ଆଜିଠାରୁ ଚାଲିବ ଯାତ୍ରୀବାହୀ ଟ୍ରେନ୍‌

ନୂଆଦିଲ୍ଲୀ,୧୨ା୫ (ପି.ଟି.):କରୋନା ମହାମାରୀ ପାଇଁ ପାଖାପାଖି ୫୦ ଦିନ ହେଲା ଦେଶରେ ଯାତ୍ରୀବାହୀ ଟ୍ରେନ୍‌ ସେବା ବନ୍ଦ ରହିଥିବାବେଳେ ମଙ୍ଗଳବାରଠାରୁ ପର୍ଯ୍ୟାୟକ୍ରମେ କେତେକ ରୁଟ୍‌ରେ ୧୫ ଯୋଡ଼ା ସ୍ବତନ୍ତ୍ର ଟ୍ରେନ୍‌ ଚଳାଚଳ ଆରମ୍ଭ ହେବାକୁ ଯାଉଛି। ଏଥିପାଇଁ ରେଲଓ୍ବେ ପକ୍ଷରୁ ନୂଆ ଗାଇଡ୍‌ଲାଇନ ଜାରି କରାଯାଇଛି। ଯାତ୍ରୀମାନଙ୍କର ସ୍ବାସ୍ଥ୍ୟ ଯାଞ୍ଚ ବାଧ୍ୟତାମୂଳକ ହୋଇଥିବାରୁ ସେମାନଙ୍କୁ ଟ୍ରେନ୍‌ ଛାଡ଼ିବାର ୯୦ ମିନିଟ ପୂର୍ବରୁ ଷ୍ଟେଶନରେ ପହଞ୍ଚତ୍ବାକୁ ହେବ। ଯେଉଁମାନଙ୍କଠାରେ ରୋଗର କୌଣସି ଲକ୍ଷଣ ନ ଥିବ ସେମାନଙ୍କୁ ଟ୍ରେନ୍‌ ଯାତ୍ରା ଲାଗି ଅନୁମତି ମିଳିବ ବୋଲି ସ୍ବରାଷ୍ଟ୍ର ମନ୍ତ୍ରଣାଳୟ ପକ୍ଷରୁ ଜାରି ଏସ୍‌ଓପିରେ କୁହାଯାଇଛି। ଯାତ୍ରୀମାନେ ନିଜର ଖାଦ୍ୟ ଓ ବସ୍ତ୍ର ସାଙ୍ଗରେ ଆଣି ଆସିବେ। ଯାତ୍ରୀଙ୍କ ପାଇଁ ମାସ୍କ ପିନ୍ଧିବା ଓ ସାମାଜିକ ଦୂରତ୍ୱ ରକ୍ଷା କରିବା ସହ ଆରୋଗ୍ୟ ସେତୁ ଆପ୍‌ ଡାଉନଲୋଡ୍‌ କରିବା ବାଧ୍ୟତାମୂଳକ।
ଲକ୍‌ଡାଉନ ଯୋଗୁ ଗତ ଦେଢ଼ମାସରୁ ଊର୍ଦ୍ଧ୍ୱ ଦିନ ହେଲା ଯାତ୍ରୀବାହୀ ଟ୍ରେନ ଚଳାଚଳ ବନ୍ଦ ରହିଥିବାବେଳେ କେବଳ ମାଲ୍‌ଗାଡ଼ି ଚାଲୁଥିଲା। ବିଭିନ୍ନ ରାଜ୍ୟରେ ଅଟକି ରହିଥିବା ଶ୍ରମିକମାନଙ୍କୁ ଫେରାଇନେବା ପାଇଁ ରାଜ୍ୟ ସରକାରମାନଙ୍କ ଅନୁରୋଧ କ୍ରମେ କେନ୍ଦ୍ର ସରକାର ମେ’ ୧ରୁ ଶ୍ରମିକ ସ୍ପେଶିଆଲ ଟ୍ରେନ୍‌ ଚଳାଇବାକୁ ଅନୁମତି ଦେଇଥିଲେ। ମଙ୍ଗଳବାର ପ୍ରଥମ ଥର ପାଇଁ ଯାତ୍ରୀମାନଙ୍କ ନିମନ୍ତେ ଟ୍ରେନ ଚଳାଚଳ ଆରମ୍ଭ ହେଉଛି। ଚାଲିବାକୁ ଥିବା ୧୫ ଯୋଡ଼ା ଟ୍ରେନ୍‌ ବାତାନୁକୂଳିତ। ସେଗୁଡ଼ିକ ଦିଲ୍ଲୀରୁ ଦେଶର ସମସ୍ତ ପ୍ରମୁଖ ସହରକୁ ଚଳାଚଳ କରିବ। ମଙ୍ଗଳବାର ନୂଆଦିଲ୍ଲୀରୁ ବାହାରି ଦିବ୍ରୁଗଡ଼, ବେଙ୍ଗାଲୁରୁ ଓ ବିଳାସପୁର ଯାତ୍ରା କରିବ। ସେହିଦିନ ହାଓ୍ବଡା, ରାଜେନ୍ଦ୍ର ନଗର (ପାଟନା), ବେଙ୍ଗାଲୁରୁ, ମୁମ୍ବାଇ ସେଣ୍ଟ୍ରାଲ ଓ ଅହମଦାବାଦ ଷ୍ଟେଶନରୁ ଗୋଟିଏ ଲେଖାଏ ଟ୍ରେନ୍‌ ନୂଆଦିଲ୍ଲୀ ଅଭିମୁଖେ ଛାଡ଼ିବ। ସବୁ ଟ୍ରେନ୍‌ର ଭଡା ରାଜଧାନୀ ଏକ୍ସପ୍ରେସ ସହ ସମାନ ରହିଛି। ଲକ୍‌ଡାଉନ ଥିବାରୁ ଯାତ୍ରୀମାନେ ଇ-ଟିକେଟ କରିବା ପରେ ଷ୍ଟେଶନରେ ପ୍ରବେଶ ଅନୁମତି ମିଳିବ। ୭ ଦିନ ପର୍ଯ୍ୟନ୍ତ ଅଗ୍ରିମ ଟିକେଟ କରାଯାଇପାରିବ। ତେବେ ଆର୍‌ଏସି, ଓ୍ବେଟିଂ ଲିଷ୍ଟ ଟିକେଟ କିମ୍ବା ଅନ୍‌ବୋର୍ଡ ବୁକିଂ ଆଦିକୁ ଅନୁମତି ମିଳିବ ନାହିଁ। ଟ୍ରେନ୍‌ ଛାଡିବା ପୂର୍ବରୁ ୨୪ ଘଣ୍ଟା ମଧ୍ୟରେ ଯାତ୍ରୀ ଚାହିଁଲେ ଟିକେଟ ବାତିଲ କରିବେ। ତେବେ ବାତିଲ ଟିକେଟର ୫୦ ପ୍ରତିଶତ ଭଡ଼ା ଫେରସ୍ତ ମିଳିବ। କୋଚଗୁଡ଼ିକରେ ଏସି ତାପମାତ୍ରା ସାମାନ୍ୟ ଅଧିକ ରଖିବାକୁ ଗାଇଡ୍‌ଲାଇନରେ କୁହାଯାଇଛି।
ସ୍ବତନ୍ତ୍ର ଟ୍ରେନ୍‌ ନୂଆଦିଲ୍ଲୀରୁ ଦିବ୍ରୁଗଡ଼, ଅଗରତାଲା, ହାଓ୍ବାଡା, ପାଟନା, ବିଳାସପୁର, ରାଞ୍ଚତ୍, ଭୁବନେଶ୍ୱର, ସିକନ୍ଦରାବାଦ, ବେଙ୍ଗାଲୁରୁ, ଚେନ୍ନାଇ, ଥିରୁଭାନନ୍ଥପୁରମ୍‌, ମାଡ଼ଗାଓଁ, ମୁମ୍ବାଇ ସେଣ୍ଟ୍ରାଲ, ଅହମଦାବାଦ ଓ ଜମ୍ମୁ ତାଓ୍ବି ପର୍ଯ୍ୟନ୍ତ ଚାଲିବ। ଟ୍ରେନ୍‌ ଯାତ୍ରା ପାଇଁ ସୋମବାର ଅପରାହ୍ନ ୪ଟାରୁ ଅଗ୍ରିମ ଟିକେଟ ବୁକିଂ ଆରମ୍ଭ ହେବାର ଥିଲା। ତେବେ ଆଇଆରସିଟିସି ଓ୍ବେବ୍‌ସାଇଟ ନ ଖୋଲିବାରୁ ସନ୍ଧ୍ୟା ୬ଟାରୁ ବୁକିଂ ଆରମ୍ଭ ହେଉଥିବା ଜଣାପଡିଛି।
ଯାତ୍ରୀମାନେ ସାଙ୍ଗରେ ଖାଦ୍ୟ ଓ ପାଣି ଆଣି ଆସିବାକୁ କୁହାଯାଇଛି। ସେମାନଙ୍କୁ ରେଲଓ୍ବେ ପକ୍ଷରୁ ବ୍ଲାଙ୍କେଟ୍‌ କିମ୍ବା ବେଡ୍‌ସିଟ ମିଳିବ ନାହିଁ। ତେଣୁ ଯାତ୍ରୀ ସେଗୁଡ଼ିକୁ ସାଙ୍ଗରେ ଧରି ଆସିବାକୁ ହେବ। ତତ୍କାଳ ଓ ପ୍ରିମିୟମ ତତ୍କାଳ ସୁବିଧା ମିଳିବ ନାହିଁ। ଟ୍ରେନ୍‌ଗୁଡ଼ିକ ଅଳ୍ପକେତେକ ସ୍ଥାନରେ ରହଣି କରିବ। ଯେଉଁମାନଙ୍କଠାରେ ରୋଗର କୌଣସି ଲକ୍ଷଣ ନ ଥିବ କେବଳ ସେହି ଯାତ୍ରୀମାନଙ୍କୁ ଟ୍ରେନ୍‌ରେ ଯିବା ଲାଗି ଅନୁମତି ମିଳିବ।

୧୩ରୁ ଭୁବନେଶ୍ୱରରୁ ଦିଲ୍ଲୀ ଗଡ଼ିବ ରେଳ
ଦୀର୍ଘ ଦେଢ଼ମାସ ଲକ୍‌ଡାଉନ୍‌ ପରେ ମଙ୍ଗଳବାର ଠାରୁ ବିଭିନ୍ନ ପର୍ଯ୍ୟାୟରେ ରାଜ୍ୟରେ ରେଳ ଚଳାଚଳ କରିବ। ଏ ନେଇ ଭାରତୀୟ ରେଲଓ୍ବେ ପକ୍ଷରୁ ଘୋଷଣା କରାଯାଇଛି। ସୋମବାର ଅପରାହ୍ନରୁ ଟିକେଟ ବୁକିଂ ଆରମ୍ଭ ହୋଇଛି। ରାଜଧାନୀ ନୂଆଦିଲ୍ଲୀରୁ ଦେଶର ୧୫ଟି ଷ୍ଟେଶନ ମଧ୍ୟରେ ୧୫ ଯୋଡ଼ା ଟ୍ରେନ୍‌ ଚଳାଚଳ କରିବ। ଟ୍ରେନ୍‌ ଯେଉଁ ରୁଟ୍‌ରେ ଯିବ ପୁଣି ସେହି ରୁଟ୍‌ରେ ଫେରିବ। ଆସନ୍ତା ୧୩ ତାରିଖରେ ଭୁବନେଶ୍ୱରରୁ ନୂଆଦିଲ୍ଲୀକୁ ଯିବ ଟ୍ରେନ୍‌। ୧୪ ତାରିଖରେ ଦିଲ୍ଲୀରୁ
ଫେରିବ। ଓଡ଼ିଶାର ୩ଟି ଷ୍ଟେଶନରେ ଟ୍ରେନ୍‌ ରହିବ। ସେହି ଷ୍ଟେଶନଗୁଡିକ ହେଲା, କଟକ, ଭଦ୍ରକ ଓ ବାଲେଶ୍ୱର। ରାଜ୍ୟ ଭିତରେ ଏହି ୩ଟି ଷ୍ଟେଶନ ସହିତ ମୋଟ ୧୨ଟି ଷ୍ଟେଶନରେ ଅଟକିବ। ସୋମବାର ଭିଡିଓ କଫରେନ୍ସରେ ଆଲୋଚନା ବେଳେ ମୁଖ୍ୟମନ୍ତ୍ରୀ ଅଧିକ ରେଳ ଚଳାଇବାକୁ ପ୍ରଧାନମନ୍ତ୍ରୀଙ୍କୁ ପ୍ରସ୍ତାବ ଦେଇଛନ୍ତି। କେବଳ ଇ- ଟିକେଟ କରିଥିବା ଯାତ୍ରୀମାନେ ରେଳରେ ଯାତ୍ରା କରିପାରିବା ନେଇ କେନ୍ଦ୍ର ସରକାରଙ୍କ ପକ୍ଷରୁ ଏଓପି ଜାରି କରାଯାଇଛି।


