ପାଣି ଚିନ୍ତା, ବର୍ଷା ଉପରେ ଭରସା: ଗଞ୍ଜାମ ଜିଲାରେ ଖରିଫ ଫସଲ

ଛତ୍ରପୁର,୫ା୭(ଡି.ଏନ.ଏ.)- ଗଞ୍ଜାମ ଜିଲାରେ ଚଳିତବର୍ଷ ହେବାକୁ ଥିବା ଖରିଫ୍‌ ଫସଲ ପାଇଁ ଚାଷୀଙ୍କୁ ପାଣି ଚିନ୍ତା ଘାରିଛି। ଜିଲାରେ ହେଉଥିବା ଖରିଫ ଫସଲକୁ ଜଳସେଚନର ଅଭାବ ରହିଛି। ଫଳରେ ବର୍ଷା ଉପରେ ଚାଷୀଙ୍କୁ ନିର୍ଭର କରିବାକୁ ପଡୁଛି। ବିଗତ ଦିନଗୁଡିକରେ ମଧ୍ୟ ଏପରି ଦେଖିବାକୁ ମିଳିଛି। ଓଡିଶାର ବିଭିନ୍ନ ସ୍ଥାନରେ ମୌସୁମୀ ବର୍ଷା ହୋଇଥିବାବେଳ ଗଞ୍ଜାମ ଜିଲାରେ ଏହାର ଆରମ୍ଭ ମଧ୍ୟ ହୋଇନି। ଜିଲାରେ ବର୍ଷାଭାବ ଏବେଠୁ ଦେଖାଦେଲାଣି। ଖରିଫ ଫସଲ ମଧ୍ୟରେ ଧାନ ଫସଲ ମୁଖ୍ୟ ରହିଛି। ରାଜ୍ୟର ଗଞ୍ଜାମ ଜିଲାରୁ ହିଁ ସର୍ବାଧିକ ଧାନ ଅମଳ ହୋଇଥାଏ। ଏହି ପରିପ୍ରେକ୍ଷୀରେ ଜଳସେଚନ ଅଭାବ ନେଇ ଚାଷୀ ଚିନ୍ତିତ। ପ୍ରତିବର୍ଷ ବିପର୍ଯ୍ୟୟ ଆସି ଫସଲ ଉଜାଡି ଦେଉଛି। ଏନେଇ ଚାଷୀଙ୍କର ଆଥିର୍ତ୍କ ମେରୁଦଣ୍ଡ ଭାଙ୍ଗିବାକୁ ବସିଲାଣି। ଅପରପକ୍ଷରେ ଜିଲାର ଲକ୍ଷାଧିକ ଚାଷୀ ଚାଷରୁ ମୁହଁ ଫେରାଇଲେଣି। ଏଥିସହ ପରିବାର ପ୍ରତିପୋଷଣ ପାଇଁ ଜିଲା ବାହାରକୁ କାମ ଅନ୍ବେଷଣରେ ଚାଷୀମାନେ ଚାଲିଯାଉଥିବା ଦେଖିବାକୁ ମିଳିଛି। ତଥାପି ଜିଲାର ସେଚ ସମସ୍ୟାରେ ସୁଧାର ଆସୁନି। ଜିଲାରେ ଗୋଟିଏ ମାତ୍ର ଋଷିକୁଲ୍ୟା ବୃହତ ସେଚ ପ୍ରକଳ୍ପ ରହିଛି। ୨୨ ବ୍ଲକ ମଧ୍ୟରୁ ୮ ବ୍ଲକର ଜମିକୁ ବୃହତ୍‌ ପ୍ରକଳ୍ପରୁ ଟୋପାଏ ପାଣି ମିଳୁନି। ସେଥିମଧ୍ୟରେ ପାତ୍ରପୁର, ଗଞ୍ଜାମ, ଖଲ୍ଲିକୋଟ, ବେଗୁନିଆପଡା, କବିସୂର୍ଯ୍ୟନଗର, ପୋଲସରା, ଜଗନ୍ନାଥପ୍ରସାଦ ଓ ସୋରଡା ବ୍ଲକ ରହିଛି। ଏଥିସହ ଜିଲାରେ ଥିବା ମଧ୍ୟମ ସେଚ ପ୍ରକଳ୍ପଗୁଡିକରୁ ମଧ୍ୟ ୬ ବ୍ଲକରେ କୌଣସି ସେଚ ସୁବିଧା ନାହିଁ। ସେଥିମଧ୍ୟରେ ରଙ୍ଗେଇଲୁଣ୍ଡା, କୁକୁଡାଖଣ୍ଡି, ଖଲ୍ଲିକୋଟ, ଆସିକା, ଶେରଗଡ ଓ ଜଗନ୍ନାଥପ୍ରସାଦ ବ୍ଲକ ରହିଛି। ଆହୁରି ଜଣାଯାଇଛି ଯେ, ଉଭୟ ବୃହତ ଓ ମଧ୍ୟମ ସେଚ ପ୍ରକଳ୍ପରୁ ଖଲ୍ଲିକୋଟ ଓ ଜଗନ୍ନାଥପ୍ରସାଦ ବ୍ଲକ ଜମିକୁ ସେଚ ସୁବିଧା ମିଳୁନି। କୃଷି ବିଭାଗଠାରୁ ମିଳିଥିବା ସୂଚନା ଅନୁସାରେ ଗଞ୍ଜାମ ଜିଲାରେ ଚଳିତବର୍ଷ ୪ ଲକ୍ଷ ୮ ହଜାର ୮୧୦ ହେକ୍ଟର ଜମିରେ ଖରିଫ ଫସଲ ପାଇଁ ଲକ୍ଷ୍ୟଧାର୍ଯ୍ୟ ହୋଇଛି। ମାତ୍ର ଏଥିରୁ ୨ ଲକ୍ଷ ୮୭ହଜାର ୮୧୧ ହେକ୍ଟର ଫସଲକୁ ହିଁ ସେଚ ସୁବିଧା ଥିବା ଜଳସେଚନ ବିଭାଗ ପକ୍ଷରୁ କୁହାଯାଇଛି। ଅପରପକ୍ଷରେ ୨୦୧୮ରେ ଜିଲାର ୨ ଲକ୍ଷ ୮୧ ହଜାର ହେକ୍ଟର ଜମିକୁ ସେଚ ସୁବିଧା ଥିଲା। ଗତ ସପ୍ତାହରେ ଏଠାରେ ଅନୁଷ୍ଠିତ ଗଞ୍ଜାମ ଜିଲା କୃଷି ନିର୍ଦ୍ଧାରଣ କମିଟି ବୈଠକରେ ମଧ୍ୟ ଏନେଇ ବିସ୍ତୃତ ଭାବେ ଆଲୋଚନା ହୋଇଥିଲା। ପାଣି ସୁଷମ ବଣ୍ଟନ ଉପରେ ଗୁରୁତ୍ୱାରୋପ କରାଯିବା ସହ ବର୍ଷା ଉପରେ ଭରସା ମଧ୍ୟ କୁହାଯାଇଥିଲାା ଆହୁରି ଜଣାଯାଇଛି, ଚଳିତ ବର୍ଷ ଋଷିକୁଲ୍ୟା ବୃହତ ସେଚ ପ୍ରକଳ୍ପରୁ ୬୦ ହଜାର ୩୫୪ ହେକ୍ଟର ଜମିକୁ ସେଚ ସୁବିଧା ମିଳିବ ବୋଲି କୁହାଯାଇଥିବାବେଳେ ମଧ୍ୟମ ସେଚ ପ୍ରକଳ୍ପରୁ ୬୮ ହଜାର ୧୬୦ ହେକ୍ଟର, କ୍ଷୁଦ୍ର ସେଚ ପ୍ରକଳ୍ପରୁ ୯୭ ହଜାର ୨୨୨ ହେକ୍ଟର, ଉଠା ସେଚ ପ୍ରକଳ୍ପରୁ ୩୨ ହଜାର ୧୨୫ ହେକ୍ଟର ଜମିକୁ ସେଚ ସୁବିଧା ମିଳିବ। ଜିଲାରେ ଚଳିତ ବର୍ଷ ୨ ଲକ୍ଷ ୮ ହଜାର ୪୨୦ ହେକ୍ଟର ଜମିରେ ଖରିଫ ଫସଲ ପାଇଁ ଲକ୍ଷ୍ୟଧାର୍ଯ୍ୟ ହୋଇଥିବା ବେଳେ ଏଥିରୁ ୧ ଲକ୍ଷ ୭୬ ହଜାର ୧୫୮ ହେକ୍ଟର ଜମିକୁ ସେଚ ସୁବିଧା ଯୋଗାଇ ଦିଆଯିବ ବୋଲି ଜଳସେଚନ ବିଭାଗ ପକ୍ଷରୁ କୃଷି ନିର୍ଦ୍ଧାରଣ କମିଟିକୁ ସୂଚନା ଦିଆଯାଇଛି। ଏଥିମଧ୍ୟରେ ଧାନ ଫସଲ ପାଇଁ ବୃହତ ସେଚ ପ୍ରକଳ୍ପରୁ ୪୯ ହଜାର ୬୫୪ ହେକ୍ଟର, ମଧ୍ୟମ ସେଚ ପ୍ରକଳ୍ପରୁ ୪୭ ହଜାର ୬୫୩ ହେକ୍ଟର, କ୍ଷୁଦ୍ର ସେଚ ପ୍ରକଳ୍ପରୁ ୬୮ ହଜାର ୭୭୦ ହେକ୍ଟର ଓ ଉଠା ସେଚ ପ୍ରକଳ୍ପରୁ ୩ ହଜାର ୬୭୫ ହେକ୍ଟର ଜମିକୁ ଜଳସେଚନ ବିଭାଗ ପାଣି ଯୋଗାଇ ପାରିବେ। ସେହିପରି ଶସ୍ୟ ଜାତୀୟ ଫସଲ ହେବାକୁ ଥିବା ୨ ଲକ୍ଷ ୫୦ ହଜାର ୬୦୬ ହେକ୍ଟର ମଧ୍ୟରୁ ୨ ଲକ୍ଷ ୧୧ ହଜାର ୮୦୩ ହେକ୍ଟର ଜମିକୁ ସେଚ ସୁବିଧା ଅଛି। ଡାଲି ଜାତୀୟ ଫସଲ ପାଇଁ ୪୮ ହଜାର ୮୯୫ ହେକ୍ଟର ମଧ୍ୟରୁ ୮ ହଜାର ୪୦୯ ହେକ୍ଟର, ତୈଳ ଜାତୀୟ ଫସଲ ପାଇଁ ୨୪ ହଜାର ୯୧୫ହେକ୍ଟର ମଧ୍ୟରୁ ୫ହଜାର ୭୧୨ ହେକ୍ଟର, ପନିପରିବା ପାଇଁ ୭୩ ହଜାର ୮୨୪ ହେକ୍ଟର ମଧ୍ୟରୁ ୫୪ ହଜାର ୯୯୨ ହେକ୍ଟର ଜମିକୁ ସେଚ ସୁବିଧା ଯୋଗାଇ ଦିଆଯିବ ବୋଲି କୁହାଯାଇଛି।

