ବାରିପଦା ଅଫିସ,୧।୧୨- ମୟୁରଭଞ୍ଜ ଜିଲା ବାରିପଦା ସ୍ବତନ୍ତ୍ର ଭିଜିଲାନ୍ସ ଜଜ ଶରତ କୁମାର ଦେହୁରୀ ଶନିବାର ଏକ ଲାଞ୍ଚ ମାମଲାର ବିଚାର କରି ଅଭିଯୁକ୍ତଙ୍କୁ ୨ ବର୍ଷ ଜେଲ ସହ ଓ ୨୦ ହଜାର ଟଙ୍କା ଜରିମାନା ଦଣ୍ଡାଦେଶ ଦେଇଛନ୍ତି । ମକଦ୍ଦମା ବିବରଣୀ ଅନୁଯାୟୀ
ମୋରଡା ତହସିଲ ଅଧୀନ ପଳାସିଆ ଗ୍ରାମର ଭୂମିହୀନ ମହିଳା ସ୍ବାଧୀନ ମହାନ୍ତ ଜମି ପାଇବା ପାଇଁ ଗତ ୨୦୧୨ ଡିସେମ୍ବର ପହିଲାରେ ମୋରଡା ତହସିଲକୁ ଆବେଦନ କରିଥିଲେ । ଆରଆଇ ଉମାକାନ୍ତ ମଲ୍ଲିକ ତାଙ୍କୁ ଏଥିଲାଗି ୩ ହଜାର ଟଙ୍କା ଦାବି କରିଥିଲେ । ପରେ ୨ ହଜାର ଟଙ୍କାରେ ମୂଳଚାଲ ହୋଇଥିଲା । ଏନେଇ ସ୍ବାଧୀନ ଭିଜିଲାନ୍ସର ଦ୍ୱାରସ୍ଥ ହୋଇଥିଲେ । ପରେ ଭିଜିଲାନ୍ସ ପକ୍ଷରୁ ଏକ ମାମଲା ରୁଜୁ କରାଯାଇ ସେହିମାସ ୨୨ ତାରିଖରେ ଚଢାଉ କରାଯାଇଥିଲା। ଆରଆଇ ମଲ୍ଲିିକ ଲାଞ୍ଚ ନେଉ ଥିବା ବେଳ ତାଙ୍କୁ ଧରି ଗିରଫ କରା ଯାଇଥିଲା ।
