ଆଗକୁ ମିଳିବନି ପର୍ଯ୍ୟାପ୍ତ ଅର୍ଥ: ରାଜ୍ୟଗୁଡ଼ିକୁ କେନ୍ଦ୍ରର ସଙ୍କେତ

ନୂଆଦିଲ୍ଲୀ,୨୦ା୫: କେନ୍ଦ୍ର ସରକାର ଟ୍ୟାକ୍ସ ଓ ଅନ୍ୟ ଦେୟଗୁଡ଼ିକ ଏଯାଏ ଦେଇନାହାନ୍ତି ବୋଲି ରାଜ୍ୟ ସରକାରମାନେ ଅଭିଯୋଗ ଆଣୁଥିବାବେଳେ ସଂଗୃହୀତ ଟିକସର ୧୧୦% ଗତ ଏପ୍ରିଲରେ ରାଜ୍ୟଗୁଡ଼ିକୁ ପ୍ରଦାନ କରାଯାଇଥିବା ବ୍ୟୟ ସଚିବ ଟି.ଭି. ସୋମନାଥନ୍‌ କହିଛନ୍ତି। ସୋମନାଥନ୍‌ଙ୍କ ମତରେ ୪୧% ଅର୍ଥ ଦେବା ପାଇଁ ପଞ୍ଚଦଶ ଅର୍ଥ କମିଶନଙ୍କ ନିର୍ଦ୍ଦେଶ ରହିଥିବାବେଳେ ତା’ଠୁ ୬୯% ଅଧିକ ଅର୍ଥ କେନ୍ଦ୍ର ସରକାର ଦେଇଛନ୍ତି। ରାଜ୍ୟଗୁଡ଼ିକୁ ଗତମାସରେ ୪୬,୦୩୮ କୋଟି ଟଙ୍କା ପ୍ରଦାନ କରାଯାଇଥିବା ନେଇ ରବିବାର ସରକାରଙ୍କ ପକ୍ଷରୁ କୁହାଯାଇଛି। ଚଳିତବର୍ଷ ବଜେଟ ଆକଳନରେ କିଛି ପରିବର୍ତ୍ତନ ନ କରି ଏପରି କରାଯାଇଥିବା ସୋମନାଥନ୍‌ ପ୍ରକାଶ କରିଛନ୍ତି।
ବ୍ୟୟ ସଚିବଙ୍କ ମତରେ ବାସ୍ତବରେ ରାଜ୍ୟଗୁଡ଼ିକର ୧୭,୧୫୯ କୋଟି ଟଙ୍କା ବକେୟା ଥିଲା। ସେହିପରି ଗତ ଏପ୍ରିଲରେ କେନ୍ଦ୍ର ସରକାର ସଂଗ୍ରହ କରିଥିବା ଟିକସ ପରିମାଣ ହେଉଛି ୪୧,୮୫୩ କୋଟି ଟଙ୍କା। ୨୦୧୯ ଏପ୍ରିଲରେ ସରକାର ମୋଟ ୧.୨୧ ଲକ୍ଷ କୋଟି ଟଙ୍କା ଟିକସ ଆକାରରେ ସଂଗ୍ରହ କରିଥିବାବେଳେ ଚଳିତବର୍ଷ ଏହି ପରିମାଣ ଏତେ କମିଯାଇଛି ବୋଲି କଣ୍ଟ୍ରୋଲର ଜେନେରାଲ ଅଫ୍‌ ଆକାଉଣ୍ଟସ୍‌ଙ୍କ ଓ୍ବେବ୍‌ସାଇଟ୍‌ରେ ଏକ ତୁଳନାମତ୍କ ଚିତ୍ର ପ୍ରଦାନ କରାଯାଇଛି। ସୋମନାଥନ୍‌ କହିଛନ୍ତି, ସାଧାରଣତଃ ତିନୋଟି ତ୍ରୈମାସିକ ପାଇଁ ବଜେଟ ଆକଳନକୁ ଭିତ୍ତିକରି ଅର୍ଥ ହସ୍ତାନ୍ତର କରାଯାଇଥାଏ ଏବଂ ଶେଷ ତ୍ରୈମାସିକରେ ସମାଯୋଜନ (ଆଡ୍‌ଜଷ୍ଟମେଣ୍ଟସ) କରାଯାଇଥାଏ। କାରଣ ସେତେବେଳ ଯାଏ ଟିକସ କେତେ ହ୍ରାସ ହେଉଛି ତାହାର ଆକଳନ କରାଯାଇ ପାରି ନ ଥାଏ। ଅର୍ଥ ହସ୍ତାନ୍ତରଣରେ ପରିବର୍ତ୍ତନ କରାଯାଇ ନ ଥିବା ଏବଂ ଆମେ ଆୟ କରିଥିବା ଟିକସର ୧୧୦% ଅର୍ଥ ପଇଠ କରିଥିବା ସତ୍ତ୍ୱେ ରାଜସ୍ବ ହ୍ରାସ ପାଇବାକୁ ଯାଉଛି ବୋଲି ଏବେ ଆମେ ଜାଣିବାକୁ ପାଇଛୁ ବୋଲି ସେ ପ୍ରକାଶ କରିଛନ୍ତି।
