ହଷ୍ଟେଲ ସମସ୍ୟା ନେଇ ଆନ୍ଦୋଳନକୁ ଓହ୍ଲାଇଲେ ଛାତ୍ରୀ

ବ୍ରହ୍ମପୁର ଅଫିସ,୨୨ା୮-ବ୍ରହ୍ମପୁର ଉପକଣ୍ଠ ପାରଳା ମହାରାଜା ଇଂଞ୍ଜିନିୟରିଂ କଲେଜରେ ପୁଣି ଛାତ୍ର ଅଶାନ୍ତି ଦେଖାଦେଇଛି ା କିଛିଦିନ ପୂର୍ବେ ଛାତ୍ରାବାସ ସମସ୍ୟା ସମାଧାନ ଦାବିନେଇ ଛାତ୍ରମାନେ ଆନ୍ଦୋଳନକୁ ଓହ୍ଲାଇଥିଲେ ା ବୁଧବାର ଛାତ୍ରୀନିବାସର ବିିିଭିନ୍ନ ସମସ୍ୟା ସମାଧାନ ଦାବି କରି ଛାତ୍ରୀମାନେ ଆନ୍ଦୋଳନକୁ ଓହ୍ଲାଇଛନ୍ତି ା ବହିଷ୍କାର ଭୟରେ ମୁହଁରେ କପଡାବାନ୍ଧି ଶତାଧିକ ଛାତ୍ରୀ କଲେଜ ପ୍ରଶାସନିକ ଭବନ ଆଗରେ ଧାରଣା ଦେଇଥିଲେ ା
ଦୀର୍ଘ ୫ ଘଣ୍ଟାରୁ ଊଦ୍ଦର୍‌ବ ସମୟ ଧରି ଛାତ୍ରୀଙ୍କ ଆନ୍ଦୋଳନ ପରେ ଅଧ୍ୟକ୍ଷ ଡ. ରଞ୍ଜନ କୁମାର ସ୍ବାଇଁ ପହଞ୍ଚି ସମସ୍ୟା ସମାଧାନ ନେଇ ପ୍ରତିଶ୍ରୁତି ଦେଇଥିଲେ। ପରେ ଛାତ୍ରୀମାନେ ଆନ୍ଦୋଳନରୁ ହଟିଥିଲେ ା
ଉପକଣ୍ଠ ପାରଳା ମହାରାଜା ଯାନ୍ତ୍ରିକ ମହାବିଦ୍ୟାଳୟରେ ଛାତ୍ରୀଛାତ୍ରଙ୍କ ମୌଳିକ ସମସ୍ୟା ସମାଧାନ ଦିଗରେ କର୍ତ୍ତୃପକ୍ଷଙ୍କ ଅବହେଳା ଏବେ ପଦାକୁ ଆସିଛି ା ୧୫ ଦିନ ମଧ୍ୟରେ ହଷ୍ଟେଲ ସମସ୍ୟାକୁ ନେଇ ଦୁଇ ଦୁଇଥର ଛାତ୍ର ଆନ୍ଦୋଳନରୁ ଏହା ସ୍ପଷ୍ଟ ହୋଇଛି ା ପୂର୍ବରୁ ଅଗଷ୍ଟ ୬ରେ ଛାତ୍ରାବାସ-୧ରେ ରନ୍ଧନ ଗ୍ୟାସ ପାଇପ୍‌ ଫାଟି ୩ ଛାତ୍ର ଓ ରୋଷେୟା ଆହତ ହୋଇଥିଲେ ା ଏହି ଘଟଣାକୁ କେନ୍ଦ୍ରକରି ଛାତ୍ରମାନେ ଅଗଷ୍ଟ ୭ରେ କଲେଜ ଫାଟକରେ ତାଲା ପକାଇ ଧାରଣା ଦେଇଥିଲେ ା ଏହାର ୧୫ ଦିନ ନ ପୂରୁଣୁ ପୁଣି ଛାତ୍ରୀନିବାସର ସମସ୍ୟା ନେଇ ଶତାଧିକ ଛାତ୍ରୀ ବୁଧବାର ଆନ୍ଦୋଳନକୁ ଓହ୍ଲାଇଥିଲେ ା ଦୀର୍ଘ ୫ ଘଣ୍ଟାରୁ ଊର୍ଦ୍ଧ୍ୱ ସମୟଧରି ଛାତ୍ରୀମାନେ ପ୍ରଶାସନିକ କାର୍ଯ୍ୟାଳୟ ଫାଟକକୁ ବନ୍ଦ କରି ଧାରଣା ଦେଇଥିଲେ ା ଫଳରେ ଦୀର୍ଘ ଘଣ୍ଟା ଧରି ଅଧ୍ୟାପିକା ଅଧ୍ୟାପକ ଓ କର୍ମଚାରୀ କାର୍ଯ୍ୟାଳୟ ଫାଟକ ନିକଟରେ ଅଟକି ରହିଥିଲେ ା
