ଖୋର୍ଦ୍ଧା ଅଫିସ,୩୧।୧: ଖୋର୍ଦ୍ଧା ପୌର ପରିଷଦର ସାମନ୍ତରାପୁରସ୍ଥିତ ସ୍ବେଚ୍ଛାସେବୀ ଅନୁଷ୍ଠାନର ଉଜାଲା ଗୃହରେ ରହୁଥିବା ୭ ଜଣ ଅସହାୟ ଯୁବତୀ ଗୁରୁବାର ସନ୍ଧ୍ୟାରେ ଫେରାର ହୋଇଯାଇଥିଲେ। ଖବରପାଇ ଖୋର୍ଦ୍ଧା ଆଦର୍ଶ ଥାନା ପୋଲିସ ଖୋର୍ଦ୍ଧାର ବିଭିନ୍ନ ସ୍ଥାନରେ ଚଢାଉ କରି ଉଦ୍ଧାର କରିଛି। ଗଡ଼ଖୋର୍ଦ୍ଧା ଉଦ୍ଧାର ୩ ଜଣ ଯୁବତୀଙ୍କ ଘର ସୋରଣ, ଜଟଣୀ ଓ ଚନ୍ଦକା ଅଞ୍ଚଳରେ ବୋଲି ଜଣାପଡିଛି। ସେହିପରି ନୂଆବସଷ୍ଟାଣ୍ଡଠାରୁ ଉଦ୍ଧାର ୪ ଜଣଙ୍କ ଘର କଟକ, ନୟାଗଡ ଓ ଭୁବନେଶ୍ୱର ଅଞ୍ଚଳରେ ବୋଲି ଜଣପାଡିଛି। ତେବେ ଯୁବତୀଙ୍କ ସୂଚନା ଅନୁସାରେ, ଉକ୍ତ ଗୃହରେ ଶାରୀରିକ, ମାନସିକ ନିର୍ଯାତନା ଦିଆଯାଉଛି। ଏପରି କି ସେଠାରେ ତାଙ୍କୁ ଠିକ୍ ଭାବେ ଖାଇବାକୁ ଦିଆଯାଉନାହିଁ । ତେଣୁ ସେମାନେ ସେଠାରୁ ଲୁଚି ଆସିଥିବା କଥାକୁ ପୋଲିସ ସମ୍ମୁଖରେ ସ୍ବୀକାର କରିଥିଲେ। ଆଉ ସେଠାକୁ ସେମାନେ ଫେରିବାକୁ ରାଜି ନ ଥିବା ଜିଦ୍ରେ ଅଟଳ ରହିଛନ୍ତି, ଯାହାକି ପୋଲିସର ଚିନ୍ତାର କାରଣ ପାଲଟିଛି।
