ଅଧିକ ଲୋକ ଦେଖୁଛନ୍ତି ଶିଶୁଙ୍କ ଅଶ୍ଳୀଳ ଭିଡିଓ

ଭୁବନେଶ୍ୱର,୧୮ା୪(ବ୍ୟୁରୋ): ଲକ୍‌ଡାଉନ୍‌ ପାଇଁ ଲୋକେ ଘରେ ରହିଛନ୍ତି। ଅଧିକାଂଶ ସମୟ ମୋବାଇଲ୍‌ ଫୋନ୍‌ ଓ ଇଣ୍ଟରନେଟ୍‌ ସହ ବିତୁଛି। ଅନ୍‌ଲାଇନ୍‌ରେ କରୋନା ଅପ୍‌ଡେଟ୍‌ ସହ ବିଭିନ୍ନ ଖବର ଜାଣୁୁଛନ୍ତି। ଏଥିସହ କିଏ ଅନ୍‌ଲାଇନ୍‌ ଶିକ୍ଷା ତ ଆଉ କିଏ ମନୋରଞ୍ଜନମୂଳକ ଭିଡିଓ ଦେଖିବାକୁ ପସନ୍ଦ କରୁଛନ୍ତି। ସେହିଭଳି ଏହି ସମୟ ମଧ୍ୟରେ ପର୍ନ (ଅଶ୍ଳୀଳ) ସାଇଟ୍‌ ସର୍ଚ୍ଚ ସର୍ବାଧିକ ରହିଛି। ବିଶେଷକରି ଶିଶୁଙ୍କ ଅଶ୍ଳୀଳ (ଚାଇଲ୍ଡ ପର୍ନ) ଭିଡିଓ ଦେଖିବାରେ ଦେଶରେ ସବୁଠୁ ଆଗରେ ଭୁବନେଶ୍ୱର ରହିଥିବା ଏକ ଅନୁସନ୍ଧାନରୁ ଜଣାପଡିଛି। ଅର୍ଥାତ୍‌ ଲକ୍‌ଡାଉନ୍‌ ସମୟରେ ଭୁବନେଶ୍ୱରର ଲୋକ ଇଣ୍ଟରନେଟ୍‌ରେ ଶିଶୁଙ୍କ ବିଭିନ୍ନ ଅଶ୍ଳୀଳ ଭିଡିଓ ବା ଯୌନ ଶୋଷଣକାରୀ ସାମଗ୍ରୀ ଅଧିକ ଖୋଜିଛନ୍ତି। ଶିଶୁଙ୍କ ପାଇଁ କାର୍ଯ୍ୟ କରୁଥିବା ନୂଆଦିଲ୍ଲୀସ୍ଥିତ ଭାରତୀୟ ଶିଶୁ ସୁରକ୍ଷା ପାଣ୍ଠି (ଆଇସିପିଏଫ୍‌)ର ସଦ୍ୟ ପ୍ରକାଶିତ ରିପୋର୍ଟରୁ ଏହା ଜଣାପଡିଛି।
ଆଇସିପିଏଫ୍‌ ଦେଶର ୧୦୦ ପ୍ରମୁଖ ସହରକୁ ଏହି ସର୍ଭେରେ ଅନ୍ତର୍ଭୁକ୍ତ କରିଥିଲା। ଇଣ୍ଟରନେଟ୍‌ ବ୍ୟବହାରକାରୀଙ୍କ ଉପରେ ୩୦ଦିନର ଅନୁଧ୍ୟାନ କରାଯାଇଥିଲା। ଏହି ସମୟ ମଧ୍ୟରେ ବିଶ୍ୱର ହଜାରରୁ ଊର୍ଦ୍ଧ୍ୱ ପଞ୍ଜୀକୃତ ପର୍ନ ଓ୍ବେବ୍‌ସାଇଟ୍‌ ଓ ସୋସିଆଲ ମିଡିଆ ପ୍ଲାଟ୍‌ଫର୍ମରେ ଶିଶୁଙ୍କ ଅଶ୍ଳୀଳ ଭିଡିଓ ଦେଖିବା ଓ ଶିଶୁ ଯୌନ ଶୋଷଣ ସାମଗ୍ରୀ ଖୋଜୁଥିବା ବ୍ୟକ୍ତିଙ୍କ ସଂଖ୍ୟା ବହୁଗୁଣ ବଢ଼ିଯାଇଥିଲା। ରିପୋର୍ଟ ଅନୁଯାୟୀ, ଭୁବନେଶ୍ୱର ଓ ଚେନ୍ନାଇରେ ଲୋକେ ପର୍ନ ପ୍ଲାଟ୍‌ଫର୍ମରେ ବିଶେଷକରି ଜେନେରିକ ଚାଇଲ୍ଡ ପର୍ନ ଭିଡିଓ ସର୍ବାଧିକ ଖୋଜିଥିଲେ। ସେହିଭଳି ଅନ୍ୟ ନିର୍ଦ୍ଦିଷ୍ଟ ବିଷୟବସ୍ତୁ (ବିଭିନ୍ନ ଆକ୍ସନ, ବୟସ ଓ ସ୍ଥାନ) ଆଧାରିତ ଚାଇଲ୍ଡ ପର୍ନୋଗ୍ରାଫି କ୍ଷେତ୍ରରେ ମଧ୍ୟ କଲିକତା, ସିଲିଗୁଡି, ହାଓଡା, ଚଣ୍ଡିଗଡ଼, ଗୁଆହାଟି, ଇନ୍ଦୋର ସହ ଭୁବନେଶ୍ୱର ଓ ଚେନ୍ନାଇ ରହିଛି। ପ୍ରାୟ ୧୮ ପ୍ରତିଶତ ଲୋକ ନିର୍ଦ୍ଦିଷ୍ଟ ବିଷୟବସ୍ତୁ ଥିବା ଭିଡିଓକୁ ଅଧିକ ଦେଖିବାକୁ ପସନ୍ଦ କରିଛନ୍ତି। ଏହି ଭିଡିଓ ମଧ୍ୟରେ ଯୌନ ଶୋଷଣବେଳେ ଶିଶୁମାନଙ୍କୁ ମାଡ଼ମାରିବା ସହ ବିଭିନ୍ନ ନିର୍ଯାତନା ଦିଆଯାଉଥିବା, ରକ୍ତସ୍ରାବ ହେଉଥିବା ଓ ଶିଶୁଟି ଯନ୍ତ୍ରଣାରେ ଛଟପଟ ହେଉଥିବା ଆଦି ରହିଛି। ସବୁଠୁ ଚିନ୍ତାଜନକ ବିଷୟ ହେଉଛି, ସାଧାରଣ ଦିନ ଅପେକ୍ଷା ଲକ୍‌ଡାଉନ୍‌ରେ ଏହି ପ୍ରକାରର ହିଂସାତ୍ମକ ତଥା ଯୌନ ଶୋଷଣ ଭିଡ଼ିଓ ଦେଖିବା ହାର ୨୦୦ ପ୍ରତିଶତ ବଢ଼ିଛି। ଏମାନଙ୍କ ମଧ୍ୟରୁ ପୁରୁଷ ପ୍ରାୟ ୯୦ ପ୍ରତିଶତ ରହିଥିବାବେଳେ ୧ ପ୍ରତିଶତ ମହିଳା ମଧ୍ୟ ରହିଛନ୍ତି, ଯେଉଁମାନେ ଇଣ୍ଟରନେଟ୍‌ରେ ଏହିପରି ଶିଶୁ ପର୍ନ ସାମଗ୍ରୀ ଖୋଜିଥିବା ଉକ୍ତ ଅନୁଧ୍ୟାନରୁ ଜଣାପଡିଛି।
ନ୍ୟାଶନାଲ କ୍ରାଇମ ରେକର୍ଡ ବ୍ୟୁରୋ (ଏନ୍‌ସିଆରବି)ର ବାର୍ଷିକ ଅପରାଧ ରିପୋର୍ଟ-୨୦୧୮ରେ ଉଲ୍ଲେଖ ରହିଛି ଯେ, ଅଶ୍ଳୀଳତା କ୍ଷେତ୍ରରେ କୋମଳମତୀ ଶିଶୁଙ୍କୁ ନିୟୋଜିତ କରିବାରେ ଓଡ଼ିଶା ଶୀର୍ଷରେ ରହିଛି। ସେହିବର୍ଷ ପୋକ୍‌ସୋ ଅଧିନିୟମ ୧୪ ଓ ୧୫ ଅନୁଯାୟୀ ଏ ସଂକାନ୍ତୀୟ ୩୩୩ଟି ମାମଲା ପଞ୍ଜୀକୃତ ହୋଇଥିଲା। ଏବେ ଲକ୍‌ଡାଉନ୍‌ ସମୟରେ ଶିଶୁ ନିର୍ଯାତନା, ଯୌନ ଶୋଷଣ ଓ ହିଂସାକୁ ନେଇ ଚାଇଲ୍ଡଲାଇନ୍‌ ନମ୍ବର-୧୯୦୮ରେ ବହୁ ଅଭିଯୋଗ ମଧ୍ୟ ପଞ୍ଜୀକୃତ ହେବା ବାସ୍ତବ ସ୍ଥିତିକୁ ପ୍ରତିଫଳିତ କରୁଛି।


Enter your email to get our daily news in your inbox.

All Right Reserved By Dharitri.Com

ସୁସ୍ଥ ହେଲେ ୩୨୪ କରୋନା ଆକ୍ରାନ୍ତ

ଭୁବନେଶ୍ୱର,୨୮।୧୨(ବ୍ୟୁରୋ)-ରାଜ୍ୟରେ ସୋମବାର ଆଉ ୩୨୪ କରୋନା ଆକ୍ରାନ୍ତ ସୁସ୍ଥ ହୋଇଛନ୍ତି। ଖୋର୍ଦ୍ଧା ଜିଲାରୁ ସର୍ବାଧିକ ୩୪ ଆକ୍ରାନ୍ତ ସୁସ୍ଥ ହୋଇଥିବାବେଳେ ସୁନ୍ଦରଗଡରୁ ୩୧, ବାଲେଶ୍ୱରରୁ ୨୬,...

ଶୋଇଥିଲେ କ୍ଷେତରେ, ରାତି ଅଧରେ ପହଞ୍ଚିଲା ମୃତ୍ୟୁ

ବନ୍ତଳା,୧୫।୧୦(ବ୍ୟୁରୋ): ରାତିରେ ଫସଲକୁ ଜଗିବା ପାଇଁ କ୍ଷେତରେ ମଞ୍ଚ ଉପରେ ଶୋଇଥିଲେ। ଅଧରାତିରେ ହଠାତ୍‌ ମୃତ୍ୟୁ ରୂପେ ପହଞ୍ଚିଥିଲା ହାତୀ। ହାତୀ ଦଳି ଦେବାରୁ କ୍ଷେତରେ...

ଜମନକିରାକୁ ଚାଲି ଚାଲି ଯାଉଥିବା ଶ୍ରମିକ ଥଇଥାନ

କେନ୍ଦୁଝର,୨।୪(ସ୍ବ.ପ୍ର.): ମୟୁରଭଞ୍ଜ ଜିଲା କରଞ୍ଜିଆ ଗାଁରୁ ସମ୍ବଲପୁର ଜିଲା ଜମନକିରା ଗାଁକୁ ଚାଲି ଚାଲି ଯାଉଥିବା ୩୦ଜଣ ଶ୍ରମିକଙ୍କୁ ସଦର ବ୍ଲକ ନେଲୁଙ୍ଗ ଗାଁର ଗ୍ରାମବାସୀମାନେ...