Enter your email to get our daily news in your inbox.

All Right Reserved By Dharitri.Com

ଦିଲ୍ଲୀରେ ଏବେ ସ୍କୁଲ ଖୋଲିବ ନାହିଁ: ମନୀଷ ସିସୋଦିଆ

ନୂଆଦିଲ୍ଲୀ,୧୦।୬: ରାଜଧାନୀ ଦିଲ୍ଲୀରେ କରୋନା ସଂକ୍ରମିତଙ୍କ ସଂଖ୍ୟା ବଢିବାରେ ଲାଗିଛି। ଏହାକୁ ଦୃଷ୍ଟିରେ ରଖି ଏବେ ସ୍କୁଲ ଖୋଲାଯିବ ନାହିଁ ବୋଲି ଦିଲ୍ଲୀ ଉପମୁଖ୍ୟମନ୍ତ୍ରୀ ମନୀଷ...

CORONAVIRUS UPDATE: ୭ ହଜାର ଛୁଇଁଲା ରାଜ୍ୟରେ କରୋନା ଆକ୍ରାନ୍ତଙ୍କ ସଂଖ୍ୟା

ଭୁବନେଶ୍ୱର,୩୦।୬(ବ୍ୟୁରୋ): ରାଜ୍ୟରେ ପୁଣି ୨୦୬ ନୂଆ କରୋନା ପଜିଟିଭ୍‌ ମଙ୍ଗଳବାର ଚିହ୍ନଟ ହୋଇଛନ୍ତି। ଏହାକୁ ମିଶାଇ ରାଜ୍ୟରେ ମୋଟ୍‌ ଆକ୍ରାନ୍ତଙ୍କ ସଂଖ୍ୟା ୭୦୬୫କୁ ବୃଦ୍ଧି ପାଇଥିବା...

‘ପରୀକ୍ଷା ପେ ଚର୍ଚ୍ଚା ୨୦୨୦’: କେବଳ ଶିକ୍ଷାର୍ଥୀ ପଚାରିବେ ମୋଦିଙ୍କୁ ପ୍ରଶ୍ନ

ନୂଆଦିଲ୍ଲୀ,୧୬।୧: ଜାନୁୟାରୀ ୨୦ରେ ହେବାକୁ ଥିବା ‘ପରୀକ୍ଷା ପେ ଚର୍ଚ୍ଚା ୨୦୨୦’ର ତୃତୀୟ ସଂସ୍କରଣରେ କେବଳ ଶିକ୍ଷାର୍ଥୀମାନେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କୁ ପ୍ରଶ୍ନ ପଚାରି ପାରିବେ...

