ତୁଣ୍ଡଲା,୨୭।୧୧(ଡି.ଏନ.ଏ):କଳାହାଣ୍ଡି ଜିଲା କେସିଙ୍ଗା ବ୍ଲକ ସିର୍ଜାପାଲି ଗ୍ରାମ ପଞ୍ଚାୟତରେ ବୁଧବାର ସମିତି ସଭ୍ୟ ଉପନିର୍ବାଚନ ମତଦାନ ଆରମ୍ଭ ହୋଇଯାଇଛି। ଏଥିରେ ପଞ୍ଚାୟତର ଦିଗଶିରା, ସିର୍ଜାପାଲି, ବାଦିପଡାଠାରେ ୯ଟି ୱାର୍ଡରେ ମତଦାନ ପ୍ରକ୍ରିୟା ଆରମ୍ଭ ହୋଇଯାଇଛି। ଦିଗସିରାରେ ୪ଟି ୱାର୍ଡ ପାଇଁ ୪ଟି ବୁଥ, ବାଦିପଡାରେ ୨ଟି ୱାର୍ଡ ପାଇଁ ୨ଟି ବୁଥ, ସିର୍ଜାପାଲିରେ ୬ଟି ୱାର୍ଡ ପାଇଁ ୫ଟି ବୁଥରେ ମତଦାନ କରାଯାଇଛି। ଉକ୍ତ ପଞ୍ଚାୟତରେ ୨୭୮୨ଟି ଜଣ ଭୋଟର ମତଦାନ କରିବେ। ଏଥିରେ ୩ଟି କେନ୍ଦ୍ରରେ ଭୋଟ ଗ୍ରହଣ କରାଯାଇଛି। ଏଠାରେ କଡାକଡି ଭାବରେ ପୋଲିସର ସୁରକ୍ଷା ବ୍ୟବସ୍ଥା କରାଯାଇଛି। ତେବେ ନିର୍ବାଚନରେ କଳିଙ୍ଗ ଭୋଏ ଓ ଚୌଧୁରୀ ଭୋଏ ପ୍ରତିଦ୍ୱନ୍ଦିତା କରୁଛନ୍ତି। ସକାଳ ୮.୩୦ ସୁଦ୍ଧା ୧୨ ପ୍ରତିଶତମତଦାନ ହୋଇଥିବା ଜଣାପଡିଛି। ଜିଲାପାଳ ପରାଗ ହର୍ଷଦ ଗାଭାଲି ମତଦାନ କେନ୍ଦ୍ରକୁ ପରିଦର୍ଶନ କରୁଛନ୍ତି।