ଜବତ ହେଲା ଗଞ୍ଜେଇ ବେପାରୀଙ୍କ ୩ କୋଟି ସମ୍ପତ୍ତି

କଟକ ଅଫିସ,୫ା୧୦: ଗତ ଫେବୃୟାରୀ ୧ ତାରିଖରେ ଓଡ଼ିଶା ପୋଲିସ ୧୪ ଶହ କେଜି ଗଞ୍ଜେଇ ଜବତ କରିବା ସହ ୧୧ଜଣଙ୍କୁ ଗିରଫ କରିଥିଲା ।...

କରୋନା ଭୂତାଣୁ ଆସିଛି କେଉଁଠୁ: ୯୦ ଦିନ ମଧ୍ୟରେ ରିପୋର୍ଟ ଦାଖଲ ନିର୍ଦ୍ଦେଶ ଦେଲେ ରାଷ୍ଟ୍ରପତି…

ଓ୍ବାଶିଂଟନ,୨୭।୫: ପୃଥିବୀରେ ତାଣ୍ଡବ ରଚିଥିବା କରୋନା ମହାମାରୀ ଭୂତାଣୁ କେଉଁଠୁ ଆସିଛି ତାହାର ରିପୋର୍ଟ ଆମେରିକା ରାଷ୍ଟ୍ରପତି ଜୋ ବାଇଡେନ୍‌ ୯୦ ଦିନ ମଧ୍ୟରେ ଲୋଡିଛନ୍ତି।...

ରାଜ୍ୟବାସୀଙ୍କୁ ଓଡ଼ିଆ ନବବର୍ଷର ଶୁଭେଚ୍ଛା ଜଣାଇଲେ ମୁଖ୍ୟମନ୍ତ୍ରୀ

ଭୁବନେଶ୍ୱର,୧୩ା୪(ବ୍ୟୁରୋ): ଆଜି ହେଉଛି ପଣାସଂକ୍ରାନ୍ତି ବା ଓଡ଼ିଆ ନବବର୍ଷ। ଏହି ଅବସରରେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ରାଜ୍ୟବାସୀଙ୍କୁ ଟୁଇଟ୍‌ କରି ଶୁଭେଚ୍ଛା ଜଣାଇଛନ୍ତି। ଏହି ବାର୍ତ୍ତାରେ...

ସରକାରଙ୍କ ତ୍ରୁଟି : ପିଲା ଯିବେ କୁଆଡ଼େ

ଭୁବନେଶ୍ୱର,୩୦ା୯: ରାଜ୍ୟରେ ଭୁଶୁଡି ପଡିଥିବା ଶିକ୍ଷା ବ୍ୟବସ୍ଥାକୁ ସଜାଡ଼ିବା ଲାଗି ଗୋଟିଏ ପଟେ ସରକାର ବିଭିନ୍ନ ପ୍ରକାର ପଦକ୍ଷେପ ନେଉଥିବା କହୁଛନ୍ତି। ଅନ୍ୟପଟେ ସରକାରଙ୍କ ତ୍ରୁଟି...

କକାଙ୍କ ଶୁଦ୍ଧିକ୍ରିୟାକୁ ଆସି ପୋଖରୀରେ ବୁଡ଼ିଗଲେ ପୁତୁରା

ଉଦଳା,୧୦ା୩: କକାଙ୍କ ଶୁଦ୍ଧିକ୍ରିୟାକୁ ଆସିଥିବା ବେଳେ ପୋଖରୀରେ ବୁଡ଼ି ପୁତୁରାଙ୍କ ମୃତ୍ୟୁ ଘଟିଛି। ମୟୂରଭଞ୍ଜ ଜିଲା ଉଦଳା ଥାନା ଅଧୀନ ଶୁଖୁଆସାହି ଅଞ୍ଚଳରେ ବୁଧବାର ଏହି...

Advertisement
Archives

Model This Week