ଛାତ୍ରୀଙ୍କ କହିବା ପ୍ରକାରେ, ଛାତ୍ରୀନିବାସରେ ଦୀର୍ଘ ଦିନରୁ ବିଭିନ୍ନ ସମସ୍ୟା ଲାଗି ରହିଛି। ଏନେଇ ବାରମ୍ବାର ଅଭିଯୋଗ ସତ୍ତ୍ୱେ କର୍ତ୍ତୃପକ୍ଷ ସମସ୍ୟା ସମାଧାନ ଦିଗରେ କୌଣସି ପଦକ୍ଷେପ ଗ୍ରହଣ କରୁନାହାନ୍ତି। ଏକମାସ ଧରି ହଷ୍ଟେଲକୁ ପାନୀୟ ଜଳ ଯୋଗାଣ ପ୍ରଭାବିତ ହୋଇଛି ା ବହୁ ସମୟରେ ଅନ୍ତେବାସୀମାନେ ରୋଗର ଶିକାର ହେଉଛନ୍ତି। ରୋଷେଇ ଘରେ ସ୍ବାସ୍ଥ୍ୟକର ପରିବେଶ ଓ ସୁରକ୍ଷା ନେଇ କୌଣସି ପଦକ୍ଷେପ ନିଆଯାଉ ନାହିଁ ା
ଛାତ୍ରୀନିବାସ ମେସରେ ବ୍ୟବହୃତ ପ୍ରେସର କୁକର ବଦଳାଇବାକୁ ବାରମ୍ବାର କୁହାଯାଇ ଥିଲେ ମଧ୍ୟ କର୍ତ୍ତୃପକ୍ଷ ଧ୍ୟାନ ଦେଉ ନ ଥିବାରୁ ୪ ରୁ ୫ ଦିନ ପୂର୍ବେ ପ୍ରେସରକୁକର ଫାଟି ରୋଷେୟା ଆହତ ହୋଇଛନ୍ତି। ହଷ୍ଟେଲରେ ଅସ୍ବାସ୍ଥ୍ୟକର ଖାଦ୍ୟ ମିଳିବାକୁ ନେଇ ବହୁବାର କର୍ତ୍ତୃପକ୍ଷଙ୍କ ଦୃଷ୍ଟି ଆକର୍ଷଣ କରାଯାଇଥିଲେ ମଧ୍ୟ କୌଣସି ପଦକ୍ଷେପ ଗ୍ରହଣ କରାଯାଉ ନ ଥିବା ସେମାନେ ଅଭିଯୋଗ କରିଥିଲେ। ଏହା ବ୍ୟତୀତ କଲେଜରେ ଭଲ କ୍ୟାମ୍ପସ ଆସୁ ନ ଥିବାରୁ ପ୍ଳେସମେଣ୍ଟ ମଧ୍ୟ ହେଉ ନାହିଁ। ନାମଲେଖା ସମୟରେ ଇଣ୍ଟର୍ନଶିପ୍‌ ଓ ଷ୍ଟଡିଟୁର ବାବଦକୁ ଟଙ୍କା ନେଉଛନ୍ତି। କିନ୍ତୁ ପରବର୍ତ୍ତୀ ସମୟରେ ନିଜ ହାତରୁ ଖର୍ଚ୍ଚ କରି ଷ୍ଟଡିଟୁର, ଇଣ୍ଟର୍ନସିପ୍‌ରେ ଯିବାକୁ ପଡୁଥିବା କେତେଜଣ ତାଙ୍କ ପ୍ରତିକ୍ରିୟାରେ କହିଛନ୍ତି ା ନାମଲେଖା ସମୟରେ ନିଆଯାଉଥିବା ଇଣ୍ଟର୍ଣ୍ଣସିପ୍‌, ଷ୍ଟଡିଟୁର ବାବଦକୁ ଅର୍ଥ ଫେରାଇବା ସହ ହଷ୍ଟେଲର ସମସ୍ୟା ତୁରନ୍ତ ସମାଧାନ କରିବାକୁ ସେମାନେ ଦାବି କରିଥିଲେ ା କଲେଜର ଆଖପାଖରେ ମେଡିକାଲ ସୁବିଧା ନ ଥିବାରୁ ପରିସରରେ ଆମ୍ବୁଲାନ୍ସ ବ୍ୟବସ୍ଥା କରିବାକୁ ମଧ୍ୟ ସେମାନେ ଦାବି କରିଥିଲେ ା ତେବେ ଦୀର୍ଘ ୫ ଘଣ୍ଟାରୁ ଊର୍ଦ୍ଧ୍ୱ ସମୟ ଧରି ଛାତ୍ରୀମାନେ ଧାରଣା ଦେବା ସହ ପ୍ଲାକାର୍ଡ ଧରି ପ୍ରଶାସନିକ କାର୍ଯ୍ୟାଳୟ ଆଗରେ ବିକ୍ଷୋଭ କରିଥିଲେ ା ମଧ୍ୟାହ୍ନରେ ଅଧ୍ୟକ୍ଷ ଡ. ସ୍ବାଇଁ ଆନ୍ଦୋଳନସ୍ଥଳରେ ପହଞ୍ଚି ଆଗାମୀ ୧୫ ଦିନ ମଧ୍ୟରେ ହଷ୍ଟେଲ ସମସ୍ୟା ସମାଧାନ କରିବା ସହ ଅନ୍ୟାନ୍ୟ ଦାବିଗୁଡ଼ିକର ବିଚାର କରି ତୁରନ୍ତ ପଦକ୍ଷେପ ନେବାକୁ ପ୍ରତିଶ୍ରୁତି ଦେବା ପରେ ଛାତ୍ରୀମାନେ ଧାରଣାରୁ ହଟିଥିଲେ ା


