Posted inଫୁରସତ

ବାଲେଶ୍ୱରରୁ ବଲିଉଡ୍‌: ଅଭିନେତା ରତିକାନ୍ତ କାମିଲା; ଧାରାବାହିକରୁ ମିଳିଛି କ୍ଷୁଦ୍ର ଚଳଚ୍ଚିତ୍ରରେ କାମ କରିବାର ବି ସୁଯୋଗ

ଜନ୍ମ ତାଙ୍କର ସୁନାରୀ ପରିବାରରେ। କିନ୍ତୁ ଛୋଟବେଳୁ ନିଷ୍ପତ୍ତି ନେଇସାରିଥିଲେ ଯେ, ସେ ହେବେ ଅଭିନେତା। ଏଥିପାଇଁ ସେ କରିଥିଲେ ଅନେକ କଷ୍ଟ। ଫଳସ୍ବରୂପ ଆଜି ସେ ସୋନି, ସବ୍‌, ଜି, କଲର୍ସ, ଆଣ୍ଡ ଟିଭି ଭଳି ଚ୍ୟାନେଲ୍‌ର ଅନେକ ଲୋକପ୍ରିୟ ଟେଲି ସିରିଜ୍‌ରେ ଅଭିନୟ କରିବା ସହ ଏବେ ବଲିଉଡ୍‌ ଚଳଚ୍ଚିତ୍ରରେ କାମ କରିବାର ବି ସୁଯୋଗ ପାଇଛନ୍ତି। ଏହି ବ୍ୟକ୍ତିତ୍ୱ ଜଣକ ହେଉଛନ୍ତି ବାଲେଶ୍ୱର ଜିଲାର ରତିକାନ୍ତ କାମିଲା।

