍ଟିଫେନ୍‌ ହନ୍‌ଙ୍କ ଦୁଇଥର ଭେଟି ଆଲୋଚନା କରିଛନ୍ତି। ଅନ୍ୟପକ୍ଷରେ ଭୂତାଣୁ ଚିହ୍ନ ଲାଗି ସେରୋଲୋଜିକାଲ ଟେଷ୍ଟ ଉପରେ ଗୁରୁତ୍ୱ ଦିଆଯାଉଛି। ନ୍ୟୁୟର୍କ, ଲସ୍‌ ଆଞ୍ଜେଲ୍ସ ଏନେଇ ପାଇଲଟ୍‌ ପ୍ରୋଗ୍ରାମ ଜାରିରହିଛି। ମାତ୍ରାଧିକ ସଂକ୍ରମଣ ଯୋଗୁ ଆମେରିକାରେ ତ୍ୱରିତ ପଦକ୍ଷେପ ସହ ଶୀଘ୍ର ପରୀକ୍ଷାକୁ ଗୁରୁତ୍ୱ ଦିଆଯାଉଥିଲେ ହେଁ ବିଭିନ୍ନ ସମସ୍ୟା ଲାଗିରହିଛି। ଭୂତାଣୁ କ୍ଷୀପ୍ର ଗତିରେ ମାଡ଼ିଚାଲି ଥିବାରୁ କେତେକ ଆଣ୍ଟିବଡି ଟେଷ୍ଟିଂକୁ ମଧ୍ୟ ଗୁରୁତ୍ୱ ଦେଇଛନ୍ତି। ଫଳରେ ଫଲ୍ସ ନେଗେଟିଭ୍‌ ଓ ଫଲ୍ସ ପଜିଟିଭ୍‌ ରିପୋର୍ଟ ଆସିବା ସ୍ବାଭାବିକ। ଏଭଳି ପରିଣାମ ଭୟଙ୍କର ସ୍ଥିତି ସୃଷ୍ଟି କରିବାର ଆଶଙ୍କା ରହିଛି। ସାର୍ସ, ଇବୋଲାଠୁ ମାରାତ୍ମକ କୋଭିଡ୍‌-୧୯ ଭୂତାଣୁରୁ ଆମେରିକା କେବେ ମୁକୁଳିବ ଓ ପରିସ୍ଥିତି ସ୍ବାଭାବିକ ହେବ, ଏବେଠାରୁ କହିବା ମୁସ୍କିଲ।


Enter your email to get our daily news in your inbox.

All Right Reserved By Dharitri.Com

ୟୁକ୍ରେନ୍‌: ଶାନ୍ତି ଆଲୋଚନା ବିଫଳ

ମସ୍କୋ, ୧୪ା୨: ୟୁକ୍ରେନ ଓ ରୁଷିଆ ମଧ୍ୟରେ ଯୁଦ୍ଧ ସ୍ଥିତି ଟାଳିବାକୁ ଶନିବାର ଆମେରିକା ରାଷ୍ଟ୍ରପତି ଜୋ ବାଇଡେନ୍‌ ଏବଂ ରୁଷିଆ ପ୍ରତିପକ୍ଷ ଭ୍ଲାଡିମିର ପୁଟିନ୍‌ଙ୍କ...

ଭୁବନେଶ୍ୱରରୁ ଆଉ ୪୬୦ କରୋନା ଆକ୍ରାନ୍ତ ଚିହ୍ନଟ: ସୁସ୍ଥ ହେଲେ ୪୦୫

ଭୁବନେଶ୍ୱର, ୧୦।୯(ବ୍ୟୁରୋ): ରାଜଧାନୀ ଭୁବନେଶ୍ୱରରୁ ଗୁରୁବାର ଆଉ ୪୬୦ କରୋନା ଆକ୍ରାନ୍ତ ଚିହ୍ନଟ ହୋଇଛନ୍ତି। ସେଥିମଧ୍ୟରୁ କ୍ୱାରାଣ୍ଟାଇନରୁ ୧୮୫ ଜଣ ଚିହ୍ନଟ ହୋଇଥିବାବେଳେ ଲୋକାଲ କଣ୍ଟାକ୍ଟ...