ଭାଜପାକୁ ଝଟ୍‌କା: ବାଜି ମାରିଲା କଂଗ୍ରେସ

ବେଙ୍ଗାଲୁରୁ,୩୧।୧୨: କର୍ନାଟକ ମ୍ୟୁନିସିପାଲିଟି ନିର୍ବାଚନରେ ଶାସକ ଭାଜପାକୁ ଏକ ବଡ ଝଟ୍‌କା ଲାଗିଛି। ୧,୧୮୪ ଆସନ ମଧ୍ୟରୁ ୫୦୧ଟି ସିଟ ଜିତି କଂଗ୍ରେସ ଏକକ ବୃହତ୍ତମ...

‘ଭାଜପା ଅଫିସ୍‌ ଉପରେ ବୁଲଡୋଜର ଚଳାଯାଉ’

ନୂଆଦିଲ୍ଲୀ,୨୧।୪: ଦିଲ୍ଲୀରେ ସାମ୍ପ୍ରଦାୟିକ ହିଂସାକାଣ୍ଡ ଘଟିଥିବା ଜାହାଙ୍ଗିରପୁରୀରୁ ଜବରଦଖଲ ଉଚ୍ଛେଦ ସମ୍ପର୍କରେ ଉତ୍ତର ଦିଲ୍ଲୀ ମ୍ୟୁନିସିପାଲ କର୍ପୋରେଶନ ପକ୍ଷରୁ ଘୋଷଣା କରାଯାଇଥିଲା। କିନ୍ତୁ ସୁପ୍ରିମକୋର୍ଟ ଏହା...

ମାସ୍କ ପିନ୍ଧିବିନି, ସ୍ବାମୀଙ୍କୁ ରାସ୍ତା ମଝିରେ ଚୁମ୍ବନ ଦେବି ବୋଲି କହିଥିଲେ ମହିଳା; ୨୪ ଘଣ୍ଟାରେ ବଦଳିଗଲା…

ନୂଆଦିଲ୍ଲୀ,୨୦।୪: ମାସ୍କ ନ ପିନ୍ଧିବାକୁ ନେଇ ଦିଲ୍ଲୀ ପୋଲିସ ସହ ଦୁର୍ବବ୍ୟହାର କରିବା ଏକ ଦମ୍ପତିଙ୍କୁ ମହଙ୍ଗା ପଡ଼ିଛି। ରବିବାର ସନ୍ଧ୍ୟାରେ ଦରିଆଗଞ୍ଜ ଅଞ୍ଚଳରେ ଦମ୍ପତି...

ବ୍ରିଗେଡିୟର ଲିଡ୍ଡରଙ୍କ ମୃତ୍ୟୁ ପରେ ବଢିଗଲା ଝିଅ ଆଶନାଙ୍କ ଦ୍ୱାରା ଲିଖିତ ପୁସ୍ତକର ଚାହିଦା

ନୂଆଦିଲ୍ଲୀ,୧୧ ।୧୨: ‘ସୋଲ୍ଡ ଆଉଟ୍‌’ ଏବେ ଏହା ଲେଖାଯାଇଛି ଏକ ବହି ଦୋକାନ ସାମ୍ନାରେ । ଯେଉଁଠାରେ ବିକ୍ରି କରାଯାଉଥିଲା ବ୍ରିଗେଡିୟର ଏଲ୍‌ଏସ୍ ଲିଡ୍ଡରଙ୍କ ଝିଅ...

ସାମାଜିକ ସୁରକ୍ଷାରୁ ବଞ୍ଚିତ ୭୫% ଭାରତୀୟ

ନୂଆଦିଲ୍ଲୀ, ୪ା୯: କୌଣସି ରୋଗରେ ପୀଡ଼ିତ, ଦିବ୍ୟାଙ୍ଗ, ବୃଦ୍ଧାବସ୍ଥା, ବେରୋଜଗାର ସମେତ ମୃତ୍ୟୁ ଆଦି ପରିସ୍ଥିତିବେଳେ ସମ୍ପୃକ୍ତ ବ୍ୟକ୍ତି ଏବଂ ପରିବାରର ସୁରକ୍ଷା ଜରୁରୀ ହୋଇପଡ଼ିଥାଏ।...

Advertisement
Archives

Model This Week