 


Enter your email to get our daily news in your inbox.

All Right Reserved By Dharitri.Com

ବାତ୍ୟା ଅକ୍ୱାନର ତାଣ୍ଡବ: ତାରାତାରିଣୀ ପାହାଡ଼ରେ ଭୂସ୍ଖଳନ

ପୁରୁଷୋତ୍ତମପୁର,୨୦ା୧୧(ସବିତା ମିଶ୍ର): ବାତ୍ୟା ଅକ୍ୱାନ୍‌ର ପ୍ରଭାବରେ ଗଞ୍ଜାମ ଜିଲାରେ ଲଗାଣ ବର୍ଷା ଏବେ ବିପଦ ଡାକି ଆଣିଛି। ପ୍ରବଳ ବର୍ଷା ଯୋଗୁ ଦକ୍ଷିଣଓଡ଼ିଶାର ପ୍ରସିଦ୍ଧ ଶକ୍ତିପୀଠ ମା’…

ଅକ୍ବାନ ପ୍ରଭାବରେ ଦିଗପହଣ୍ଡି ଜଳବନ୍ଦୀ, ବସ୍‌ଷ୍ଟାଣ୍ଡ ସମେତ ବିଭିନ୍ନ ସାହିରେ ପଶିଲା ନର୍ଦ୍ଦମା ପାଣି

ଦିଗପହଣ୍ଡି,୨୦।୧୧(ଅଶେଷ ନାଥ ମିଶ୍ର): ଅକ୍ୱାନ ପ୍ରଭାବରେ ଦିଗପହଣ୍ଡିରେ ତୁହାକୁ ତୁହା ବର୍ଷା ଜାରି ରହିଛି । ଲଗାଣ ବର୍ଷା ଯୋଗୁଁ ଶୁକ୍ରବାର ଦିଗପହଣ୍ଡି ସହର ଉବୁ ଟୁବୁ…

ବାତ୍ୟା ‘ଅକ୍ୱାନ’ ପାଇଁ ସଜାଗ ଗଞ୍ଜାମ ଏନ୍‌ଏସି: ଥଇଥାନ ବ୍ୟକ୍ତିଙ୍କୁ କମ୍ବଳ ବାଣ୍ଟିଲେ ଇଓ, ୧୦୨ ଜଣଙ୍କୁ ଦିଆଯାଉଛି ରନ୍ଧା ଖାଦ୍ୟ

ଗଞ୍ଜାମ, ୧୯।୧୧ (ବିଦ୍ୟାଧର ସାହୁ): ସମ୍ଭାବ୍ୟ ବାତ୍ୟା ‘ଅକ୍ୱାନ’ ବେଳକୁ ବେଳ ଉଗ୍ର ରୂପ ଧାରଣ କରୁଥିବା ବେଳେ ଆସନ୍ତାକାଲି ପୂର୍ବାହ୍ନରେ ଏହା ସ୍ଥଳଭାଗ ଛୁଇଁବ ବୋଲି…

ବାତ୍ୟା ‘ଅକ୍ୱାନ’ ପାଇଁ ବଡ଼ ନିଷ୍ପତ୍ତି: ଗଞ୍ଜାମରେ ଆସନ୍ତାକାଲି ଗଡ଼ିବନି ବସ୍ କି ଟ୍ରକ୍

ଛତ୍ରପୁର, ୧୯।୧୧ (ଦିଲ୍ଲୀପ ସାମଲ): ସମ୍ଭାବ୍ୟ ବାତ୍ୟା ‘ଅକ୍ୱାନ’ର ମୁକାବିଲା ଏବଂ ଜନସାଧାରଣଙ୍କ ଧନଜୀବନ ସୁରକ୍ଷାକୁ ଦୃଷ୍ଟିରେ ରଖି ଗଞ୍ଜାମ ଜିଲା ପ୍ରଶାସନ ପକ୍ଷରୁ ବଡ଼ ପଦକ୍ଷେପ…

