ଭୁବନେଶ୍ୱର,୨୩।୩(ବ୍ୟୁରୋ):ରାଜ୍ୟରେ ଇସ୍ପାତ ଶିଳ୍ପ ସ୍ଥାପନ କରିବାକୁ ରାଜ୍ୟ ସରକାରଙ୍କ ସହ ବୁଝାମଣାପତ୍ର ସ୍ବାକ୍ଷର କରିଥିବା ୪ କମ୍ପାନୀ ପ୍ରକଳ୍ପରୁ ଓହରି ଯାଇଛନ୍ତି। ବିଧାୟକ ନାଉରି ନାୟକଙ୍କ ଏକ ଲିଖିତ ପ୍ରଶ୍ନର ଉତ୍ତରରେ ଇସ୍ପାତ ଓ ଖଣିମନ୍ତ୍ରୀ ପ୍ରଫୁଲ୍ଲ ସାମଲ ବିଧାନସଭାରେ ଏହି ସୂଚନା ଦେଇଛନ୍ତି। ମନ୍ତ୍ରୀ କହିଛନ୍ତି ଯେ, ରାଜ୍ୟରେ ଇସ୍ପାତ ଶିଳ୍ପ ସ୍ଥାପନ କରିବାକୁ ୪୯ଟି ସଂସ୍ଥା ସହ ବୁଝାମଣାପତ୍ର ସ୍ବାକ୍ଷର କରାଯାଇଥିଲା। ୨୦୧୨-୧୩ ସୁଦ୍ଧା ୧୩୧ ନିୟୁତ ଟନ ଉପତ୍ାଦନ ନିମନ୍ତେ ସରକାର ଅନୁମୋଦନ ଦେଇଥିଲେ। ଅଦ୍ୟାବଧି ବୁଝାମଣାପତ୍ର ସ୍ବାକ୍ଷର କରିଥିବା ୩୫ଟି କମ୍ପାନୀ ୨୫.୨୫ ନିୟୁତ ଟନ ଓ ଅନୁମୋଦନ ପାଇଥିବା ୧୨ଟି କମ୍ପାନୀ ପ୍ରାୟ ୩୩ ନିୟୁତ ଟନ ଉପତ୍ାଦନ ନିମନ୍ତେ ସ୍ବାକ୍ଷର କରିଛନ୍ତି। କେଉଁ କେଉଁ କାରଖାନା କେଉଁ କାରଣରୁ ବନ୍ଦ ଅଛି ସେ ସମ୍ବନ୍ଧୀୟ ତଥ୍ୟ ବିଭାଗରେ ଉପଲବ୍ଧ ନାହିଁ। ୨୦୧୬ରୁ ୨୦୨୦ ପର୍ଯ୍ୟନ୍ତ ଶିଳ୍ପ ବିଭାଗ ସଚିବ ତଥା ଇସ୍ପାତ ଓ ଖଣି ସଚିବଙ୍କ ଅଧ୍ୟକ୍ଷତାରେ ଶିଳ୍ପ ସଂସ୍ଥାଗୁଡିକ ସହିତ ସରକାରୀ କମ୍ପାନୀଗୁଡିକର ବିଭିନ୍ନ ସମସ୍ୟା ବିଭିନ୍ନ ସମୟରେ ସମୀକ୍ଷା କରିଥାଆନ୍ତି।
