୧୫ା୫(ଡି.ଏ.ଏନ.)-ବୋଲଗଡ଼ ଥାନା ବାଙ୍କୋଇ ଫାଣ୍ଡିସ୍ଥିତ ଅସରଳା ଗ୍ରାମରେ ସୋମବାର ବିଳମ୍ବିତ ରାତ୍ରିରେ ଏକ ବଡ ଧରଣର ଚୋରି ହୋଇଯାଇଛି। ଚୋରମାନେ ଗ୍ରାମର ୫ ପରିବାରଙ୍କ ଘରେ ପଶିଥିଲେ । ମାତ୍ର ଦୁର୍ବୃତ୍ତମାନେ ଗ୍ରାମର ଶ୍ରୀନିବାସ ସ୍ବାଇଁ ଏବଂ ତାଙ୍କ ବଡଭାଇ ଭାଗୀରଥି ସ୍ବାଇଁଙ୍କ ଘରୁ ପ୍ରାୟ ୬ ଲକ୍ଷ ନଗଦ ଟଙ୍କା, ୯ ଭରି ସୁନା ଅଳଙ୍କାର, ୧୭ ଭରି ରୁପା ଗହଣା ସହ ଗୃହରେ ଥିବା ଅନ୍ୟ ଆସବାବ ପତ୍ର ଚୋରି କରିଥିବା ଶ୍ରୀନିବାସ ପୋଲିସ ନିକଟରେ ଅଭିଯୋଗ କରିଛନ୍ତିି। ଶ୍ରୀନିବାସ କହିଛନ୍ତି ଯେ, ସେ ତାଙ୍କ ବଡଭାଇଙ୍କ ଝିଅ ବାହାଘର ପାଇଁ ନଗଦ ଟଙ୍କା ରଖିଥିଲେ। ସେମାନେ ଖାଇସାରି ଶୋଇପଡ଼ିିଥିବାବେଳେ ଚୋରମାନେ କବାଟ ଭାଙ୍ଗି ଧନ ସମ୍ପଦ ଲୁଟି ନେଇଥିଲେ। ଦୁର୍ବୃତ୍ତମାନେ ଗ୍ରାମର ଲକ୍ଷ୍ମଣ ପ୍ରଧାନ, ବାବାଜୀ ପାଇକରାୟ, ପବନା ବଳିୟାରସିଂ ଓ ଭୁଜବଳ ସାମନ୍ତରାୟଙ୍କ ଘରେ ମଧ୍ୟ ଚୋରି କରିବାକୁ ଉଦ୍ୟମ କରି ସଫଳ ହୋଇପାରି ନ ଥିଲେ। ସୁର ମିଶ୍ରଙ୍କ ଘରେ ପଶି ଆଲମାରି ଭାଙ୍ଗୁଥିବାବେଳେ ପରିବାର ଲୋକେ ଉଠିପଡିବାରୁ ଦୁବୃର୍ତ୍ତମାନେ ଚମ୍ପଟ ମାରିଥିଲେ। ଶ୍ରୀନିବାସଙ୍କ ଅଭିଯୋଗ ପାଇ ବାଙ୍କୋଇ ଫାଣ୍ଡି ପୋଲିସ ଅସରଳାରେ ପହଞ୍ଚତ୍ ଘଟଣାର ସନ୍ଧାନ ଚଳାଇଥିଲେ ମଧ୍ୟ କୌଣସି ଅଭିଯୁକ୍ତଙ୍କୁ ଗିରଫ କରାଯାଇପାରିନି। ଏହି ପରିପ୍ରେକ୍ଷୀରେ ସାଧାରଣ ଲୋକଙ୍କ ଧନ, ଜୀବନ ସୁରକ୍ଷା ନିମନ୍ତେ ରାତିରେ ପୋଲିସ ପାଟ୍ରୋଲିଂ ପାଇଁ ଗ୍ରାମବାସୀ ଦାବି କରୁଛନ୍ତି।