ସ୍ବପ୍ନ ପୂରଣ ପାଇଁ ପ୍ରସ୍ତୁତି- ବାଲେଶ୍ୱର, ବାଲିଆ ପାଳର କଟି ସାହି ଗାଁରେ ରତିକାନ୍ତ କାମିଲାଙ୍କର ଜନ୍ମ। ବାପା ବରେନ୍ଦ୍ର କାମିଲା ଓ ମା’ କାଞ୍ଚନ କାମିଲାଙ୍କ ୬ ସନ୍ତାନ ମଧ୍ୟରୁ ରତିକାନ୍ତ ଜଣେ। ପିଲାଟି ବେଳୁ କଳା ଓ ଅଭିନୟ ପ୍ରତି ଥିଲା ତାଙ୍କର ରୁଚି। ବାଲେଶ୍ବର, ବାଲିଆପାଳରେ କଳାରେ ସ୍ନାତକ ଡିଗ୍ରୀ କରିଥିଲେ। ଏହାପରେ ସେ ଏଇ ଛୋଟିଆ ଗାଁରୁ ବାହାରି ସ୍ବପ୍ନର ନଗରୀ ମୁମ୍ବାଇ ଯାଇ ନିଜ ସ୍ବପ୍ନକୁ ପୂରଣ କରିବାକୁ ନିଷ୍ପତ୍ତି ନେଇଥିଲେ। କିନ୍ତୁ ତା’ପୂର୍ବରୁ ନିଜକୁ ଅଭିନୟରେ ପରିପକ୍ୱ କରିବା ଥିଲା ନିହାତି ଜରୁରୀ। ରତିକାନ୍ତ କହନ୍ତି, ‘ସେଥିପାଇଁ ପ୍ରଥମେ ମୁଁ ବାଙ୍ଗାଲୋର୍‌ ଗଲି। ସେଠି ପାର୍ଟ ଟାଇମ୍‌ରେ ଏକ କଲ୍‌ ସେଣ୍ଟରରେ ରାତିରେ କାମ କଲି। ତା’ସହ ‘ନ୍ୟାଶନାଲ ଏକାଡେମୀ ଅଫ ସିନେମା ଆଣ୍ଡ ଟେଲିଭିଜନ’ ଅନୁଷ୍ଠାନରେ ଅଭିନୟର ତାଲିମ ନେଲି। ତିନିବର୍ଷ ଏହିପରି ରାତିରେ କାମ ଓ ଦିନରେ ଅଭିନୟର ତାଲିମ ନେବା ଜାରି ରହିଲା। ଏହାପରେ ଯାଇ ମାନସିକ ସ୍ତରରେ ପ୍ରସ୍ତୁତ ହୋଇଗଲି ସ୍ବପ୍ନର ନଗରୀ ମୁମ୍ବାଇ ଯିବାକୁ। ହେଲେ ସେଠାକୁ ଯାଇ ରହିବାକୁ ହେଲେ ଟଙ୍କାର ଆବଶ୍ୟକତା ଥିଲା। ତେଣୁ ତାଲିମ ସରିବା ପରେ ୫-୬ ମାସ ଫୁଲ୍‌ ଟାଇମ୍‌ ଜବ୍‌ କରି ଟଙ୍କା ସଞ୍ଚୟ କଲି। ହାତରେ କିଛି ଟଙ୍କା ହୋଇଯିବା ପରେ ଯାଇ ଚାଲିଲି ମୁମ୍ବାଇ। କିନ୍ତୁ ପରିବାର ଲୋକେ ଏ ସମ୍ପର୍କରେ କିଛି ବି ଜାଣି ନ ଥିଲେ।’
ମୁମ୍ବାଇରେ ସଂଘର୍ଷର ସେଇ ଦିନ- ‘୨୦୧୪ରେ ମୁଁ ମୁମ୍ବାଇ ଗଲି। ନୂଆ ଜାଗା, ନୂଆ ଲୋକ। ହାତରେ ଅଳ୍ପ କିଛି ସଞ୍ଚିତ ଅର୍ଥ। ପ୍ରଥମେ ମୁଁ ଅନ୍ଧେରିର ଲଜ୍‌ରେ ଦିନକୁ ୩୦୦ଟଙ୍କା ଦେଇ ରହିଲି। ଆଉ ଦେଇ ଚାଲିଲି ଅଡିଶନ୍‌ ପରେ ଅଡିଶନ୍‌। ଖାଇବା, ଶୋଇବାର ନ ଥିଲା ଠିକଣା। ସକାଳେ ଓ ରାତିରେ ଗୋଟିଏ ଲେଖାଏ ବଡ଼ାପାଓ ଖାଇ ଦିନ କାଟୁଥିଲି। ଦିନକୁ ୧୨-୧୩ ଟଙ୍କା ଖାଇବା ପାଇଁ ଖର୍ଚ୍ଚ କରୁଥିଲି। ଏମିତିରେ କଟିଗଲା ୬-୭ ମାସ। ତଥାପି ସଂଘର୍ଷ ଜାରି ରହିଥିଲା। ଶେଷରେ ଡିଡି ନ୍ୟାଶନାଲରେ ମୋତେ ମିଳିଲା ପ୍ରଥମ ବ୍ରେକ୍‌। ‘ଐଶା ପ୍ରେମ୍‌ କହଁା’ ନାମକ ଧାରାବାହିକରେ ଲିଡ୍‌ ନେଗେଟିଭ୍‌ ଭୂମିକାରେ ଅଭିନୟ କଲି। ସେ ପର୍ଯ୍ୟନ୍ତ ବି ପରିବାର ଲୋକେ ଏ ସମ୍ପର୍କରେ କିଛି ଜାଣି ନ ଥିଲେ। ଯେବେ ଧାରାବାହିକଟି ଚ୍ୟାନେଲ୍‌ରେ ଟେଲିକାଷ୍ଟ ହେଲା, ସେବେ ଯାଇ ମୁଁ ପରିବାର ଲୋକଙ୍କୁ ଫୋନ୍‌ କରି ଜଣେଇଲି। ମୋତେ ଟିଭିରେ ଦେଖି ସେମାନେ ବହୁତ ଖୁସି ହୋଇଥିଲେ। ଧାରାବାହିକଟି ଦେଢ଼ବର୍ଷ ପର୍ଯ୍ୟନ୍ତ ଚାଲିଥିଲା। ସେଥିରେ ମୋ କାମକୁ ବହୁତ ପସନ୍ଦ କରାଯାଇଥିଲା। ଏହାପରେ ମୋତେ ଅନେକ ଅଫର୍‌ ମିଳିବାକୁ ଲାଗିଲା ବୋଲି ରତିକାନ୍ତ କହନ୍ତି।

ଧାରାବାହିକରୁ କ୍ଷୁଦ୍ର ଚଳଚ୍ଚିତ୍ର- ବିଭିନ୍ନ ଧାରାବାହିକ ରେ ଭିନ୍ନ ଭିନ୍ନ ଭୂମିକାରେ ଅଭିନୟ କରିଥିଲେ ହେଁ ତାଙ୍କର ନେଗେଟିଭ୍‌ ଚରିତ୍ରର ଅଭିନୟକୁ ସମସ୍ତେ ବେଶ୍‌ ପସନ୍ଦ କରିଥିଲେ। ତେଣୁ ଏହି ଚରିତ୍ରରେ ଅଭିନୟ କରିବା ଲାଗି ତାଙ୍କୁ ମିଳିଛି ଅନେକ ଅଫର୍‌ । ଷ୍ଟାର୍‌ପ୍ଲସ୍‌ର ‘ସୁହାନି ସି ଏକ ଲଡକି’ରେ ସେ ହିରୋଙ୍କ ସାଙ୍ଗ ଭୂମିକାରେ ଓ ‘କୟାମତ କି ରାତ’ରେ ତାନ୍ତ୍ରିକ ଭୂମିକାରେ ଅଭିନୟ କରିଥିଲେ। ସବ୍‌ ଟିଭିର ‘ସାହେବ୍‌ ବିଓ୍ବି ଔର ବସ୍‌’, ସୋନି ଏଣ୍ଟରଟେନମେଣ୍ଟରେ ‘ସଙ୍କଟ ମୋଚନ ମହାବଲୀ ହନୁମାନ’(ରାକ୍ଷସ),‘କ୍ରାଇମ୍‌ ପାଟ୍ରୋଲ୍‌ ୧୦୦’ର ଏକ ଏପିସୋଡରେ କାମ କରିଛନ୍ତି। ‘ବିଗ୍‌ ମ୍ୟାଜିକ’ ଚ୍ୟାନେଲ୍‌ର ‘ଆକବର୍‌ ବିରବଲ୍‌’ ଧାରାବାହିକରେ ମନ୍ତ୍ରୀ ଚରିତ୍ର, କଲର୍ସର ‘ଚନ୍ଦ୍ରନନ୍ଦିନୀ’ରେ କଳିଙ୍ଗ ମହାରାଜଙ୍କ ସାମ୍ରାଜ୍ୟର ଏକ ଗାଁର ମୁଖିଆ ଚରିତ୍ର, ନାଗିନ୍‌ ୩ରେ ଅଘୋରି ବାବା ଭୂମିକା ଓ ‘ଇସ୍କ ମୈ ମରଜାଓ୍ବଁା’ ଧାରାବାହିକରେ ବି କାମ କରିଛନ୍ତି। ଜି ଟିଭିର ‘ଦିଲ୍‌ ଢୁଣ୍ଡତା ହୈ’ ଓ ‘ଐସି ଦିଓ୍ବାନଗୀ ଦେଖି ନହିଁ କହିଁ’ରେ ସପୋର୍ଟିଭ୍‌ ରୋଲ୍‌ରେ ଅଭିନୟ କରିଛନ୍ତି। ଏହାଛଡା ‘ଫିୟର ଫାଇଲ୍ସ’ର ଦୁଇଟି କାହାଣୀରେ ତାନ୍ତ୍ରିକ, ‘ଆପକି ଆଜାନେ ସେ’ ରେ ନେଗେଟିଭ୍‌ ରୋଲ୍‌ କରିଥିଲେ। ଆଣ୍ଡ ଟିଭିରେ ‘ମେରି ହାନିକାରକ ବିଓ୍ବି’, ‘ବିକ୍ରମ ବେତାଳ’ର ଦୁଇଟି କହାଣୀରେ ମୁଖ୍ୟ ଭୂମିକା, ‘ଲାଲ ଇସ୍କ’, ସିଦ୍ଧି ବିନାୟକ, ‘ଅଗ୍ନି ଫେରା’ ଆଦି ଧାରାବାହିକରେ କାମ କରିଛନ୍ତି। ଏହା ଛଡା ବିଭିନ୍ନ ସରକାରୀ ସ୍ତରରେ ଓ ସାମାଜିକ ବିଜ୍ଞାପନରେ ମଧ୍ୟ କାମ କରିଛନ୍ତି। ଭୋଜପୁରୀ ସିନେମା ‘ତୁହି ତୋ ମେରି ଜାନ ହେ ରାଧା ୨’ (ରିଲିଜ ୨୦୧୭)ରେ ଡାକ୍ତର ଭୂମିକାରେ କାମ କରିବାର ବି ସୁଯୋଗ ପାଇଥିଲେ ା

