ଭାରତୀୟ କ୍ରିକେଟ ଦଳର ପୂର୍ବତନ ଅଧିନାୟକ ମହେନ୍ଦ୍ର ସିଂ ଧୋନୀ ଏବଂ ତାଙ୍କ ସ୍ତ୍ରୀ ସାକ୍ଷୀ ନିକଟରେ ୧୧ତମ ବିବାହ ବାର୍ଷିକୀ ପାଳନ କରିଛନ୍ତି। ୨୦୧୦ ମସିହା ଜୁଲାଇ ୪ରେ ଉଭୟ ବିବାହ ବନ୍ଧନରେ ଆବଦ୍ଧ ହୋଇଥିଲେ। ଏହି ଅବସରରେ ସୋସିଆଲ ମିଡିଆରେ ଅନେକ ସେଲିବ୍ରିଟି ତାଙ୍କୁ ଅଭିନନ୍ଦନ ଜଣାଇଥିଲେ। ଧୋନୀ ସୋସିଆଲ ମିଡିଆରେ କମ ସକ୍ରିୟ କିନ୍ତୁ ସାକ୍ଷୀ ବହୁତ ସକ୍ରିୟ ରୁହନ୍ତି ଏବଂ ପ୍ରଶଂସକଙ୍କ ସହ ଧୋନୀଙ୍କ ଫଟୋ ଶେୟାର କରନ୍ତି । ଚଳିତବର୍ଷ ବିବାହ ବାର୍ଷିକୀରେ ଧୋନୀ ସାକ୍ଷୀଙ୍କୁ ଏକ ଖାସ୍ ଉପହାର ଦେଇଛନ୍ତି। ସାକ୍ଷୀ ତାଙ୍କ ଇନଷ୍ଟାଗ୍ରାମ ଷ୍ଟାଟସ୍ରେ ତାଙ୍କ ବିବାହ ବାର୍ଷିକୀ ଉପହାର ଫଟୋ ପୋଷ୍ଟ କରିଥିଲେ। ଧୋନୀ ସାକ୍ଷୀଙ୍କୁ ଏକ ଭିଣ୍ଟେଜ କାର ଉପହାର ଦେଇଛନ୍ତି। ଯାହାର ଫଟୋ ସାକ୍ଷୀ ଶେୟାର କରି ତାଙ୍କୁ ଧନ୍ୟବାଦ ଦେଇଛନ୍ତି। ଗତ ବର୍ଷ ଅନ୍ତର୍ଜାତୀୟ କ୍ରିକେଟରୁ ଅବସର ନେଇଥିବା ଧୋନୀ ଏବେ ଆଇପିଏଲ୍ ଖେଳିବା ଜାରି ରଖିଛନ୍ତି।