Enter your email to get our daily news in your inbox.

All Right Reserved By Dharitri.Com

ସୁନା ୫ହଜାର ରୂପା ୮ ହଜାର ହେଲା ଶସ୍ତା, ଏକ୍ସପର୍ଟ କହିଲେ ଆଗକୁ…

ନୂଆଦିଲ୍ଲୀ,୨୦।୧୧: ସୁନା କିଣିବାକୁ ଯୋଜନା କରୁଥିବା ଗ୍ରାହକଙ୍କ ପାଇଁ ପୁଣି ଆସିଛି ଖୁସି ଖବର। ଅନ୍ତର୍ଜାତୀୟ ବଜାରରେ ସୁନା ମୂଲ୍ୟରେ ଲଗାତାର ଉତ୍ଥାନ-ପତନ ଜାରି ରହିଥିବା ବେଳେ…

ଖୋର୍ଦ୍ଧାରେ ପ୍ରବଳ ବର୍ଷା: ଦକ୍ଷିଣ-ପଶ୍ଚିମ ଜୋନ୍‌ରେ ସର୍ବାଧିକ ୩୪.୭ ମିଲିମିଟର, ଉତ୍ତର ଜୋନ୍‌ରେ…

ଖୋର୍ଦ୍ଧା,୨୦ା୧୧(ପ୍ରଭାତ ପାଣିଗ୍ରାହୀ): ସମ୍ଭାବ୍ୟ ବାତ୍ୟା ‘ଅକ୍ୱାନ’ ପ୍ରଭାବରେ ଶୁକ୍ରବାର ୧୦ଟା ସୁଦ୍ଧା (ନଭେମ୍ବର ୨୦ ତାରିଖ) ଖୋର୍ଦ୍ଧା ଜିଲାର ବିଭିନ୍ନ ଅଞ୍ଚଳରେ ବର୍ଷା ରେକର୍ଡ କରାଯାଇଛି। ଜିଲାରେ…

ଗାଁ ଜମି, ଗାଁର ଭୂମିହୀନଙ୍କୁ ଦିଅ: ଗର୍ଜିଲେ ମହିଳା

ଅମରପାଲି,/ବୀରମହାରାଜପୁର, ୨୦/୧୧ (ପୀତାମ୍ବର ସାହୁ/ଯୁଗଳ କିଶୋର ମିଶ୍ର): ସରକାରୀ ଜମିରେ ପ୍ରଥମ ଅଧିକାର ସ୍ଥାନୀୟ ଭୂମିହୀନଙ୍କର। ହେଲେ ନିଜ ଗ୍ରାମର ଭୂମିହୀନ ପରିବାରଙ୍କୁ ଘରଡିହ ଯୋଗାଇ ଦେବା…