ଆଗାମୀ ଦିନରେ ତାଙ୍କୁ ଷ୍ଟାର ପ୍ଲସ୍‌ରେ ଆସିବାକୁ ଥିବା ‘ମହାରାଜ କୀ ଜୟ ହୋ’ ସିରିଏଲରେ ଦେଖିବାକୁ ମିଳିବ। ଅନେକ ଶର୍ଟ ଫିଲ୍ମ ବା କ୍ଷୁଦ୍ର ଚଳଚ୍ଚିତ୍ରରେ ବି ସେ କାମ କରିଛନ୍ତି। କନ୍ନଡ ଭାଷାର ଶର୍ଟ ଫିଲ୍ମ ‘ଓଣ୍ଡୁ ମାନେ କଠେ’, ହିନ୍ଦୀ ଶର୍ଟ ଫିଲ୍ମ ‘ଭୁଖ୍‌ ଏକ ସୋଚ୍‌’, ଲାଷ୍ଟଷ୍ଟେପ, ବଟଓ୍ବାରା, ଟର୍ନ ଆରାଉଣ୍ଡ, କ୍ରେଜି -ଫର, ସେଭ ଦ ଓ୍ବାଟର, ଥ୍ରୀ ମିସ୍‌ଟେକ, ହିରଣ୍ୟକଶ୍ୟପ ଆଦିରେ ବି ଅଭିନୟ କରିଛନ୍ତି। ୨୦୧୭ ପୁଣେରେ ହୋଇଥିବା ଇଣ୍ଟରନ୍ୟାଶନାଲ ଶର୍ଟ ଫିଲ୍ମ ଫେଷ୍ଟିଭାଲରେ ‘ହିରଣ୍ୟକଶ୍ୟପ’ ଫିଲ୍ମ ପାଇଁ ରତିକାନ୍ତ ବେଷ୍ଟ ଡାଏଲଗ୍‌ ପାଇଁ ସମ୍ମାନିତ ହୋଇଥିଲେ। ଏହାବ୍ୟତୀତ ସାବିତ୍ରୀ-ଗଙ୍ଗାଧର ଦାସ ପ୍ରତିଭା ସମ୍ମାନ- ୨୦୧୯, ହିମାଚଳ ପ୍ରଦେଶ ସରକାରଙ୍କ ପକ୍ଷରୁ ୨୦୧୮ରେ ଆଚିଭମେଣ୍ଟ ଆଓ୍ବାର୍ଡ ବି ପାଇଛନ୍ତି। ୨୦୧୭ରେ ରତିକାନ୍ତ ‘ଫେକ୍‌ ଫ୍ଲେସ ଫିଲ୍ମ ଫେଷ୍ଟ ଅଫିସିଆଲ ସିଲେକ୍ସନ କଲୋମ୍ବିଆ’ରେ ଭାଗ ନେବା ସୁଯୋଗ ପାଇଥିଲେ। ସେହିବର୍ଷ ପ୍ୟାରିସରେ ଅନୁଷ୍ଠିତ ‘ଲେସ ଫିଲ୍ମସ ଦେ ଲା ଟୋଇଲି’ ପ୍ରତିଯୋଗିତାରେ ସେ ସେମିଫାଇନାଲ ପର୍ଯ୍ୟନ୍ତ ଯାଇଥିଲେ।

