ଦୈନନ୍ଦିନ ଜୀବନରେ ଖାଇବା ପିଇବା ସମୟରେ ପରିବର୍ତ୍ତନ ଯୋଗୁଁ ଏସିଡିଟି ବା ଗ୍ୟାସ୍ଷ୍ଟ୍ରିକ ସମସ୍ୟା ଦେଖାଯାଏ। ଅତ୍ୟଧିକ ତେଲ ଏବଂ ମସଲାଜାତୀୟ ଖାଦ୍ୟ ଖାଇବା ଦ୍ୱାରା ଏପରି ସମସ୍ୟାର ସମ୍ମୁଖୀନ ହେବାର ଯଥେଷ୍ଟ ଆଶଙ୍କା ରହିଛି। ନିଶାଦ୍ରବ୍ୟ ସେବନ ଏବଂ ଖାଇବା ସଙ୍ଗେ ସଙ୍ଗେ ଶୋଉଥିଲେ ତାହା ଏସିଡିଟି ସମସ୍ୟାକୁ ପରୋକ୍ଷରେ ଆମନ୍ତ୍ରଣ କରିଥାଏ। ତେବେ କେତୋଟି ଯୋଗ ମାଧ୍ୟମରେ ଆପଣ ଏହାଠାରୁ ନିଜକୁ ଅନେକାଂଶରେ ଦୂରେଇ ରଖିପାରିବେ। ତେବେ ଏସବୁ ବିଷୟରେ ଯୋଗ ବିଶେଷଜ୍ଞ ସହ ବିଶଦ ଭାବରେ ଆଲୋଚନା କରନ୍ତୁ।
ମାର୍ଜରୀ ଆସନ : ମାର୍ଜରୀ ଆସନ ଅଭ୍ୟାସ କରିବା ଦ୍ୱାରା ଏସିଡିଟି ସମସ୍ୟାରୁ ମୁକ୍ତି ପାଇପାରିବେ। ଶରୀରରେ ରକ୍ତ ସଞ୍ଚାଳନ ସମସ୍ୟା ଦୂର କରିବା ସହ ହଜମ ଶକ୍ତି ବଢ଼ାଇଥାଏ। ଏଥିସହ ଆପଣଙ୍କ ପେଟରେ ଚର୍ବି ବଢୁଥିଲେ ସେହି ସମସ୍ୟା ମଧ୍ୟ ଦୂର ହେବ।
ପବାମୁକ୍ତାସନ : ଏହି ଆସନ କରିବା ଦ୍ୱାରା ପାକସ୍ଥଳୀରୁ ବର୍ଜ୍ୟବସ୍ତୁ ଏବଂ ବିଷାକ୍ତ ପଦାର୍ଥ ବାହାରିଥାଏ। ଏହାଦ୍ୱାରା ବଦହଜମି, ଗ୍ୟାସ୍ଷ୍ଟ୍ରିକ ଏବଂ କୋଷ୍ଠକାଠିନ୍ୟ ସମସ୍ୟାରୁ କେତେକାଂଶରେ ଉପଶମ ମିଳିଥାଏ। ତା’ସହ ହଜମକ୍ରିୟା ସନ୍ତୁଳିତ ରହିଥାଏ।
ବଜ୍ରାସନ : ଏହି ଆସନ କରିବା ଦ୍ୱାରା ଅନ୍ତନଳୀରେ ରକ୍ତ ସଞ୍ଚାଳନ ହେବା ସହ ଖାଦ୍ୟ ହଜମ ହେବାରେ ସାହାଯ୍ୟ କରେ। ଗ୍ୟାସ୍ଷ୍ଟ୍ରିକ ସମସ୍ୟାରେ ପୀଡ଼ିତ ଲୋକମାନେ ଏହାକୁ ନିୟମିତ ଅଭ୍ୟାସ କରିପାରନ୍ତି। ଏହାବ୍ୟତୀତ ପିଠି ଯନ୍ତ୍ରଣା ଏବଂ ନିଦ୍ରାହୀନତାରୁ ମଧ୍ୟ ଉପଶମ ମିଳିଥାଏ।
