ଲକ୍ଷ୍ନୌ,୧୮।୪: ଉତ୍ତର ପ୍ରଦେଶ ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥଙ୍କୁ ହତ୍ୟା ଧମକ ମିଳିଛି। ବଗାପତ ଜିଲାରେ ରହୁଥିବା ଯୁବକ ସୋସିଆଲ ମିଡିଆରେ ପୋଷ୍ଟ କରି ମୁଖ୍ୟମନ୍ତ୍ରୀ ଯୋଗୀଙ୍କୁ ଗୁଳି କରିବାକୁ ଧମକ ଦେଇଛନ୍ତି। କେତେଜଣ ୟୁଜର୍ସ ଏହି ପୋଷ୍ଟକୁ ମୁଖ୍ୟମନ୍ତ୍ରୀ, ଡିଜିପି ଓ ଉତ୍ତର ପ୍ରଦେଶ ପୋଲିସର ଟୁଇଟର ହ୍ୟାଣ୍ଡେଲରେ ଟ୍ୟାଗ କରିଛନ୍ତି। ଏହାସହ ଯୁବକଙ୍କ ବିରୋଧରେ କାର୍ଯ୍ୟାନୁଷ୍ଠାନ ଦାବି କରାଯାଇଛି। ପୋଷ୍ଟକୁ ଗମ୍ଭିରତାର ସହ ନେଇ ପୋଲିସ ଉକ୍ତ ଯୁବକଙ୍କ ବିରୋଧରେ ମାମଲା ରୁଜୁ କରିଛି। ପୋଲିସ ଯୁବକଙ୍କୁ ଖୋଜିବାରେ ବ୍ୟସ୍ତ ଅଛି। ସୂଚନାଯୋଗ୍ୟ, ମାଫିଆ ଅତିକ ଅହମଦଙ୍କ ହତ୍ୟା ପରଠାରୁ ମୁଖ୍ୟମନ୍ତ୍ରୀଙ୍କ ସୁରକ୍ଷାକୁ ବଢାଇ ଦିଆଯାଇଛି। ରାଜଧାନୀ ଲକ୍ଷ୍ନୌରେ ଥିବା ଯୋଗୀଙ୍କ ଘର ବାହାରେ କଡା ସୁରକ୍ଷା ବ୍ୟବସ୍ଥା କରାଯାଇଛି।