କେନ୍ଦ୍ର ସରକାର ରାଜ୍ୟଗୁଡ଼ିକୁ ଅର୍ଥ ହସ୍ତାନ୍ତରଣରେ କାଟଛାଣ୍ଟ ନ କରିବାକୁ ନିଷ୍ପତ୍ତି ନେଇଛନ୍ତି। କାରଣ ସରକାର ମହାମାରୀ କରୋନା ଯୋଗୁ ସୃଷ୍ଟି ହୋଇଥିବା ପରିସ୍ଥିତିର ମୁକାବିଲା ପାଇଁ ରାଜ୍ୟଗୁଡ଼ିକୁ ଆର୍ଥତ୍କ ଦୃଷ୍ଟିରୁ ସକ୍ଷମ କରିବାକୁ ଚାହୁଁଛନ୍ତି। ତୈଳ ଉପରେ ଟିକସ ବୃଦ୍ଧି କେବଳ ଆଂଶିକ ଭାବେ ମହାମାରୀ ଯୋଗୁ ରାଜସ୍ବ ବ୍ୟବଧାନକୁ ପୂରଣ କରିବ। କେନ୍ଦ୍ରୀୟ ସାମଗ୍ରୀ ଓ ସେବା କର (ଜିଏସ୍‌ଟି), ଆୟକର ଓ ଆମଦାନୀ ଶୁଳ୍କରେ ବହୁ ପରିମାଣରେ ହ୍ରାସ କରାଯାଇଛି। କିନ୍ତୁ ରାଜ୍ୟଗୁଡ଼ିକୁ ଦିଆଯାଇଥିବା ଅର୍ଥର ପରିମାଣରେ ଜିଏସ୍‌ଟି କ୍ଷତିପୂରଣ ସେସ୍‌କୁ ସାମିଲ କରାଯିବ ନାହିଁ। କ୍ଷତିପୂରଣ ସେସ୍‌ ଜରିଆରେ ପର୍ଯ୍ୟାପ୍ତ ଅର୍ଥ ସଂଗ୍ରହ ହୋଇପାରୁ ନ ଥିବାରୁ କେନ୍ଦ୍ର ସରକାର ଏପରି ଦେୟ ପ୍ରଦାନରେ ବିଳମ୍ବ କରୁଛନ୍ତି।
ଖର୍ଚ୍ଚର ପୁନଃ ପ୍ରାଥମିକୀକରଣ:
ଚଳିତ ଆର୍ଥିକ ବର୍ଷ ପାଇଁ ସରକାରଙ୍କ ବ୍ୟୟ ଅତିରିକ୍ତ ଋଣ ଓ ପୁନଃ ପ୍ରାଥମିକୀକରଣ ଦ୍ୱାରା ଆଂଶିକ ଭାବେ ଦିଆଯିବ ବୋଲି ସୋମନାଥନ୍‌ କହିଛନ୍ତି। ସରକାର ଚଳିତ ଆର୍ଥିକ ବର୍ଷରେ ୭.୮ ଲକ୍ଷ କୋଟିରୁ ୧୨ ଲକ୍ଷ କୋଟି ଟଙ୍କା ପର୍ଯ୍ୟନ୍ତ ଋଣ ଟାର୍ଗେଟକୁ ବୃଦ୍ଧି କରିଛନ୍ତି। ଏଭଳି ଲକ୍ଷ୍ୟ ରଖାଯିବା ପଛର କାରଣ ହେଉଛି ବର୍ଷ ଆରମ୍ଭରେ ଅତ୍ୟଧିକ ଖର୍ଚ୍ଚ କରା ନ ଯିବା ପାଇଁ ସୁନିଶ୍ଚିତ କରିବା। ତେଣୁ ସୋମନାଥନ୍‌ଙ୍କ ମତରେ ଏହି ବର୍ଷ ଲକ୍ଷ୍ୟ ରଖାଯାଇଛି ଯେ, ଅର୍ଥ ବ୍ୟବସ୍ଥା ଏବଂ ଜନକଲ୍ୟାଣକାରୀ ଯୋଜନାକୁ ଦୀର୍ଘମିଆଦୀ ଭିତ୍ତିରେ ଲାଭ ଦେଉ ନ ଥିଲେ ସେ ଦିଗରେ ବେଶି ଖର୍ଚ୍ଚ କରାଯିବ ନାହିଁ। ସେହିପରି ଯେଉଁ ସାମଗ୍ରୀଗୁଡ଼ିକର ଆମଦାନୀରେ ଅଧିକ ଖର୍ଚ୍ଚ ହେଉଛି ସେଗୁଡ଼ିକର ସଂଖ୍ୟା ମଧ୍ୟ ହ୍ରାସ କରାଯିବ। ତେବେ ସରକାର କେବଳ ୨୦ ଲକ୍ଷ କୋଟି ଟଙ୍କାର ଆର୍ଥିକ ପ୍ୟାକେଜ ଦେଉନାହାନ୍ତି, ଏହାସହ ଯେଉଁ ସରକାରୀ ଖର୍ଚ୍ଚଗୁଡ଼ିକରେ ଦୀର୍ଘମିଆଦୀ ଲାଭ ବେଶି ମିଳିବ ସେହି ଖର୍ଚ୍ଚକୁ ପ୍ରାଥମିକତା ଦେବେ। ବର୍ତ୍ତମାନ ଯେଉଁ ଯୋଜନାଗୁଡ଼ିକ ପାଇଁ ଯେତେ ଅର୍ଥ ବ୍ୟୟବରାଦ ହୋଇଛି ସେଥିରେ ମଧ୍ୟ ପରିବର୍ତ୍ତନ ହୋଇପାରେ ବୋଲି ସୋମନାଥନ୍‌ ସୂଚନା ଦେଇଛନ୍ତି। ସେହିପରି ଅର୍ଥ ମନ୍ତ୍ରଣାଳୟ ସରକାରଙ୍କ ବିଭାଗଗୁଡ଼ିକୁ ୩ ଭାଗରେ ବିଭକ୍ତ କରିବା ସହ ଏପ୍ରିଲ-ଜୁନ୍‌ ପାଇଁ ଖର୍ଚ୍ଚ ନିର୍ଦ୍ଧାରଣ କରିଛି। କେବଳ କୋଭିଡ୍‌-୧୯ ବିରୋଧରେ ଲଢ଼େଇ କରୁଥିବା ବିଭାଗଗୁଡ଼ିକୁ ଏଥିରୁ ବାଦ୍‌ ଦିଆଯାଇଛି। ଏହି ଗାଇଡ୍‌ଲାଇନ୍‌ ଆଗକୁ ମଧ୍ୟ ବଳବତ୍ତର ରହିବ। ତେବେ ବର୍ତ୍ତମାନର ହାରରେ ତାହା ରହିବ ବୋଲି ଜରୁରୀ ନୁହେଁ।
ପିଏସ୍‌ୟୁ ପାଇଁ ନୂଆ ନୀତି: 
ଯେଉଁ କ୍ଷେତ୍ରଗୁଡ଼ିକ ଉପଭୋକ୍ତାଙ୍କ ସ୍ବାର୍ଥ, ଏକଚାଟିଆ କାରବାର ଓ ଜାତୀୟ ସୁରକ୍ଷାକୁ ଧ୍ୟାନ ଦେବା ଜରୁରୀ ସେଗୁଡ଼ିକୁ ସରକାରଙ୍କ ନୂଆ ନୀତିରେ ‘ଷ୍ଟ୍ରାଟେଜିକ୍‌’ ଭାବେ ବର୍ଗୀକରଣ କରାଯିବ ବୋଲି ସୋମନାଥନ୍‌ କହିଛନ୍ତି। ସରକାର ଏବେ କେତେକ ‘ଷ୍ଟ୍ରାଟେଜିକ୍‌ ସେକ୍ଟର’କୁ ପରିଭାଷିତ କରିବେ, ଯାହାକି ଘରୋଇ ସଂସ୍ଥାଗୁଡ଼ିକ ପାଇଁ ସୁଯୋଗ ସୃଷ୍ଟି କରିବ। ସେଥିରେ ସରକାରଙ୍କ ସର୍ବନିମ୍ନ ହସ୍ତକ୍ଷେପ ରହିବ। ଏହା ଅର୍ଥମନ୍ତ୍ରୀ ନିର୍ମଳା ସୀତାରାମନଙ୍କ ଦ୍ୱାରା ରବିବାର ଘୋଷଣା କରାଯାଇଥିବା ଆମତ୍ନିର୍ଭର ଭାରତ ପ୍ୟାକେଜର ଏକ ଅଂଶବିଶେଷ। ବର୍ତ୍ତମାନ ପବ୍ଲିକ୍‌ ଏଣ୍ଟରପ୍ରାଇଜେସ୍‌ ବିଭାଗ ଦ୍ୱାରା ଜାରି ଗାଇଡ୍‌ଲାଇନ୍‌ରେ ପ୍ରତିରକ୍ଷା, ଆଣବିକ ଶକ୍ତି ଓ ରେଲଓ୍ବେ ଭଳି ରାଷ୍ଟ୍ରାୟତ୍ତ ଉଦ୍ୟୋଗ(ପିଏସ୍‌ୟୁ)ଗୁଡ଼ିକୁ ଷ୍ଟ୍ରାଟେଜିକ୍‌ ଭାବେ ବର୍ଗୀକୃତ କରାଯାଇଛି। ତେଣୁ ଏଭଳି ସେକ୍ଟର ମଧ୍ୟ ଖାଉଟି ସୁରକ୍ଷା, ଏକଚାଟିଆ ଅଧିକାର ବା ଜାତୀୟ ସୁରକ୍ଷା ଭଳି ସାଧାରଣ ସ୍ବାର୍ଥର ଆବଶ୍ୟକ ଥିବା ଭଳି କ୍ଷେତ୍ରର ଅନ୍ତର୍ଭୁକ୍ତ ହେବ ବୋଲି ସୋମନାଥନ୍‌ ସ୍ପଷ୍ଟ କରିଛନ୍ତି।


