କାଳିଆ ଯୋଜନାରେ ୭୧.୫୪% ଚାଷୀ ନିରାଶ : ଆକାଉଣ୍ଟକୁ ଏଯାଏ ଆସିନି ଟଙ୍କା

ତାଳଚେର, ୧୧ା୭ – ଚାଷୀମାନଙ୍କ ଉନ୍ନତି ତଥା ରୋଜଗାର ବୃଦ୍ଧି ପାଇଁ ରାଜ୍ୟ ସରକାର କାଳିଆ ଯୋଜନାର ଶୁଭାରମ୍ଭ କରିଥିଲେ। ଏଥିରେ ରାଜ୍ୟର ୯୨ ପ୍ରତିଶତ ଚାଷୀ ଉପକୃତ ହେବେ ବୋଲି କୁହାଯାଇଥିଲା। ହେଲେ ଅନୁଗୋଳ ଜିଲା ତାଳଚେର ବ୍ଲକରେ ରାଜ୍ୟ ସରକାରଙ୍କ ଏହି ଯୋଜନାରେ ମାତ୍ର ୨୮.୪୬ ପ୍ରତିଶତ ଚାଷୀ ଏବେ ସୁଦ୍ଧା ଉପକୃତ ହୋଇପାରିଛନ୍ତି। କାଳିଆରେ ସାମିଲ ହୋଇଥିବା ବ୍ଲକର ୨୭ ହଜାରରୁ ଊର୍ଦ୍ଧ୍ୱ ଚାଷୀଙ୍କ ମଧ୍ୟରୁ ୭୮୪୦ ଜଣ ପ୍ରଥମ କିସ୍ତି ଟଙ୍କା ପାଇପାରିଛନ୍ତି। ବଳକା ୭୧.୫୪ ପ୍ରତିଶତ ଚାଷୀ କେବେ ପ୍ରଥମ କିସ୍ତି ଟଙ୍କା ପାଇବେ ସେ ନେଇ ମାସ ମାସ ଧରି ଚାହିଁ ରହିଥିଲେ ବି ଆକାଉଣ୍ଟକୁ ଟଙ୍କା ଆସି ନ ଥିବା ଜଣାପଡ଼ିଛି। ଏହାକୁ ନେଇ ଚାଷୀମାନଙ୍କ ମଧ୍ୟରେ ଅସନ୍ତୋଷ ଦେଖାଦେଇଛି।
ନିର୍ବାଚନ ପୂର୍ବରୁ ରାଜ୍ୟ ସରକାରଙ୍କ ଏହି ବହୁ ଚର୍ଚ୍ଚିତ ତଥା ଲୋଭନୀୟ ଯୋଜନା କାଳିଆ ଆରମ୍ଭ ହୋଇଥିଲା। ଏଥିରେ ସାମିଲ ହେବାକୁ ତାଳଚେର ବ୍ଲକର ୨୧ଟି ପଞ୍ଚାୟତରୁ ପ୍ରଥମ ପର୍ଯ୍ୟାୟରେ ୧୫,୦୯୦ ଜଣ ଚାଷୀ ଆବେଦନ କରିଥିଲେ। ଯାଞ୍ଚ ପରେ ୩୧୪ଟି ଆବେଦନକୁ ଖାରଜ କରାଯାଇଥିଲା। ବାକି ଚାଷୀଙ୍କୁ ତାଲିକାଭୁକ୍ତ କରାଯାଇଥିଲା। ସେଥିରେ ୧୨,୨୭୬ ଜଣ କ୍ଷୁଦ୍ର ଓ ନାମମାତ୍ର ଏବଂ ୨୫୦୦ ଜଣ ଭୂମିହୀନ ଚାଷୀ ରହିଥିଲେ। ସେହିପରି ୨ୟ ପର୍ଯ୍ୟାୟରେ ୧୨,୪୫୭ ଜଣ ଚାଷୀ ଯୋଜନାର ହିତାଧିକାରୀ ହେବାକୁ ଆବେଦନ କରିଥିଲେ। ସେଥିରେ ୩୧୧୬ ଜଣ କ୍ଷୁଦ୍ର ଓ ନାମମାତ୍ର ଚାଷୀ ଥିବା ବେଳେ ୮୮୪୭ ଜଣ ଭୂମିହୀନ ଥିଲେ। ୪୯୪ଟି ଫର୍ମ ଅସମ୍ପୂର୍ଣ୍ଣ ଥିଲା। ତେବେ ଦୁଇଟି ପର୍ଯ୍ୟାୟରେ ଏହି ଯୋଜନାରେ ବ୍ଲକର ୨୭,୫୪୭ ଚାଷୀଙ୍କୁ ସାମିଲ କରାଯାଇଥିଲା। କିନ୍ତୁ ସେମାନଙ୍କ ମଧ୍ୟରୁ ମାତ୍ର ୭୮୪୦ ଜଣ ଚାଷୀଙ୍କ ଆକାଉଣ୍ଟକୁ ପ୍ରଥମ କିସ୍ତି ବାବଦ ୫ ହଜାର ଟଙ୍କା ଲେଖାଏ ଆସିଥିବା ଜଣାପଡିଛି। ବଡଯୋରଡା ପଞ୍ଚାୟତର ୧୦୫୯ ଚାଷୀଙ୍କ ମଧ୍ୟରୁ ୩୯୫ ଜଣ ଟଙ୍କା