ଡେସ ମୋଇନେସ(ଆମେରିକା),୨୯।୭(ଏଏଫ୍ପି)- ଅଲିମ୍ପିକ୍ ଚାମ୍ପିୟନ ଦାଲିଲା ମହମ୍ମଦ ଦୀର୍ଘଦିନ ହେଲା ତିଷ୍ଠି ରହିଥିବା ରେକର୍ଡ ଭଙ୍ଗ କରିଛନ୍ତି। ୟୁଏସ୍ ଚାମ୍ପିୟନଶିପ ୪୦୦ ମିଟର ମହିଳା ବାଧାଦୌଡ଼ ଇଭେଣ୍ଟରେ ସେ ନୂଆ ରେକର୍ଡ ସୃଷ୍ଟି କରିଛନ୍ତି। ଡ୍ରାକ ଷ୍ଟାଡିୟମ୍ରେ ରବିବାର ଅନୁଷ୍ଠିତ ଇଭେଣ୍ଟରେ ୨୯ ବର୍ଷୀୟ ଆଥ୍ଲେଟ୍ ୫୨.୨୦ ସେକେଣ୍ଡ ଟାଇମିଂ ହାସଲ କରିଥିଲେ। ପୂର୍ବରୁ ଏହି ରେକର୍ଡ ରୁଷିଆର ୟୁଲିଆ ପେଚନକିନାଙ୍କ ନାମରେ ଥିଲା। ସେ ୨୦୦୩ରେ ୫୨.୩୪ ସେକେଣ୍ଡ ଟାଇମିଂ ହାସଲ କରିଥିଲେ। ରେକର୍ଡ ହାତେଇବା ପରେ ମହମ୍ମଦ କହିଛନ୍ତି, ମୁଁ ବିଶ୍ୱାସ କରିପାରୁ ନାହିଁ। ମୋ କୋଚ୍ ରେକର୍ଡ ସମ୍ପର୍କରେ ବହୁବାର କହିଥିଲେ। ମୋର ନିଜ ଉପରେ ବିଶ୍ୱାସ ଥିଲା। ଏବେ ମୁଁ ନିଜକୁ ପ୍ରମାଣ କରିସାରିଛି। ସେ ପ୍ରଥମ ଆମେରିକୀୟ ମହିଳା ଭାବେ ଅଲିମ୍ପିକ୍ ସ୍ବର୍ଣ୍ଣ ପଦକ ଜିତିଥିଲେ।