Enter your email to get our daily news in your inbox.

All Right Reserved By Dharitri.Com

କରୋନା ଭାଇରସ ଯୋଗୁ ସ୍ବାମୀଙ୍କ ମୃତ୍ୟୁ ହେବାରୁ ପୁଅ, ଝିଅଙ୍କ ସହ ଆତ୍ମହତ୍ୟା କଲେ ପତ୍ନୀ

ନୂଆଦିଲ୍ଲୀ,୨୦।୮: କରୋନା ମହାମାରୀ ଏବେ ସାରା ବିଶ୍ୱକୁ ଗ୍ରାସ କରିଥିବା ବେଳେ ଦେଶରେ ଏବେ ସଂକ୍ରମିତଙ୍କ ସଂଖ୍ୟା ୨୮ ଲକ୍ଷ ପାର କରି ସାରିଲାଣି। ସେହିପରି...

ହାଲ୍‌ ଯୋଗାଇବ ୮୩ ତେଜସ୍‌ ଯୁଦ୍ଧ ବିମାନ

ବେଙ୍ଗାଲୁରୁ, ୩।୨: କର୍ନାଟକର ବେଙ୍ଗାଲୁରୁରେ ଜାରି ରହିଥିବା ଏରୋ ଇଣ୍ଡିଆ ଇଣ୍ଟରନ୍ୟାଶନାଲ ଏୟାର ଶୋରେ ହିନ୍ଦୁସ୍ଥାନ ଏରୋନ୍ୟୁଟିକ୍ସ୍‌ ଲିମିଟେଡ୍‌(ହାଲ୍‌)କୁ ୮୩ ତେଜସ୍‌ ଯୁଦ୍ଧ ବିମାନ ଯୋଗାଇବା...

ଶନିବାର ପୂର୍ବାହ୍ନ ୧୦.୩୦ରେ ଆସିବ ଅଯୋଧ୍ୟା ରାୟ

ଅଯୋଧ୍ୟା/ନୂଆଦିଲ୍ଲୀ,୮।୧୧(ପି.ଟି.): ବହୁଚର୍ଚ୍ଚିତ ରାମ ଜନ୍ମଭୂମି-ବାବ୍ରୀ ମସ୍‌ଜିଦ ଜମି ବିବାଦ ମାମଲା ରାୟ ଶନିବାର ପୂର୍ବାହ୍ନ ୧୦.୩୦ରେ ପ୍ରକାଶ ପାଇପାରେ। ସୁପ୍ରିମକୋର୍ଟଙ୍କ ଏହି ଐତିହାସିକ ରାୟ ପୂର୍ବରୁ...

