ଚନ୍ଦାହାଣ୍ଡି,୨୭।୧(ଡି.ଏନ୍.ଏ.): ନବରଙ୍ଗପୁର ଜିଲା ଚନ୍ଦାହାଣ୍ଡି ବ୍ଲକର ୧୪ ପଞ୍ଚାୟତବାସୀ ପ୍ରଧାନମନ୍ତ୍ରୀ ଆବାସ ଯୋଜନାରେ କାର୍ଯ୍ୟାଦେଶ ନେଇ ଘର କରୁ ନ ଥିବାବେଳେ ଏ ନେଇ ସୋମବାର ପ୍ରଶାସନ ପକ୍ଷରୁ ଧାରଣା ହିତାଧିକାରୀଙ୍କ ଘର ସମ୍ମୁଖରେ ଧାରଣା ଦିଆଯାଇଛି।
ସୂଚନାଯୋଗ୍ୟ, ସରକାରଙ୍କ ପକ୍ଷରୁ ଚଳିତ ଆର୍ଥିକବର୍ଷରେ ୨ ହଜାର ୩ଶହ ୫ ହିତାଧିକାରୀଙ୍କୁ ପ୍ରଧାନମନ୍ତ୍ରୀ ଆବାସ ଯୋଜନାରେ ଘର କରିବାକୁ କାର୍ଯ୍ୟାଦେଶ ଦିଆଯାଇଥିଲା। ତେବେ ୨୦୨୨ ସୁଦ୍ଧା ସମସ୍ତ କଚାଘରକୁ ପକ୍କା କରିବାକୁ ସରକାରଙ୍କ ପକ୍ଷରୁ ଲକ୍ଷ୍ୟ ଧାର୍ଯ୍ୟ ହୋଇଥିବା ବେଳେ ଶୀଘ୍ର ଘର କାର୍ଯ୍ୟ ସାରିବାକୁ ପ୍ରୋତ୍ସାହନ ଦିଆଯାଉଛି। ମାତ୍ର କାର୍ଯ୍ୟାଦେଶ ନେଇ ଘରକରିବା ପାଇଁ ବ୍ୟାଙ୍କଖାତାକୁ ଆସିଥିବା ପ୍ରଥମ ୨୦ ହଜାର ଟଙ୍କା ଉଠାଇଥିଲେ ମଧ୍ୟ ବହୁ ହିତାଧିକାରୀ ଘର କରି ନାହାନ୍ତି। ଏ ନେଇ ସୋମବାର ବିଡିଓ ଦେବେନ୍ଦ୍ର କୁମାର ବଳଙ୍କ ନେତୃତ୍ୱରେ ପିଇଓ ସୂର୍ଯ୍ୟନାରାୟଣ ଭତ୍ରା, ଲଛମନ ନିଆଲ, ସନ୍ତୋଷ ମିଶ୍ର, ଜିଆର୍ଏସ୍ ଦେନାଥ ବଞ୍ଜରା ଓ ଶ୍ରୀମାଞ୍ଚଳ ବେହେରା ପ୍ରମୁଖ ଚକାମାଳ ଏବଂ ଅନକରାବେଡ଼ା ଗ୍ରାମର ବହୁ ହିତାଧିକାରୀଙ୍କ ଘର ସମ୍ମୁଖରେ ଧାରଣା ଦେଇଛନ୍ତି।
