କରୋନାକୁ ନେଇ ସମଗ୍ର ବିଶ୍ୱ ଏବେ ଚିନ୍ତାରେ। ଲକ୍ଡାଉନ୍ ପାଇଁ ପ୍ରାୟ ସମସ୍ତେ ଏବେ ଘରେ ସମୟ ବିତାଉଛନ୍ତି। ଏଥିରୁ ବାଦ୍ ପଡ଼ିନାହାନ୍ତି ବଲିଉଡ୍ କଳାକାର। ସେମାନେ ଘରେ ରହିବା ସହ ଲକ୍ଡାଉନ୍ରେ କିପରି ସମୟ କାଟୁଛନ୍ତି ସେ ନେଇ ସୋସିଆଲ ମିଡିଆରେ ପ୍ରଶଂସକଙ୍କୁ ଭିଡିଓ ଶେୟାର କରୁଛନ୍ତି। ଏହି କ୍ରମରେ ଅଭିନେତା ଅଜୟ ଦେବଗନ୍ ଅଭିନେତ୍ରୀ ସ୍ତ୍ରୀ କାଜୋଲଙ୍କ ସହ ନିଜର ଏକ ଫଟୋ ଇନ୍ଷ୍ଟ୍ରାଗ୍ରାମ୍ରେ ଶେୟାର କରିଛନ୍ତି। ଏଥିରେ ସେ କ୍ୟାପ୍ସନ ଲେଖିଛନ୍ତି ଏମିତି ଲାଗୁଛି ଲକ୍ଡାଉନ୍ ଆରମ୍ଭ ହେବା ୨୨ ବର୍ଷ ହୋଇଯାଇଛି। ତେବେ ଅଜୟ ଶେୟାର କରିଥିବା ଏହି ଫଟୋ ଓ କ୍ୟାପ୍ସନକୁ ପ୍ରଶଂସକ ବେସ୍ ପସନ୍ଦ କରିବା ସହ ନିଜର ଭିନ୍ନ ଭିନ୍ନ ମତ ମଧ୍ୟ ଦେଉଛନ୍ତି।