ଥରିଲା ପଶ୍ଚିମବଙ୍ଗ

କୋଲକାତା,୨୯।୭: ପଶ୍ଚିମବଙ୍ଗର ପୁରୁଲିଆ ଜିଲାରେ ଭୋର୍‌ ୨ଟା ୫୫ରେ ଭୂକମ୍ପ ଅନୁଭୁତ ହୋଇଛି। ରିକ୍ଟର ସ୍କେଲରେ ଏହାର ତୀବ୍ରତା ୪.୦ ଥିବା ଭାରତୀୟ ଭୂବିଜ୍ଞାନ ଗବେଷଣା...

ଭଦ୍ରକରେ ଆକ୍ରାନ୍ତଙ୍କ ସଂଖ୍ୟା ୨୮୧ରେ ପହଞ୍ଚିଲା

ଭଦ୍ରକ ଅଫିସ,୧୦ା୭: ଶୁକ୍ରବାର ଭଦ୍ରକ ଜିଲାରୁ ୨ କରୋନା ଆକ୍ରାନ୍ତ ଚି଼ହ୍ନଟ ହୋଇଛନ୍ତି। ଏହାକୁ ମିଶାଇ ଜିଲାରେ ମୋଟ୍‌ ଆକ୍ରାନ୍ତଙ୍କ ସଂଖ୍ୟା ୨୮୧ରେ ପହଞ୍ଚିଛି। ଆକ୍ରାନ୍ତ...

ଅଜିତ ପାଓ୍ବାର ହୋଇପାରନ୍ତି ଉପମୁଖ୍ୟମନ୍ତ୍ରୀ

ମୁମ୍ବାଇ,୨୯।୧୨: ମହାରାଷ୍ଟ୍ର ମନ୍ତ୍ରିମଣ୍ଡଳର ସମ୍ପ୍ରସାରଣ ସୋମବାର ହେବାର ଯୋଜନା ରହିଛି। ବିଶେଷ ସୂତ୍ରରୁ ମିଳିଥିବା ସୂଚନା ଅନୁଯାୟୀ ଏନ୍‌ସିପି ନେତା ଅଜିତ ପାଓ୍ବାରଙ୍କୁ ଉପମୁଖ୍ୟମନ୍ତ୍ରୀ ପଦ...

ଭାରତ ମହାସାଗରରେ ପାଓ୍ବାର ଗେମ୍‌, ମରିସସ୍‌ର ଦ୍ୱୀପରେ ଗୁପ୍ତ ସୈନ୍ୟ ଶିବିର…

ନୂଆଦିଲ୍ଲୀ,୯।୮: ଭାରତ ମହାସାଗରେ ପୃଥିବୀର ବଡ଼ବଡ଼ ଦେଶ ପାଓ୍ବାର ଗେମ୍‌ ଆରମ୍ଭ କରିଛନ୍ତି। ନିଜର ଶକ୍ତି ବୃଦ୍ଧି ପାଇଁ ଭାରତ ମଧ୍ୟ ଏଥିରେ ସାମିଲ୍‌ ହୋଇଛି।...

ଖଲିସ୍ତାନ ପତାକା ଘଟଣା: ତଦନ୍ତ ନିର୍ଦ୍ଦେଶ ଦେଲେ ମୁଖ୍ୟମନ୍ତ୍ରୀ

ଶିମଲା,୮।୫: ହିମାଚଳପ୍ରଦେଶ ବିଧାନସଭାର ମୁଖ୍ୟ ପ୍ରବେଶ ପଥ ଏବଂ କାନ୍ଥରେ ରବିବାର ଖଲିସ୍ତାନ ପତାକା ଲାଗିଥିବା ଦେଖାଯାଇଛି। ଧର୍ମଶାଳାସ୍ଥିତ ଆସେମ୍ବ୍ଲି ବିଲ୍ଡିଂର କାନ୍ଥରେ ସ୍ଲୋଗାନ ମଧ୍ୟ...

Advertisement
Archives

Model This Week