ଲଣ୍ଡନ,୨୭ା୧୧: ଲଗାତର ଇଣ୍ଟରଭ୍ୟୁ ଦେବା ପରେ ଜଣେ ଯୁବକଙ୍କୁ ଚାକିରି ମିଳୁ ନ ଥିଲା। ପରେ ସେ ଚାକିରି ଖୋଜିବା ପାଇଁ ଏକ ନୂଆ ତରିକା ଆପଣାଇଥିଲେ। ଯାହା ପରେ ତାଙ୍କୁ ଚାକିରିଟିଏ ମିଳିଯାଇଛି।
ଏକ ରିପୋର୍ଟ ଅନୁଯାୟୀ, ଲଣ୍ଡନର ୨୪ ଜଣେ ବର୍ଷୀୟ ଯୁବକ ହାଇଦର ମଲିକଙ୍କର କରୋନା ସମୟରେ ଚାକିରି ଚାଲିଯାଇଥିଲା। ସେ ମିଡିଲସେକ୍ସ ୟୁନିଭର୍ସିଟିରୁ ବ୍ୟାଙ୍କିଙ୍ଗ୍ ଏବଂ ଫାଇନାନ୍ସରେ ପାଷ୍ଟ ଡିଭିଜନ ପାଇବା ପରେ ଲଗାତର ଚାକିରି ପାଇଁ ଇଣ୍ଟରଭ୍ୟୁ ଦେଉଥିଲେ। ମାତ୍ର ସଫଳତା ମିଳୁ ନ ଥିଲା। ଏହା ପରେ ଚାକିରି ପାଇବା ପାଇଁ ନୂଆ ଉପାୟ ଚିନ୍ତା କଲେ। ଏକ ଷ୍ଟେଶନରେ ଗୋଟିଏ ବୋର୍ଡରେ ମମସ୍ତ ବାୟୋଡାଟା ଟାଙ୍ଗି ତାଙ୍କ ଲିଙ୍କ୍ଦିନ୍ ପ୍ରୋଫାଇଲର କ୍ୟୁଆର୍ କୋର୍ଡ ଶେୟାର କରିଥିଲେ।
ହାଇଦର କହିଛନ୍ତି, ପ୍ରଥମେ ସେ ଷ୍ଟେଶନରେ ଠିଆ ହୋଇ ଲୋକଙ୍କୁ କେବଳ ଗୁଡ୍ ମର୍ନିଂ କହିବା ସହ ସିଭି ବା ବାୟୋଡାଟା ଦେଖାଉଥିଲେ। ଏହି ସମୟରେ ବହୁତ ଲୋକ ନିଜ ନିଜ ଅଫିସ୍ର କାର୍ଡ ଦେଇଥିଲେ। ସେମାନେ ଏହି କାର୍ଡରେ ସେମାନଙ୍କର ଫୋନ୍ ନମ୍ବର ବି ଦେଇଥିଲେ। ଯେଉଁମାନେ ଦେଇଥିଲେ ମୁଁ ସେମାନଙ୍କ ସହ କଥା ହୋଇଥିଲି। କିଏ ମୋର ଏହି କାର୍ଯ୍ୟ ଦେଖି ଫଟୋ ଭାଇରାଲ କରିଦେଇଥିଲେ। ଶେଷରେ ଗୋଟିଏ ଅଫିସରୁ ମୋତେ ଫୋନ୍ ଆସିଥିଲା। ଏହାର ନିର୍ଦ୍ଦେଶକ ମୋତେ ସକାଳେ ଭେଟିବାକୁ କହିଥିଲେ। ପରେ ମୁଁ ଯିବା ପରେ ସେ ମୋ ସାର୍ଟିଫିକେଟ ଯାଞ୍ଚ କରି ଦ୍ୱିତୀୟ ରାଉଣ୍ଡରେ ଚୟନ କରିଥିଲେ। ଏହା ପରେ ଏବେ ମୋତେ ଚାକିରି ମିଳିଯାଇଛି। ଯେଉଁଥିପାଇଁ ମୁଁ ବହୁତ ଖୁସି।
