ପାଟଣା,୨୨।୫(ସ୍ବ.ପ୍ର.): ମଙ୍ଗଳବାର ପ୍ରକାଶ ପାଇଥିଲା ମାଟ୍ରିକ ପରୀକ୍ଷା ଫଳ। କେନ୍ଦୁଝର ଜିଲା ପାଟଣା ବ୍ଲକ ସରକାରୀ ବିଦ୍ୟାଳୟର ପରୀକ୍ଷା ଫଳ ଖରାପ ରହିଥିବା ବେଳେ ବେସରକାରୀ ବିଦ୍ୟାଳୟର ଫଳ ଭଲ ହୋଇଛି। ପାଟଣାସ୍ଥିତ ସରସ୍ବତୀ ଶିଶୁ ବିଦ୍ୟା ମନ୍ଦିରର ଛାତ୍ର ଜୟନ୍ତ କୁମାର ମହାନ୍ତ ବ୍ଲକରେ ସର୍ବାଧିକ ୫୪୦ ନମ୍ବର ରଖି ଏ-୧ ଗ୍ରେଡ୍ରେ ବ୍ଲକ ଟପ୍ପର ହୋଇଛନ୍ତି। ସେ ହେଉଛନ୍ତି ନୂଆପଡା ଗ୍ରାମର ଶିକ୍ଷକ ଭଦ୍ରୁନାଥ ମହାନ୍ତଙ୍କ ପୁଅ। ଏହି ସଫଳତାର ଶ୍ରେୟ ସେ ବିଦ୍ୟାଳୟର ଶିକ୍ଷୟିତ୍ରୀଶିକ୍ଷକଙ୍କୁ ଦେଇଛନ୍ତି। ବିଦ୍ୟାଳୟର ମୋଟ ୫୧ ପରୀକ୍ଷାର୍ଥୀଙ୍କ ମଧ୍ୟରୁ ସମସ୍ତେ ପାସ କରିଛନ୍ତି। ଏ-୧ ଗ୍ରେଡ୍ରେ ଜଣେ ଛାତ୍ର ପାସ କରିଥିବା ବେଳେ ଏ-୨ରେ ୧୦ ଛାତ୍ରୀଛାତ୍ର ପାସ କରିଛନ୍ତି। ସରସ୍ବତୀ ଶିଶୁ ବିଦ୍ୟା ମନ୍ଦିର, ତୃରୁମୁଙ୍ଗାରେ ୩୯ ପରୀକ୍ଷାର୍ଥୀଙ୍କ ମଧ୍ୟରୁ ସମସ୍ତ ଛାତ୍ରୀଛାତ୍ର ପାସ କରିଛନ୍ତି। ସେମାନଙ୍କ ମଧ୍ୟରୁ ଏ-୨ ଗ୍ରେଡ୍ରେ ୪ଜଣ ରହିଛନ୍ତି। ଜିଏନ୍ ହାଇସ୍କୁଲର ୭୧ ଛାତ୍ରୀଛାତ୍ରଙ୍କ ମଧ୍ୟରୁ ୪୮ଜଣ ପାସ କରିଥିବା ବେଳେ ଜଣେ ଛାତ୍ର ଏ-୨ ଗ୍ରେଡ୍ରେ ପାସ କରିଛନ୍ତି। ସରକାରୀ ଉଚ୍ଚ ବିଦ୍ୟାଳୟ ସ୍ବାମପାଟଣାରେ ମୋଟ ୪୮ ଛାତ୍ରୀଛାତ୍ରଙ୍କ ମଧ୍ୟରୁ ୩୬ଜଣ ପାସ କରିଛନ୍ତି।