ପାଇଛନ୍ତି। ବନ୍ତୋଲ ପଞ୍ଚାୟତର ୧୪୫୧ ଚାଷୀଙ୍କ ମଧ୍ୟରୁ ୩୬୭ ଜଣ, ବ୍ରଜନାଥପୁର ପଞ୍ଚାୟତର ୧୬୧୫ ହିତାଧିକାରୀଙ୍କ ମଧ୍ୟରୁ ୬୮୭, ଡଅଁରା ପଞ୍ଚାୟତର ୧୨୩୨ ଚାଷୀଙ୍କ ମଧ୍ୟରୁ ୩୩୬, ଡେରାର ୮୩୫ ଚାଷୀଙ୍କ ମଧ୍ୟରୁ ୧୩୦, ଧର୍ମପୁରର ୧୭୪୮ ହିତାଧିକାରୀଙ୍କ ମଧ୍ୟରୁ ୫୭୩ ଜଣ, ଘଣ୍ଟପଡା ପଞ୍ଚାୟତର ୧୮୮୮ ଚାଷୀଙ୍କ ମଧ୍ୟରୁ ୬୩୦ ଚାଷୀ, ଗୋବରା ପଞ୍ଚାୟତର ୧୭୦୬ ଜଣଙ୍କ ମଧ୍ୟରୁ ୨୮୦ ଚାଷୀ, ଗୋପାଳପ୍ରସାଦର ୭୭୮ ଜଣଙ୍କ ମଧ୍ୟରୁ ୨୬୦ ଜଣ, ଗୁରୁଜାଙ୍ଗର ୧୫୦୧ ଚାଷୀଙ୍କ ମଧ୍ୟରୁ ୭୪୫ ଚାଷୀ, ଗୁରୁଜାଙ୍ଗୁଲି ପଞ୍ଚାୟତର ୧୭୬୦ ଚାଷୀଙ୍କ ମଧ୍ୟରୁ ୩୪୭, ହେଁସମୂଳର ୪୩୫ ହିତାଧିକାରୀଙ୍କ ମଧ୍ୟରୁ ୫୩, ଜଗନ୍ନାଥପୁରର ୧୩୯୬ ଜଣଙ୍କ ମଧ୍ୟରୁ ୪୦୭, କଳମଛୁଇଁ ପଞ୍ଚାୟତର ୮୫୧ ଚାଷୀଙ୍କ ମଧ୍ୟରୁ ୨୧୩ ଜଣ, କଣ୍ଢାଳର ୧୧୨୦ ଚାଷୀଙ୍କ ମଧ୍ୟରୁ ୩୨୪ ଜଣ ପ୍ରଥମ କିସ୍ତି ଟଙ୍କା ପାଇପାରିଛନ୍ତି। ସେହିପରି କଙ୍କିଳି ପଞ୍ଚାୟର ୧୫୮୪ ହିତାଧିକାରୀଙ୍କ ଭିତରୁ ୪୬୦ ଜଣ, କର୍ଣ୍ଣପୁର ପଞ୍ଚାୟର ୮୧୭ ଜଣଙ୍କ ମଧ୍ୟରୁ ୩୫୫, କୁମୁଣ୍ଡାର ୧୫୧୫ ଚାଷୀଙ୍କ ମଧ୍ୟରୁ ୩୫୩ ଜଣ, ପଦ୍ମାବତୀପୁର ପଞ୍ଚାୟତର ୧୬୧୫ ଚାଷୀଙ୍କ ଭିତରୁ ୩୪୯, ସନ୍ଥପଡାର ୧୫୪୨ ଚାଷୀଙ୍କ ମଧ୍ୟରୁ ୩୨୪ ଓ ଟେଣ୍ଟୁଲେଇ ପଞ୍ଚାୟତର ୧୦୯୫ ଜଣଙ୍କ ମଧ୍ୟରୁ ୩୪୨ ଚାଷୀ କାଳିଆ ଯୋଜନା କିସ୍ତି ଅର୍ଥ ପାଇଛନ୍ତି। ମୋଟ୍‌ ୧୯,୭୦୭ ଚାଷୀ ଏବେ ବି କାଳିଆ ଟଙ୍କାରୁ ବଞ୍ଚିତ ରହିଛିନ୍ତି। କେଉଁ କାରଣରୁ ସେମାନଙ୍କ ଆକାଉଣ୍ଟକୁ ଅର୍ଥ ପଠାଯାଉ ନାହିଁ ତାହା ଜାଣିବାକୁ ଚାଷୀମାନେ ବାରମ୍ବାର ବ୍ଲକ ଓ କୃଷି କାର୍ଯ୍ୟାଳୟକୁ ଦୌଡି ଦୌଡି ନୟାନ୍ତ ହୋଇପଡ଼ିଥିଲେ ସୁଦ୍ଧା ଠିକ୍‌ ଉତ୍ତର ମିଳୁ ନ ଥିବା ଅଭିଯୋଗ ହେଉଛି। ତେବେ ଏ ସମ୍ପର୍କରେ ଜିଲା କୃଷି କାର୍ଯ୍ୟାଳୟର ସହକାରୀ କୃଷି ଅଧିକାରୀ ଏନ. ସାହୁ କହିଛନ୍ତି, ସରକାର ପର୍ଯ୍ୟାୟକ୍ରମେ ଟଙ୍କା ଆକାଉଣ୍ଟକୁ ପଠାଉଛନ୍ତି। ତେଣୁ ଚାଷୀମାନଙ୍କୁ ସେମାନଙ୍କ କିସ୍ତି ଅର୍ଥ ନିଶ୍ଚିତ ମିଳିଯିବ ବୋଲି ସାହୁ ପ୍ରକାଶ କରିଛନ୍ତି।


