ଭୁବନେଶ୍ୱର, ୩୦।୮- ପ୍ରମୋଦଙ୍କୁ ଏବେ ହରାଇବା କଷ୍ଟକର ବୋଲି ତାଙ୍କ ଡବଲ୍ସ ପାର୍ଟନର ଦିଲ୍ଲେଶ୍ୱର ରାଓ କହିଛନ୍ତି। ଏବେ ସେ ଯେଉଁ ଫର୍ମରେ ଅଛନ୍ତି ତାଙ୍କୁ ବିଶ୍ୱର କୌଣସି ଖେଳାଳି ହରାଇବା ନିଶ୍ଚିତ ଭାବେ କଷ୍ଟକର। ବିଭିନ୍ନ ରାଜ୍ୟ ଓ ଜାତୀୟସ୍ତରୀୟ ଟୁର୍ନାମେଣ୍ଟରେ ଦିଲ୍ଲେଶ୍ୱର ପ୍ରମୋଦଙ୍କ ସହ ଖେଳି ସଫଳତା ପାଇଛନ୍ତି। ସେ ନିଜର କଠିନ ପରିଶ୍ରମ ଓ ଖେଳିବାର ଆଗ୍ରହକୁ କେବେ ଛାଡି ନାହାନ୍ତି। ସେ ପୂର୍ବରୁ ୧ ନମ୍ବର ଖେଳାଳି ଥିଲେ ଓ ଏବେ ମଧ୍ୟ ରହିଛନ୍ତି ବୋଲି ଦିଲ୍ଲେଶ୍ୱର କହିଛନ୍ତି। ତେବେ ଖେଳିବା ବେଳେ ସେ ଯଦି ଅଧିକ ସିରିୟସ ହେବେ ତାହେଲେ ସେ ତ୍ରୁଟି କରିବେ। ନିଜର ସ୍ବାଭାବିକ ଖେଳ ପ୍ରଦର୍ଶନ କଲେ ସେ ସଫଳ ହେବେ ବୋଲି ଦିଲ୍ଲେଶ୍ୱର କହିଛନ୍ତି।