IPLକୁ ନେଇ ଅନୁତାପ କଲା ପାକିସ୍ତାନ, PSL ଦଳର ମାଲିକ ଏହାକୁ ବିକ୍ରି କରିବା ସ୍ବୀକାର କଲେ

ନୂଆଦିଲ୍ଲୀ,୨୦।୧୧: ଗତ ଦୁଇ ବର୍ଷ ଧରି, ପାକିସ୍ତାନ କ୍ରିକେଟ ବୋର୍ଡ ବିଶ୍ୱର ସର୍ବବୃହତ T20 ଲିଗ, IPL ସହିତ ସମାନ ୱିଣ୍ଡୋରେ PSL ଆୟୋଜନ କରିଆସୁଛି। ପାକିସ୍ତାନର…

ଡିସେମ୍ବର ୩ରେ ଦେଶବ୍ୟାପୀ ଧର୍ମଘଟ ଚେତାବନୀ; ୨.୫ ଲକ୍ଷ କର୍ମଚାରୀ…

ନୂଆଦିଲ୍ଲୀ,୨୦।୧୧(ପି.ଟି.): ଆଇଡିବିଆଇ ବ୍ୟାଙ୍କର ୬୦ ପ୍ରତିଶତ ଅଂଶଧନ କାନାଡାର ‘ଫେୟାରଫାକ୍ସ ଫାଇନାନ୍ସିଆଲ ହୋଲ୍ଡିଂସ’କୁ ବିକ୍ରି କରିଦେବା ଲାଗି କେନ୍ଦ୍ରର ପ୍ରସ୍ତାବକୁ ସମ୍ପୃକ୍ତ ବ୍ୟାଙ୍କ କର୍ମଚାରୀ ଓ ସଂଘ…

ଜଙ୍ଗଲରୁ ମିଳିଲା ହାତୀଛୁଆର ମୃତଦେହ, ଆଭ୍ୟନ୍ତରୀଣ କନ୍ଦଳରୁ…

ରିଆମାଳ,୨୦ା୧୧(ବଦ୍ରି ନାରାୟଣ ଅଗ୍ରଓ୍ବାଲ): ଦେବଗଡ଼ ଜିଲା ରିଆମାଳ ବନାଞ୍ଚଳ ରେଙ୍ଗାଳବଡ଼ା ଫରେଷ୍ଟ ସେକ୍ସନ ଅନ୍ତର୍ଗତ ଗଦଗଦା ଗ୍ରାମ ନିକଟସ୍ଥ ରମ୍ଭା ଦେବୀ ସଂରକ୍ଷିତ ଜଙ୍ଗଲରୁ ଶୁକ୍ରବାର ଏକ…

ସନ୍ୟାସ ନେବା ପରେ ପତ୍ନୀଙ୍କ ସହ ଏମିତି ଟାଇମ ସ୍ପେଣ୍ଡ କରୁଛନ୍ତି ଏମଏସ ଧୋନୀ!

ନୂଆଦିଲ୍ଲୀ,୨୦।୧୧: ପୂର୍ବତନ ଭାରତୀୟ ଅଧିନାୟକ ଏମ ଏସ ଧୋନୀଙ୍କ ପତ୍ନୀ ସାକ୍ଷୀ ଇନଷ୍ଟାଗ୍ରାମରେ ତାଙ୍କ ଜନ୍ମଦିନ ପାଳନର କିଛି ଫଟୋ ଏବଂ ଏକ ଭିଡିଓ ଶେୟାର କରିଛନ୍ତି।…

ସୁନାର ଫସଲ ଉଜୁଡି ଯିବା ଆଶଙ୍କାରେ ଚାଷୀ ଆତଙ୍କିତ, ଘାରିଛି ଋଣ ଚିନ୍ତା

ପଟ୍ଟାମୁଣ୍ଡାଇ,୨୦ା୧୧(କଳ୍ପତରୁ ନାୟକ): ସାମୁଦ୍ରିକ ଝଡ଼ ଅକ୍ୱାନ ପ୍ରଭାବରେ କେନ୍ଦ୍ରାପଡ଼ା ଜିଲାରେ ଗୁରୁବାର ବର୍ଷା ଓ ପବନ ଆରମ୍ଭ ହୋଇଛି। ପ୍ରବଳରୁ ଅତି ପ୍ରବଳ ବର୍ଷା ହେବା ନେଇ…

Advertisement

ଧରିତ୍ରୀ କାର୍ଟୁନ

Archives

 

Dharitri-Rashifala


ଛୁଟିଦିନ
ପିଲାଙ୍କ ଧରିତ୍ରୀ
Trending
Let's Pledge For A 'Plastic Free' Odisha Join The Movement Of 'Plastic Free' Odisha

Akash Das Nayak, supports a Plastic Free Odisha. Do you?