ଏବେ ହାତରେ ବଡ଼ ବ୍ୟାନର୍‌ର ଚଳଚ୍ଚିତ୍ର- ଧାରାବାହିକ, କ୍ଷୁଦ୍ର ଚଳଚ୍ଚିତ୍ରରେ କାମ କରିବା ପରେ ଏବେ ତାଙ୍କୁ ବଲିଉଡ୍‌ର ଏକ ଭଲ ବ୍ୟାନରର ଚଳଚ୍ଚିତ୍ରରେ ଅଭିନୟ କରିବାର ସୁଯେଗ ମିଳିଛି। ଏବେ ଏହାର ଶୁଟିଂ ଚାଲିଛି। ରତିକାନ୍ତ କହନ୍ତି, ‘ଚଳଚ୍ଚିତ୍ରଟି ଆକ୍ସନଭିତ୍ତିକ ଓ ଗ୍ୟାଙ୍ଗଷ୍ଟରଙ୍କୁ ନେଇ ହୋଇଛି। ଏଥିରେ ମୋତେ ସେକେଣ୍ଡ ଲିଡ୍‌ରେ ଅଭିନୟ କରିବାର ସୁଯୋଗ ମିଳିଛି। ଏହି ଚଳଚ୍ଚିତ୍ରକୁ ନେଇ ମୋର ଅନେକ ଆଶା ରହିଛି। ଫିଲ୍ମଟି ରିଲିଜ୍‌ ହେବା ପରେ ସମସ୍ତେ ଏହାକୁ ପସନ୍ଦ କରିବେ ବୋଲି ଭାବୁଛି।’ ସେ ଆହୁରି କହନ୍ତି ଯେ, ଅଭିନୟ ଜଗତରେ ସଂଘର୍ଷ ସବୁବେଳେ ରହିଛି। ପ୍ରଥମେ ଏହି ଦୁନିଆ ଭିତରେ ପ୍ରବେଶ କରିବାର ସଂଘର୍ଷ, ଆଉ ଥରେ ପଶିଗଲା ପରେ ନିଜର ସ୍ଥିତିକୁ ବଜାୟ ରଖିବା ସହ ପ୍ରତିଯୋଗିତା ଭିତରେ ଆଗକୁ ବଢିବାର ପ୍ରତିଯୋଗିତା ଲାଗି ରହିଥାଏ। ଆଉ ଯିଏ ଦୃଢ଼ବିଶ୍ୱାସର ସହ କାମ କରେ ସେ ହିଁ ଏଠି ତିଷ୍ଠି ପାରେ।
-ଶିବାନୀ ମହାନ୍ତି
ତଥ୍ୟ ସହାୟତା-ନରେଶ ଚନ୍ଦ୍ର ପଟ୍ଟନାୟକ


Enter your email to get our daily news in your inbox.

