କେନ୍ଦୁଝର, ୩୧ା୫ (ସ୍ବ.ପ୍ର.)-କେନ୍ଦୁଝର ସଦର ଥାନା ଅନ୍ତର୍ଗତ ପଳାଶପଙ୍ଗା ୨୦ନଂ ଜାତୀୟ ରାଜପଥର ବିଭିନ୍ନ ସ୍ଥାନରେ ବେଆଇନ ଟ୍ରକ ପାର୍କିଙ୍ଗ ଯୋଗୁଁ ବାରମ୍ବାର ଦୁର୍ଘଟଣା ଘଟୁଥିଲେ ହେଁ ପ୍ରତିକାର କରାଯାଉନଥିବାରୁ ଦୁର୍ଘଟଣା ବୃଦ୍ଧି ପାଇବାରେ ଲାଗିଛି। ଏହି ରାସ୍ତାର ବିଭିନ୍ନ ସ୍ଥାନରେ ଥିବା ଓଭରବ୍ରିଜ ଓ ସର୍ଭିସରୋଡ ଉପରେ ଟ୍ରକ ଗୁଡିକ ପାର୍କିଂ କରି ଡ୍ରାଇଭର ମାନେ ଏଣେତେଣେ ବୁଲୁଥିବାରୁ ଟ୍ରାଫିକ ସମସ୍ୟା ଗୁରୁତର ହୋଇ ପଡୁଛି ା ଶନିବାର ବିଳମ୍ବରାତିରେ ଏଭଳି ଏକ ଟ୍ରକ ସର୍ଭିସରୋଡ ଉପରେ ରହିଥିବା ବେଳେ ଉକ୍ତ ରାସ୍ତାରେ ଯୋଡା ଅଭିମୁଖେ ଯାଉଥିବା ଅନ୍ୟ ଏକ ଟ୍ରକ୍ ପଛ ପଟୁ ଧକ୍କା ଦେଇଥିଲା। ଫଳରେ ଛିଡାହୋଇ ଥିବା ଟ୍ରକଟି ଏକ ଦୋକାନ ଭିରକୁ ପଶିଯାଇଥିଲା। ଫଳରେ ଦୋକାନ ଘରର ଚାଳ ଭାଙ୍ଗି ଯାଇଥିବାବେଳେ ସୋଭାଗ୍ୟବଶତଃ କେହି ମୃତାହତ ହୋଇ ନ ଥିବା ଜଣାପଡିଛି। ଏନେଇ ଜାତୀୟରାଜପଥ କର୍ତ୍ତୃପକ୍ଷ କିମ୍ବା ପୋଲିସ ପଦକ୍ଷେପ ବେଆଇନ ପାର୍କିଂ ବନ୍ଦ କରିବାକୁ ଦାବି ହୋଇଛି।
