ଟିକ୍ରାପଡା,୩୦ା୫(ଡି.ଏନ.ଏ.) -ବଲାଙ୍ଗୀର ଜିଲା ସଇଁତଳା ଥାନା ଟିକ୍ରାପଡା ଫାଣ୍ଡି ଅଧିନ ଝିଙ୍କିଡୁଙ୍ଗୁରି ଗ୍ରାମରେ ଏକ ଦୁଃଖଦ ଘଟଣା ଘଟିଛି। ଘର ସମ୍ମୁଖ ଦାଣ୍ଡରେ ଶୋଇଥିବା ବେଳେ ଗାଈ ମାଡି ଦେବାରୁ ଗୁରୁତର ଆହତ ହୋଇ ଚିକିତ୍ସାଧୀନ ଜଣେ ଶିଶୁର ଜୀବନ ଯାଇଛି ା ମୃତା ହେଲେ ଗଁାର ଶାନ୍ତି ବେନିଆଙ୍କ ୭ବର୍ଷର ଝିଅ ବିଦୁସ୍ମିତା। ଶନିବାର ସକାଳେ ଏହି ଘଟଣା ଜଣା ପଡିବା ପରେ ଗଁାରେ ଶୋକର ଛାୟା ଖେଳିଯାଇଛି।
ପ୍ରକାଶ ଯେ, ଝିଙ୍କିଡୁଙ୍ଗୁରି ଗ୍ରାମର ଲଳିତା ମହାନନ୍ଦଙ୍କ ଝିଅ ଶାନ୍ତି ମୁରିବାହାଲ ବ୍ଲକ ଗୁଡିଘାଟ ପଞ୍ଚାୟତ ଅଧିନ ସୁକୁନିପଦର ଗ୍ରାମର ଯୋଗେନ୍ଦ୍ର ବେନିଆଁଙ୍କୁ ବାହା ହୋଇଥିଲେ। କୌଣସି କାରଣରୁ ସ୍ବାମୀଙ୍କ ସହ ବିବାଦ ଯୋଗୁଁ ନିଜର ତିନି ଝିଅ ଓ ଦୁଇ ପୁଅଙ୍କୁ ନେଇ ସେ ଗତ ପାଞ୍ଚବର୍ଷ ହେବ ବାପଘର ଗଁା ଝିଙ୍କିଡୁଙ୍ଗୁରିରେ ରହି ଆସୁଥିଲେ। ଗୁରୁବାର ରାତିରେ ପୁଅଝିଅ ଓ ମାଙ୍କ ସହ ଶାନ୍ତି ଘରଦାଣ୍ଡରେ ବିଛଣା ପକାଇ ତଳେ ଶୋଇଥିଲେ। ରାତି ପ୍ରାୟ ଗୋଟାଏ ସମୟରେ ଏକ ବୁଲା ଗାଈ ଦୌଡି ଆସି ସେମାନଙ୍କ ଉପରେ ଚଢି ଯାଇଥିଲା ା ଏଥିରେ ଶାନ୍ତି ବେନିଆଁ (୩୬), ପୁଅ ସୁମନ(୧୧), ଝିଅ ବିଦୁସ୍ମିତା(୭) ଆହତ ହୋଇଥିଲେ ା ଗୁରୁତର ଅବସ୍ଥାରେ ବିଦୁସ୍ମିତାଙ୍କୁ ଶୁକ୍ରବାର ସକାଳେ କଣ୍ଟାବାଞ୍ଜି ଡାକ୍ତରଖାନାକୁ ନିଆଯାଇଥିଲା ା ଚିକିତ୍ସାଧୀନ ଅବସ୍ଥାରେ ଶନିବାର ସକାଳେ ବିଦୁସ୍ମିତାଙ୍କ ମୃତ୍ୟୁ ହୋଇଥିଲା। ଆମ୍ବୁଲାନ୍ସ ଯୋଗେ ମୃତଦେହ ଝିଙ୍କିଡୁଙ୍ଗୁରିକୁ ଅଣାଯାଇଥିଲା ା ଶାନ୍ତି ମୂଲ ମଜୁରୀ ଲାଗି ପରିବାରକୁ ବହୁକଷ୍ଟରେ ପରିପୋଷଣ କରୁଛନ୍ତି। ଉକ୍ତ ଗରିବ ପରିବାରକୁ ଅବିଳମ୍ବେ ସହାୟତା ରାଶି ଯୋଗାଇ ଦେବାକୁ ସାଧାରଣରେ ଦାବି ହେଉଛି ା
