ଥିରୁଭାନନ୍ତପୁରମ୍, ୧୧।୮: କଥାରେ ଅଛି ଭାଗ୍ୟଦେବୀ ପ୍ରସନ୍ନ ହେଲେ ଯୋଗୀ ବି ରାଜା ପାଲଟେ। ଏହା ଜଣେ ଯୁବକଙ୍କ ପାଇଁ ସତ୍ୟରେ ପରିଣତ ହୋଇଛି। ସୌଦିକୁ ଡ୍ରାଇଭର ହେବାକୁ ଯାଇଥିବା କେରଳର ଜଣେ ଯୁବକ ଏବେ କୋଟିପତି ପାଲଟି ଯାଇଛନ୍ତି। ସ୍ଥାନୀୟ ଥିରୁଭାନନ୍ତପୁରମ୍ର ୪୩ ବର୍ଷ ବୟସ୍କ ବାସିନ୍ଦା ଶାନାଓ୍ବାସ ସୌଦିରେ ଏକ କୋଟି ଦିରହମ୍ର ପୁରସ୍କାର ଜିଣିଛନ୍ତି। ଏହା ଭାରତୀୟ ମୁଦ୍ରାରେ ପ୍ରାୟ ୧୯ କୋଟି ୩୪ ଲକ୍ଷ ୧୯ ହଜାର ଟଙ୍କା ହେବ ବୋଲି କୁହାଯାଉଛି। ରାତାରାତି କୋଟିପତି ପାଲଟି ଥିବା ଶାନାଓ୍ବାସ ମାସ ସାରା ଗାଡ଼ି ଚଳାଇ ୪୮ ହଜାର ଟଙ୍କା ରୋଜଗାର କରୁଥିଲେ। ତେବେ ଆବୁଧାବି ପର୍ଯ୍ୟଟନ ବିଭାଗ ପକ୍ଷରୁ ଆୟୋଜିତ ଏକ କାର୍ଯ୍ୟକ୍ରମରେ ସେ ଅଂଶଗ୍ରହଣ କରି ଏହି ପୁରସ୍କାର ଜିଣିଛନ୍ତି। ଏହି କାର୍ଯ୍ୟକ୍ରମରେ ଯୋଗଦେବା ପାଇଁ ସେ ଆବୁଧାବିର ଖଲିଦିୟାହ ମଲ୍ରେ ୩ ହଜାର ଟଙ୍କାର ଜିନିଷପତ୍ର କିଣିଥିଲେ। ଏହି ୪୭ ଦିନିଆ ସମର୍ ସେଲ୍ କାର୍ଯ୍ୟକ୍ରମର ଭାଗ୍ୟଶାଳୀ ବିଜେତା ଭାବେ ଶାନାଓ୍ବାସଙ୍କୁ ଚୟନ କରାଯାଇଥିଲା।
