କଥାରେ ଅଛି ‘ପ୍ୟାର୍ କିୟା ତୋ ଡର୍ନା କ୍ୟା’। ମାତ୍ର କରୋନା ଭାଇରସ୍ ଏପରି ଏକ ମହାମାରୀ ଯାହାକୁ ପ୍ରେମୀଯୁଗଳ ବି ଡରିଲେଣି। ଏହି ଭାଇରସ୍ ସମଗ୍ର ବିଶ୍ୱରେ ଆତଙ୍କ ଖେଳାଇ ଚାଲିଥିବା ବେଳେ ଏହା ସାଧାରଣ ଲୋକଙ୍କ ଜୀବନଯାତ୍ରାକୁ ପ୍ରଭାବିତ କରିଛି। ଏହା ଏକ ସଂକ୍ରମିତ ରୋଗ ହୋଇଥିବାରୁ ଶପିଂ ମଲ୍, ପାର୍କ ଏବଂ ଜନଗହଳି ପୂର୍ଣ୍ଣ ସ୍ଥାନକୁ ଯିବା ପାଇଁ ସମ୍ପୂର୍ଣ୍ଣ ବାରଣ କରାଯାଇଛି। ଯାହାର ପ୍ରଭାବ ବିଶେଷଭାବେ ପ୍ରେମୀଯୁଗଳଙ୍କ ଉପରେ ପଡ଼ିଛି।
ଜଣେ ୨୯ ବର୍ଷୀୟ ଭାରତୀୟ ଯୁବକ କୁହନ୍ତି, ଯେ ପର୍ଯ୍ୟନ୍ତ ଏହି ମହାମାରୀ ସମ୍ପୂର୍ଣ୍ଣ ଭାବରେ ନ କମିଛି ସେତେଦିନ ପର୍ଯ୍ୟନ୍ତ ସେ ଡେଟ୍ରେ ଯିବେ ନାହିଁ। ସେ କୁହନ୍ତି, ୨୦୧୪ରେ ହୋଇଥିବା ଇବୋଲା ପରେ ଏହା ଦ୍ୱିତୀୟ। କରୋନା ଯୋଗୁ ସେ ତାଙ୍କ ଡେଟ୍ ମଧ୍ୟ ବାତିଲ କରିଦେଇଛନ୍ତି।
ଜନସମାଗମଠାରୁ ଦୂରେଇ ରହିବା କରୋନା ଭୂତାଣୁ ସଂକ୍ରମଣ ରୋକିବାରେ ସବୁଠାରୁ ଭଲ ଉପାୟ। ଅନ୍ୟମାନଙ୍କ ସହ ମିଳାମିଶାକୁ କମ୍ କରିବା ନିହାତି ଜରୁରୀ।