ବିଶାଳ ସମୁଦ୍ରଜୀବ ପିଠିରେ ଲେଖାଯାଇଛି ଟ୍ରମ୍ପଙ୍କ ନାମ: ଭିଡିଓ ଭାଇରାଲ ପରେ…

ଫ୍ଲୋରିଡା,୧୨।୧: ଆମେରିକାର ଫ୍ଲୋରିଡା ସହରରେ ଏକ ବିଶାଳ ସମୁଦ୍ର ଜୀବ ପିଠିରେ ପୂର୍ବ ରାଷ୍ଟ୍ରପତି ଡୋନାଲ୍ଡ ଟ୍ରମ୍ପଙ୍କ ନାମ ଲେଖାଯାଇଥିବା ଦେଖିବାକୁ ମିଳିଛି। ଘଟଣା ସମ୍ପର୍କିତ...

ବିସ୍ତାରବାଦ ବିରୋଧରେ ଏକାଠି ହେବାକୁ ଆହ୍ବାନ

ଜାତିସଂଘ, ୨୬।୯: ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଶନିବାର ଜାତିସଂଘର ୭୬ତମ ସାଧାରଣ ସଭାରେ ଉଦ୍‌ବୋଧନ ଦେଇ ଆତଙ୍କବାଦକୁ ରାଜନୈତିକ କରିଥିବା ରାଷ୍ଟ୍ରଗୁଡ଼ିକୁ ସମାଲୋଚନା କରିବା ସହ...

କୋଭିଡ-୧୯ ମୃତ୍ୟୁ ସମ୍ପର୍କରେ ତଥ୍ୟ ଦେବେନାହିଁ ବ୍ରାଜିଲ ସରକାର

ରିଓ ଡି ଜେନେରିଓ,୭।୬: କୋଭିଡ-୧୯ ବା କରୋନା ଭାଇରସ ଏବେ ସାରା ବିଶ୍ୱରେ ବ୍ୟାପୀ ଚାଲିଥିବା ବେଳେ ଏ କ୍ଷେତ୍ରରେ ବ୍ରାଜିଲର ସ୍ଥିତି ଉଦ୍‌ବେଗଜନକ ରହିଛି।...

ବିଶ୍ୱ ସମୁଦାୟର ସହଯୋଗ ଲୋଡ଼ିଲା ପାକ୍‌

ଇସ୍‌ଲାମାବାଦ,୯।୮(ପି.ଟି.):କଶ୍ମୀର ପ୍ରସଙ୍ଗରେ ପାକିସ୍ତାନ ପ୍ରଧାନମନ୍ତ୍ରୀ ଇମ୍ରାନ୍‌ ଖାନ୍‌ ଗୁରୁବାର ଅନ୍ତର୍ଜାତୀୟ ସମୁଦାୟର ସହଯୋଗ ଲୋଡିଛନ୍ତି। କଶ୍ମୀରବାସୀଙ୍କ ଉପରେ ଭାରତ ସାମରିକ ବଳ ପ୍ରୟୋଗ କରୁଛି। ଅନ୍ତର୍ଜାତୀୟ...

ଜିନ୍‌ପିଙ୍ଗ୍‌ଙ୍କ ଡ୍ରିମ୍‌ ପ୍ରୋଜେକ୍ଟରେ ପୁଟିନ୍‌ କଣ୍ଟା

ହଂକଂ,୪ା୩:ଶକ୍ତିଶାଳୀ ଚାଇନା ଯାହା ନିର୍ମାଣ କରିବାକୁ ଚାହୁଁଛି ମହତ୍ତ୍ୱାକାଂକ୍ଷୀ ରୁଷିଆ ତାକୁ ଧ୍ୱଂସ କରୁଛି। ବେଜିଂ ନିଜ ବେଲ୍ଟ ଆଣ୍ଡ ରୋଡ୍‌ ଇନିସିଏଟିଭ୍‌ (ବିଆର୍‌ଆଇ) ଅଧୀନରେ...

କଣ୍ଟେନମେଣ୍ଟ ଜୋନ୍‌ରେ ୩ ପଞ୍ଚାୟତର ୯ଗାଁ

ରସୁଲପୁର, ୬।୫(ଡି.ଏନ୍‌.ଏ.): ଯାଜପୁର ଜିଲା ରସୁଲପୁର ବ୍ଲକ ଅଧୀନ ନଠୁଆବର ପଞ୍ଚାୟତର ଜଣେ ୫୮ବର୍ଷୀୟ ବ୍ୟକ୍ତି କରୋନା ପଜିଟିଭ୍‌ (କ୍ରମିକ ନଂ.୧୭୬)ଙ୍କ ଚିହ୍ନଟ ହେବା ପରେ...

Advertisement
Archives

Model This Week