Enter your email to get our daily news in your inbox.

All Right Reserved By Dharitri.Com

ଇତିହାସ ରଚିଲା ଭାରତ: ୭୨୦ ରନ କରି ନ୍ୟୁଜିଲାଣ୍ଡ ମାଟିରେ ରଚିଲା ସର୍ବବୃହତ ଟେଷ୍ଟ ରେକର୍ଡ

େଓ଼୍ବଲିଂଟନ,୨୨।୧୧: ନ୍ୟୁଜିଲାଣ୍ଡ ବିପକ୍ଷ ୱେଲିଂଟନ ଟେଷ୍ଟରେ ଟିମ ଇଣ୍ଡିଆ ଚମତ୍କାର ବ୍ୟାଟିଂ ପ୍ରଦର୍ଶନ କରିଛି। ନ୍ୟୁଜିଲାଣ୍ଡ ପ୍ରଥମ ଇନିଂସରେ ୩୬୮ ରନ କରିଥିଲା। ଏହାର ଜବାବରେ ଟିମ…

ବାତ୍ୟା ‘ଅକୱନ’ ପାଇଁ ସିଲ୍ ଥିବା ଗାଜଲବାଡ଼ି ଘାଟିରେ ପୁଣି ହାଲୁକା ଯାନ ଚଳାଚଳ ଆରମ୍ଭ: ଆଉ ଦୁଇ ଦିନ ମଧ୍ୟରେ…

ଦାରିଙ୍ଗବାଡ଼ି, ୨୨/୧୧ (ଅରୁଣ ସାହୁ): ବାତ୍ୟା ‘ଅକୱନ’କୁ ଦୃଷ୍ଟିରେ ରଖି ଦାରିଙ୍ଗବାଡ଼ିରୁ ଗାଜଲବାଡ଼ିକୁ ସଂଯୋଗ କରୁଥିବା ଗାଜଲବାଡ଼ି ଘାଟି ରାସ୍ତାରେ ଯାନବାହନ ଚଳାଚଳ ଉପରେ କଟକଣା ଲଗାଯାଇଥିଲା।…

ସାଧାରଣ ଲୋକଙ୍କ ପକେଟ୍‌କୁ ଝଟକା: କ୍ଷୀର ଲିଟର ପିଛା ୪ ଟଙ୍କା ବଢ଼ିଲା

ନୂଆଦିଲ୍‌ଲୀ,୨୨।୧୧: କ୍ଷୀର ପ୍ରତ୍ୟେକ ଘରର ଦୈନନ୍ଦିନ ଆବଶ୍ୟକତା ଅଟେ। ସକାଳର ଚା’ଠାରୁ ଆରମ୍ଭ କରି ପିଲାଙ୍କ ଜଳଖିଆ ଏବଂ ଦହି-ପନିର ପର୍ଯ୍ୟନ୍ତ, ଅନେକ ଜିନିଷ ପାଇଁ ଲୋକେ…

ମୁମ୍ୱାଇ ଇଣ୍ଡିଆନ୍ସକୁ ଆଉ ଏକ ଝଟ୍‌କା: ହାର୍ଦ୍ଦିକଙ୍କ ପରେ ଏବେ ପଞ୍ଜାବ ଶିବିରରେ ଯୋଗଦେବେ ଏହି ଭାରତୀୟ ଷ୍ଟାର