All Right Reserved By Dharitri.Com

ଏକାସାଙ୍ଗେ ଶନି, ରାହୁ-କେତୁଙ୍କ ବକ୍ରୀ ଚଳନ: ଏହି ୪ ରାଶିଙ୍କ ଜୀବନରେ ଲାଗିବ ଗ୍ରହଣ! ପାଖରୁ ପଳାଇବ ସବୁ ଟଙ୍କା

ଜ୍ୟୋତିଷ ଶାସ୍ତ୍ର ଅନୁସାରେ, ଶନି ଗ୍ରହ ୨୭ ଜୁଲାଇ ୨୦୨୬ରେ ବକ୍ରୀ ହୋଇଥିଲେ। ବର୍ତ୍ତମାନ ଶନି ବକ୍ରୀ ଚଳନ କରୁଥିବା ବେଳେ ଆସନ୍ତା ଡିସେମ୍ବର ୧୧ ତାରିଖରେ…

ମୋଦିଙ୍କୁ ବିବାହ ନିମନ୍ତ୍ରଣ ପତ୍ର ଦେଲେ ରିଙ୍କୁ ସିଂହ; ଏହି ସାଂସଦଙ୍କ ହାତ ଧରିବେ କ୍ରିକେଟର

ନୂଆଦିଲ୍ଲୀ,୧୭।୧୧: ଭାରତୀୟ କ୍ରିକେଟ ଦଳର ବ୍ୟାଟର ରିଙ୍କୁ ସିଂହ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କୁ ନିଜ ବିବାହ ପାଇଁ ନିମନ୍ତ୍ରଣ କରିଛନ୍ତି। ଏହା ପୂର୍ବରୁ, ରିଙ୍କୁ ଉତ୍ତର ପ୍ରଦେଶର…

ନ୍ୟୁଜିଲାଣ୍ଡରେ ପହଞ୍ଚୁ ପହଞ୍ଚୁ ଭୟଭୀତ ହୋଇଗଲେ ରବୀନ୍ଦ୍ର ଜାଡେଜା: କହିଲେ, ମୋ ଘୋଡ଼ା ବି…

ନୂଆଦିଲ୍ଲୀ,୧୭।୧୧: ଭାରତୀୟ କ୍ରିକେଟ ଦଳର ଷ୍ଟାର୍‌ ଅଲରାଉଣ୍ଡର ରବୀନ୍ଦ୍ର ଜାଡେଜା ନ୍ୟୁଜିଲାଣ୍ଡ ଗସ୍ତରେ ଟେଷ୍ଟ ସିରିଜ ପାଇଁ ଜୋରଦାର ପ୍ରସ୍ତୁତି କରୁଛନ୍ତି। ନେଟ୍ସରେ ଘଣ୍ଟା ଘଣ୍ଟା ଧରି…

ଗିଲ୍‌ କଲେ ବଡ଼ ଘୋଷଣା, ୪ ଦ୍ରୁତ ବୋଲରଙ୍କ ସହ ମଇଦାନକୁ ଓହ୍ଲାଇବ ଟିମ ଇଣ୍ଡିଆ, ଜାଣନ୍ତୁ ସେମାନେ କିଏ…

ନୂଆଦିଲ୍ଲୀ,୧୭।୧୧: ଭାରତ ଓ ନ୍ୟୁଜିଲାଣ୍ଡ ମଧ୍ୟରେ ପ୍ରଥମ ଟେଷ୍ଟ ମ୍ୟାଚ ୱେଲିଂଟନରେ ଖେଳାଯିବ। ଦୁଇ ମ୍ୟାଚ ବିଶିଷ୍ଟ ଟେଷ୍ଟ ସିରିଜର ଆରମ୍ଭ ନଭେମ୍ବର ୧୯ ତାରିଖରୁ ହେବ।…

QUAD ଶିଖର ସମ୍ମିଳନୀରେ ପ୍ରଧାନମନ୍ତ୍ରୀ ମୋଦି-ଟ୍ରମ୍ପଙ୍କ ମଧ୍ୟରେ ଗୁରୁତ୍ୱପୂର୍ଣ୍ଣ ବୈଠକ, ଚାଇନାକୁ ଲାଗିପାରେ ଝଟକା

