ଶଙ୍କରାଖୋଲ(ଡି.ଏନ୍.ଏ.)/ଫିରିଙ୍ଗିଆ,୨ା୬- କନ୍ଧମାଳ ଜିଲାରେ ସୋମବାର ଅପରାହ୍ନରେ ବଜ୍ରପାତରେ ୨ ଜଣଙ୍କ ମୃତ୍ୟୁ ଘଟିଥିବା ବେଳେ ୨ ଜଣ ଗୁରୁତର ହୋଇଛନ୍ତି। ମୃତକମାନେ ହେଲେ ଚକାପାଦ ଥାନା ଚକାପାଦ ଗ୍ରାମ ନୂଆସାହିର ସୁମନ୍ତ ବିଷୋୟୀ (୨୮) ଓ ଫିରିଙ୍ଗିଆ ବ୍ଲକ ରବଙ୍ଗିଆ ପଞ୍ଚାୟତ ବଙ୍ଗମୁଣ୍ଡାର ଦାନାସିଂ କହଁର ା ସୁମନ୍ତ ଦାଣ୍ଡରେ ଠିଆ ହୋଇଥିବା ବେଳେ ବଜ୍ରପାତ ହେବାରୁ ଗୁରୁତର ହୋଇଥିଲେ। ପରିବାର ଲୋକେ ତାଙ୍କୁ ବ୍ରାହ୍ମଣପାଦ ସ୍ବାସ୍ଥ୍ୟକେନ୍ଦ୍ରକୁ ନେଇଥିଲେ ମଧ୍ୟ ଡାକ୍ତର ମୃତ ଘୋଷଣା କରିଥିଲେ।ଏ ନେଇ ଚକାପାଦ ଥାନାରେ ନଂ.୧/୨୦ରେ ଅପମୃତ୍ୟୁ ମାମଲା ହୋଇଛି। ଅନ୍ୟପକ୍ଷରେ ବଜ୍ରପାତରେ ବ୍ରାହ୍ମଣପାଦ ପଞ୍ଚାୟତ ଅର୍ଚ୍ଚାଙ୍ଗି ଗ୍ରାମ ଉଚ୍ଚ ପ୍ରାଥମିକ ବିଦ୍ୟାଳୟ ନିକଟ ଏକ ଗଛମୂଳରେ ଥିବା ୧୦ ଗୋରୁଙ୍କ ମୃତ୍ୟୁ ଘଟିଛି ।
ସେହିପରି ରବଙ୍ଗିଆ ପଞ୍ଚାୟତ ବଙ୍ଗମୁଣ୍ଡାଠାରେ ବଜ୍ରପାତରେ ଦାନାସିଂ କହଁରଙ୍କ ମୃତ୍ୟୁ ଘଟିଥିବା ବେଳେ ଧନଞ୍ଜୟ କହଁର ଓ ଗୁନି କହଁର ଗୁରୁତର ହୋଇଛନ୍ତି। ଦାନାସିଂ ବାରଣ୍ଡାରେ ବସିଥିବା ବେଳେ ବଜ୍ରପାତର ଶିକାର ହୋଇଥିଲେ। ଅନ୍ୟ ଏକ ସ୍ଥାନରେ ଥିବା ଧନଞ୍ଜୟ ଓ ଗୁନି ମଧ୍ୟ ବଜ୍ରପାତରେ ଆହତ ହୋଇ ଫିରିଙ୍ଗିଆ ମେଡ଼ିକାଲରେ ଭର୍ତ୍ତିି ହୋଇଥିଲେ। ଧନଞ୍ଜୟଙ୍କ ଅବସ୍ଥା ଗୁରୁତର ଥିବାରୁ ଫୁଲବାଣୀ ମେଡିିକାଲକୁ ସ୍ଥାନାନ୍ତର କରାଯାଇଛି।
