ଆଇପିଏଲ ୨୦୨୦ରେ ପ୍ରଶଂସକମାନେ ଗତ ରବିବାର ଜବରଦସ୍ତ ମୁକାବିଲା ଦେଖିବାକୁ ପାଇଥିଲେ। ଦିନର ଉଭୟ ମ୍ୟାଚ ସୁପର ଓଭରରେ ପହଞ୍ଚିଥିଲା। କିଙ୍ଗସ ଏକାଦଶ ପଞ୍ଜାବ ଏବଂ ମୁମ୍ବାଇ ଇଣ୍ଡିଆନ୍ସ ମଧ୍ୟରେ ଖେଳାଳଯାଇଥିବା ଦ୍ୱିତୀୟ ମ୍ୟାଚ ଦୁଇଟି ସୁପର ଓଭରରେ ଶେଷ ହୋଇଥିଲା। ରୋମାଞ୍ଚକର ମ୍ୟାଚରେ ପଞ୍ଜାବ ଦଳ ନିକୋଲାସ ପୁରାନ ଏବଂ କେ.ଏଲ ରାହୁଲଙ୍କ ଯୋଗୁ ବିଜୟ ହାସଲ କରିଥିଲା। ଏହି ମ୍ୟାଚ୍ ଦେଖି ପୂର୍ବତନ ଭାରତୀୟ କ୍ରିକେଟର ଯୁବରାଜ ସିଂ ଏକ ଟୁଇଟ୍ କରିଥିଲେ। ଏଥିରେ ରାଗିଯାଇଛନ୍ତି ରୟାଲ୍ ଚ୍ୟାଲେଞ୍ଜର୍ସ ବେଙ୍ଗାଲୁରୁର ଖେଲାଳି ୟୁଜବେନ୍ଦ୍ର ଚହଲ। ନିକୋଲାସ ପୁରାନଙ୍କ ବ୍ୟାଟିଂରେ ଯୁବରାଜ ସିଂ ପ୍ରଭାବିତ ହୋଇଥିଲେ। ଟୁଇଟ୍ କରି ସେ ଲେଖିଛନ୍ତି, ଲାଗୁଛି ଯେ ଆଜିର ଗେମ ଚେଞ୍ଜର ହେଉଛନ୍ତି ନିକୋଲାସ ପୁରାନ, ତାଙ୍କ ବ୍ୟାଟିଂ ଦେଖିବାକୁ ମଜା ଲାଗିଲା । ମୁଁ ଭାବୁଛି କିଙ୍ଗସ ଏକାଦଶ ପଞ୍ଜାବ ପ୍ଲେ ଅଫକୁ ଯିବ ଏବଂ ଫାଇନାଲରେ ଦିଲ୍ଲୀ କ୍ୟାପିଟାଲ୍ସ କିମ୍ବା ମୁମ୍ବାଇ ଇଣ୍ଡିଆନ୍ସକୁ ଭେଟିବ। ଯୁବରାଜଙ୍କ ଟୁଇଟ୍ ଦେଖି ଚହଲ ରାଗି ଯୁବରାଜଙ୍କୁ କହିଥିଲେ
ଚହଲ – ଭାଇ, ଆମେ ଭାରତକୁ ଫେରି ଯିବୁ କି?
ଯୁବରାଜ ସିଂ – ଏବେ ଆଉ ଅଧିକ ଛକା ଖାଇ ଏବଂ ଉଇକେଟ୍ ନେଇ ଆସିବ
ଚହଲ – ଠିକ ଅଛି ଭାଇ, ମୁଁ ନଭେମ୍ବର ୧୦ ପର୍ଯ୍ୟନ୍ତ ଉଇକେଟ ଏବଂ ଛକା ଖାଇ ଦେଉଛି
ଯୁବରାଜ ସିଂ – ହଁ, ନିଶ୍ଚିତ ଭାବରେ ଫାଇନାଲ ଦେଖିକି ଆସିବ
ଉଭୟଙ୍କ ମଧଧ୍ୟରେ ଏଭଳି ଚାଟିଂ ଦେଖି ପ୍ରଶଂସକ ବେଶ୍ ମଜା ନେଇଥିଲେ। ଚହଲଙ୍କ ଦଳ ରୟାଲ ଚ୍ୟାଲେଞ୍ଜର୍ସ ବାଙ୍ଗାଲୋର ଏଥର ଟାଇଟଲ ପାଇଁ ଏକ ଶକ୍ତିଶାଳୀ ପ୍ରତିଦ୍ୱନ୍ଦ୍ୱୀ। ଦଳ ୯ଟି ମ୍ୟାଚରୁ ୬ଟି ଜିତି ତୃତୀୟ ସ୍ଥାନରେ ରହିଛି।
Looks like tonight’s game changer is going to be @nicholas_47 ! Beautiful flow of the bat ! So amazing to watch ! Reminds me of someone I live within 😀 ! Game on ! My prediction I feel @kxip will go all way to playoffs and play the finals along with @mipaltan or @DelhiCapitals
— Yuvraj Singh (@YUVSTRONG12) October 18, 2020