ନୂଆଦିଲ୍ଲୀ,୨୨।୧୧: ଆଇପିଏଲ (IPL) ୨୦୨୭ ପୂର୍ୱରୁ ଟ୍ରେଡ ଜରିଆରେ ହାର୍ଦ୍ଦିକ ପାଣ୍ଡ୍ୟା ମୁମ୍ୱାଇ ଇଣ୍ଡିଆନ୍ସ ଛାଡ଼ି ପଞ୍ଜାବ କିଙ୍ଗ୍ସର ଅଂଶ ହୋଇଯାଇଛନ୍ତି। ଏହି ଟ୍ରେଡ ପ୍ରତ୍ୟେକ ପ୍ରଶଂସକଙ୍କୁ…

ଏଠି ଏମିତି ହୁଏ

ଭାରତରେ ସରକାରଙ୍କ ଦ୍ୱାରା କରାଯାଉଥିବା ହତ୍ୟାର ନାମ ‘ଏନ୍‌କାଉଣ୍ଟର’ ଏବଂ ହତ୍ୟାକାରୀଙ୍କୁ ‘ଏନ୍‌କାଉଣ୍ଟର ସ୍ପେଶାଲିଷ୍ଟ’ କୁହାଯାଏ। ବୋଧହୁଏ ଏନ୍‌କାଉଣ୍ଟର ପାଇଁ ନିଷ୍ଠୁର ଭାବେ ଟ୍ରିଗର ଦବାଇବା ବ୍ୟତୀତ…

ବଙ୍ଗୋପସାଗରରେ ପୁଣି ସୃଷ୍ଟି ହୋଇପାରେ ଘୂର୍ଣ୍ଣିବଳୟ: ଆଇଏମ୍‌ଡି ଡିଜି

ଭୁବନେଶ୍ୱର,ସମ୍ୱଲପୁର,୨୨ା୧୧(ବନ୍ଦନା ସେଠୀ/ପ୍ରମୋଦ ବହିଦାର): ବଙ୍ଗୋପସାଗରରେ ପ୍ରତିବର୍ଷ ୫ଟି ବାତ୍ୟା ସୃଷ୍ଟି ହୋଇଥାଏ ଏବଂ ଏହାର ପ୍ରଭାବ ଓଡ଼ିଶାରେ ପଡ଼େ। ଚଳିତବର୍ଷ ଅକ୍ଟୋବର-ନଭେମ୍ୱର ମଧ୍ୟରେ ଏପର୍ଯ୍ୟନ୍ତ ୩ଟି ବାତ୍ୟା…

ଖାକି ପୋଷାକ ପଛରେ ଅକୁହା ଯନ୍ତ୍ରଣା: ୧୩ ବର୍ଷରେ ୩୦ରୁ ଅଧିକଙ୍କ ଗଲାଣି ଜୀବନ

ଭୁବନେଶ୍ୱର,୨୨ା୧୧(ତ୍ରିନାଥ ମହାନ୍ତି): ଓଡ଼ିଶାରେ ପ୍ରାୟ ୬୦ ପ୍ରତିଶତ ପୋଲିସ କର୍ମଚାରୀ ୧୬ ଘଣ୍ଟାରୁ ଅଧିକ ଏବଂ ୨୨ପ୍ରତିଶତ କର୍ମଚାରୀ ଦିନକୁ ୧୩ ଘଣ୍ଟାରୁ ଅଧିକ କାମ କରନ୍ତି।…

ବନ୍ୟା ରୋକିବାକୁ ଦୀର୍ଘମିଆଦୀ ରୋଡ୍‌ମ୍ୟାପ୍‌: ମନ୍ତ୍ରୀ ପୂଜାରୀ

ଭୁବନେଶ୍ୱର,୨୨ା୧୧(ସୁନିତ୍‌ ମିଶ୍ର): ବନ୍ୟା ରୋକିବାକୁ ରାଜ୍ୟ ସରକାର ଦୀର୍ଘମିଆଦୀ ଯୋଜନା କରିବା ସହ ପ୍ରଥମ ପର୍ଯ୍ୟାୟରେ ୮ଟି ନଦୀ ସିଷ୍ଟମର ଭିତ୍ତିଭୂମି ବିକାଶ ପାଇଁ ରୋଡ୍‌ ମ୍ୟାପ୍‌…

Advertisement

ଧରିତ୍ରୀ କାର୍ଟୁନ

Archives

 

Dharitri-Rashifala


ଛୁଟିଦିନ
ପିଲାଙ୍କ ଧରିତ୍ରୀ
Trending
Let's Pledge For A 'Plastic Free' Odisha Join The Movement Of 'Plastic Free' Odisha

Akash Das Nayak, supports a Plastic Free Odisha. Do you?