ଭୁବନ,୨୧ା୬(ଡି.ଏନ୍.ଏ.): ଢେଙ୍କାନାଳ ଜିଲା ଭୁବନ ମହିଳା ମହାବିଦ୍ୟାଳୟରେ ଏନ୍ସିସି ପକ୍ଷରୁ ଶୁକ୍ରବାର ୫ମ ଆନ୍ତର୍ଜାତିକ ଯୋଗ ଦିବସ ପାଳନ କରାଯାଇଛି। ଏହି ଯୋଗ ଶିବିରରେ ମହାବିଦ୍ୟାଳୟର ଅଧ୍ୟକ୍ଷ ଦିଲୀପ ଦାସ ମୁଖ୍ୟ ଅତିଥି ଭାବେ ଯୋଗଦେଇ ସୁସ୍ଥ ସମାଜ ଗଠନ ପାଇଁ ସମସ୍ତଙ୍କୁ ଯୋଗ ପ୍ରାଣାୟାମର ଆବଶ୍ୟକତା ରହିଛି ବୋଲି କହିଥିଲେ। ସେଥିରେ ମହାବିଦ୍ୟାଳୟର ସମସ୍ତ ଛାତ୍ରୀ ଉପସ୍ଥିତ ରହି ଯୋଗାଭ୍ୟାସ କରିଥିଲେ। ଯୋଗଗୁରୁ ଜଗବନ୍ଧୁ ବିହାରୀ ପ୍ରଶିକ୍ଷକ ଭାବେ ଯୋଗଦେଇଥିବା ବେଳେ ଏନସିସି ଅଫିସର ପ୍ରମିଳା ଦାସ, ଅଧ୍ୟାପିକା ଅନୁପମା ମିଶ୍ର,ଶୁପ୍ତିମୟୀ ସେନ୍ ଉପସ୍ଥିତ ଥିଲେ। ଶିବିରକୁ ସଂସ୍କୃତ ଅଧ୍ୟାପକ ନିରଞ୍ଜନ ନାୟକ ପରିଚାଳନା କରିଥିଲେ ।