ବାତ୍ୟା ପାଇଁ ହାଇଆଲର୍ଟ: ଡହ-ଭଞ୍ଜନଗର ଜଳଭଣ୍ଡାର ପରିଦର୍ଶନ ସ୍ଥିତି ପରଖିଲେ ପରିବହନ ମନ୍ତ୍ରୀ

ଭଞ୍ଜନଗର, ୧୯।୧୧ (ବାବୁଲା ପ୍ରଧାନ): ସମ୍ଭାବ୍ୟ ବାତ୍ୟା ଗୁରୁବାର ରାତିରେ ଗୋପାଳପୁର ନିକଟରେ ସ୍ଥଳଭାଗ ଛୁଇଁବାର ଆଶଙ୍କା ଥିବାରୁ ପ୍ରଶାସନ ପକ୍ଷରୁ ବ୍ୟାପକ ସତର୍କତାମୂଳକ ପଦକ୍ଷେପ ଗ୍ରହଣ…

ମାଡ଼ି ଆସୁଛି ବାତ୍ୟା ‘ଅକ୍ୱାନ’: ଆତଙ୍କିତ ସମୁଦ୍ର ତଟବର୍ତ୍ତୀ ଅଞ୍ଚଳବାସୀ

ଗଞ୍ଜାମ,୧୯।୧୧(ବିଦ୍ୟାଧର ସାହୁ ): ବାତ୍ୟା ଅର୍ଣ୍ଣବର ତାଣ୍ଡବ ଲୋକଙ୍କ ମନରୁ ଲିଭି ନ ଥିବା ବେଳେ ବାତ୍ୟା ଅକ୍ୱାନକୁ ନେଇ ଚିନ୍ତାରେ ଅଞ୍ଚଳବାସୀ l ବାତ୍ୟା ଅକ୍ୱାନ…

ଅଶାନ୍ତ ସମୁଦ୍ରରେ ଫସିଲେ ଆନ୍ଧ୍ର ମତ୍ସ୍ୟଜୀବୀ, ସହଯୋଗର ହାତ ବଢ଼ାଇଲା ଗଞ୍ଜାମ ପ୍ରଶାସନ

ଛତ୍ରପୁର,୧୯।୧୧(ଦିଲ୍ଲୀପି ସାମଲ): ସମ୍ଭାବ୍ୟ ବାତ୍ୟା ଓ ସମୁଦ୍ରର ଅଶାନ୍ତ ପରିସ୍ଥିତି ଯୋଗୁ ନିଜ ଅଞ୍ଚଳକୁ ଫେରି ନ ପାରି ଓଡ଼ିଶା ଉପକୂଳରେ ଆଶ୍ରୟ ନେଇଛନ୍ତି ଆନ୍ଧ୍ରପ୍ରଦେଶର ମତ୍ସ୍ୟଜୀବୀ।…

ଅକ୍ବାନ ପ୍ରସ୍ତୁତି ସମୀକ୍ଷା କଲେ ମନ୍ତ୍ରୀ ବିଭୂତି ଜେନା; ଗଞ୍ଜାମରେ ହାଇଆଲର୍ଟ, ୮୪ ହଜାରରୁ ଊର୍ଦ୍ଧ୍ୱ ଲୋକ ସ୍ଥାନାନ୍ତର

ଛତ୍ରପୁର,୧୯ା୧୧( ଦିଲ୍ଲୀପ ସାମଲ): ସମ୍ଭାବ୍ୟ ବାତ୍ୟା ଅକ୍ବାନର ମୁକାବିଲା ପାଇଁ ଗଞ୍ଜାମ ଜିଲା ପ୍ରଶାସନର ପ୍ରସ୍ତୁତି ସମୀକ୍ଷା କରିଛନ୍ତି ବାଣିଜ୍ୟ ଓ ପରିବହନ, ଇସ୍ପାତ ଓ ଖଣି…

Advertisement

ଧରିତ୍ରୀ କାର୍ଟୁନ

Archives

 

Dharitri-Rashifala


ଛୁଟିଦିନ
ପିଲାଙ୍କ ଧରିତ୍ରୀ
Trending
Let's Pledge For A 'Plastic Free' Odisha Join The Movement Of 'Plastic Free' Odisha

Akash Das Nayak, supports a Plastic Free Odisha. Do you?