ନୂଆଦିଲ୍ଲୀ,୧୭।୧୧: ଆମେରିକା, ଚାଇନା ଏବଂ ରୁଷିଆକୁ ନେଇ ହେବାକୁ ଥିବା ଉଚ୍ଚସ୍ତରୀୟ ବୈଠକଗୁଡ଼ିକ ପୂର୍ବରୁ, ‘କ୍ୱାଡ’ (Quad) ସଦସ୍ୟ ରାଷ୍ଟ୍ରଗୁଡ଼ିକର ଏକ ଗୁରୁତ୍ୱପୂର୍ଣ୍ଣ ବୈଠକ ଅନୁଷ୍ଠିତ ହେବାକୁ…

ଶତକ ମାରିବା ପରେ ପକେଟରୁ ଚିଠି ବାହାର କଲେ ଏହି କ୍ରିକେଟର: ଚିଠି ପଢିଲେ ହୋଇଯିବେ ଭାବବିହ୍ବଳ

ଜୋହାନ୍ସବର୍ଗ,୧୭।୧୧: କ୍ରିକେଟ ପଡ଼ିଆରେ ଅନେକ ଖେଳାଳି ନିଜ ଅନନ୍ୟ ଅନ୍ଦାଜରେ ଶତକ ପାଳନ କରିଥାନ୍ତି। କିନ୍ତୁ ବାଂଲାଦେଶର ଉଇକେଟ୍‌କିପର ବ୍ୟାଟର ଲିଟନ ଦାସ ଏଥର ନିଜ ଶତକକୁ…

IPL ଇତିହାସରେ ହେବାକୁ ଯାଉଛି ସବୁଠାରୁ ବଡ଼ ପରିବର୍ତ୍ତନ! ICC ପ୍ରସ୍ତୁତ କରିଛି ବିଶାଳ ଯୋଜନା

ନୂଆଦିଲ୍ଲୀ,୧୭।୧୧: ଆଇପିଏଲ (IPL) ସମ୍ବନ୍ଧୀୟ ଏକ ବଡ଼ ଖବର ସାମ୍ନାକୁ ଆସିଛି, ଯାହା ନିଶ୍ଚିତ ଭାବରେ କ୍ରିକେଟ ପ୍ରଶଂସକମାନଙ୍କୁ ଖୁସି କରିବ। ବିଶ୍ୱର ସବୁଠାରୁ ବଡ଼ ଟି-୨୦…

ହର୍ମୁଜ ପ୍ରଣାଳୀରେ ବାରୁଦ ସୁଡ଼ଙ୍ଗ ସହ ଧକ୍କା ହେଲା ତୈଳ ଟ୍ୟାଙ୍କ; ଇଞ୍ଜିନ ରୁମରେ ଲାଗିଲା ନିଆଁ

ତେହରାନ,୧୭।୧୧: ପଶ୍ଚିମ ଏସିଆରେ ଚାଲିଥିବା ସଂଘର୍ଷଯେଉଁଥିରେ ଆମେରିକା, ଇସ୍ରାଏଲ ଏବଂ ଇରାନ ସାମିଲ ଅଛନ୍ତିତାହା ବର୍ତ୍ତମାନ ସାମୁଦ୍ରିକ ବାଣିଜ୍ୟ ପଥ ଉପରେ ପ୍ରଭାବ ପକାଉଛି। ଓମାନ ନିକଟସ୍ଥ…

Advertisement

ଧରିତ୍ରୀ କାର୍ଟୁନ

Archives

 

Dharitri-Rashifala


ଛୁଟିଦିନ
ପିଲାଙ୍କ ଧରିତ୍ରୀ
Trending
Let's Pledge For A 'Plastic Free' Odisha Join The Movement Of 'Plastic Free' Odisha

Akash Das Nayak, supports a Plastic Free Odisha. Do you?