ଚିକିଟି,୧୨ା୧(ଡି.ଏନ.ଏ.)-ଚିକିଟି ବନବିଭାଗ ଅଧୀନରେ ଥିବା ବିଭିନ୍ନ ଗ୍ରାମାଞ୍ଚଳରେ ଦୀର୍ଘ ୧୦ଦିନ ଧରି ହାତିଙ୍କ ଉପଦ୍ରବ ଲାଗି ରହିଛି। ଶନିବାର ବିଳମି୍ବତ ରାତ୍ରିରେ କୃଷ୍ଣନଗର, ବଇରବାଡ ଗ୍ରାମ ନିକଟରେ ଥିବା ପି.ବାଇରାମା ଓ ପି.ଧର୍ମାଙ୍କ ସମେତ ୪ ଜଣଙ୍କର ଧାନଖଳାରେ ହାତୀମାନେ ଦଳିଚକିଟି ନଷ୍ଟ କରିଛନ୍ତି । ସନ୍ଧ୍ୟା ହେଲେ ହାତୀ ଜନବସତିଆଡକୁ ମାଡିଆସଛନ୍ତି। ଧାନ ଅମଳ ଚାଲଥିବାରୁ ଚାଷୀମାନଙ୍କୁ ଧାନଖଳାରେ ଶୋଇବା ଏବଂ ଯିବା ଆସିବା କରିବାକୁ ଲୋକେ ଭୟ କରୁଛନ୍ତିି। ବର୍ତ୍ତମାନ ଚାନ୍ଦପୁର ଗ୍ରାମ ନିକଟ ତୋଟା ଗ୍ରାମ ନିକଟରେ ଥିବା ଜଙ୍ଗଲରେ ୧୦ଟି ହାତିପଲ ରହିଥିବା ବନବିଭାଗ ପକ୍ଷରୁ କୁହାଯାଇଛି। ରାଧାମୋହନପୁର, ଗୋବିନ୍ଦନଗର, ଝିଙ୍କିପଦର, ଭାଲିଆଗଡ, ଏରେଣ୍ଡା୍ର, କୃଷ୍ଣନଗର ଆଦି ଇଲାକାରେ ୧୦ରୁ ଊର୍ଦ୍ଧ୍ୱ ଚାଷୀଙ୍କର ଧାନ ସହ ବିଭିନ୍ନ ଫସଲ କ୍ଷତିଗ୍ରସ୍ତ ହୋଇଥିବା ଅଭିଯୋଗ ହେଉଛି। । ଏହାର ଆକଳନ କରି କ୍ଷତିଗ୍ରସ୍ତ ପରିବାରଙ୍କୁ ତୁରନ୍ତ ସରକାରୀ ସହାୟତା ଯୋଗାଇଦେବାକୁ ସାଧାରଣରେ ଦାବି ହେଉଛି । ଚିକିଟି ବନବିଭାଗ ପକ୍ଷରୁ ହାତି ଘଉଡାଇବା ପାଇଁ ଟ୍ରାକ୍ ପ୍ରସ୍ତୁତ କରାଯାଇଥିଲେ ସୁଦ୍ଧା ସଫଳ ହେଉନଥିବାରୁ ଲୋକମାନେ ରାତ୍ରି ଅନିଦ୍ରା ରହି ଗ୍ରାମରେ ଜଗୁୁଛନ୍ତିି । ସମ୍ପୃକ୍ତ ଇଲାକାରେ ସନ୍ଧ୍ୟାରେ ବିଦ୍ୟୁତ କାଟ୍ କରାଯାଉଛି ।
