କୋରାପୁଟ,୧ା୭(ଅମିତାଭ ବେହେରା): ଘରେ ଗଚ୍ଛିତ ରଖିଥିବା ଗଞ୍ଜେଇକୁ ପୋଲିସ ଜବତ କରିଛି। ମାଛକୁଣ୍ଡ ପୋଲିସ ସୂଚନା ଅନୁସାରେ ମାଛକୁଣ୍ଡ ଥାନା ଅନ୍ତର୍ଗତ ମାହାଡ଼ା ଗ୍ରାମର ସମରା ବଡ଼ନାୟକଙ୍କ ଘରେ ବାହାର ରାଜ୍ୟକୁ ଚୋରା ଚାଲାଣ ହେବା ପାଇଁ ଗଚ୍ଛିତ ହୋଇ ରହିଥିବା ଗଞ୍ଜେଇ ଥିବା ସୂଚନା ପାଇବା ପରେ ପୋଲିସ ଘଟଣାସ୍ଥଳରେ ପହଞ୍ଚି ମାଜିଷ୍ଟ୍ରେଟ୍ଙ୍କ ଉପସ୍ଥିତିରେ ଘରର ତାଲା ଭଙ୍ଗା ଯାଇଥିଲା। ଘର ଭିତରୁ ୫ଟି ଗଞ୍ଜେଇ ବସ୍ତା ବାହାରିଥିଲା। ପୋଲିସକୁ ଦେଖି ଘଟଣାସ୍ଥଳରୁ ସମରା ବଡ଼ନାୟକ ଫେରାର ହୋଇଯାଇଥିଲେ। ୫ଟି ବସ୍ତାରୁ ୧୧୩ କେଜି ଗଞ୍ଜେଇ ଜବତ ହୋଇଥିବା ବେଳେ ଏହାର ଆନୁମାନିକ ମୂଲ୍ୟ ୧୧ ଲକ୍ଷ ଟଙ୍କା ହେବ ବୋଲି ସୂଚନା ମିଳିଛି l ଗଞ୍ଜେଇ ଜବତ ହେବା ପରେ ଘର ମାଲିକ ସମରା ବଡ଼ନାୟକଙ୍କ ନାମରେ ଏନ୍ଡିପିଏସ୍ରେ ଏକ ମାମଲା ରୁଜୁ କରାଯାଇ ଅଧିକ ତଦନ୍ତ ଜାରି ରହିଛି ବୋଲି ନନ୍ଦପୁର ପୋଲିସ ଏସ୍ଡିପି ଓ ସଞ୍ଜୟ ମହାପାତ୍ର ପ୍ରକାଶ କରିଛନ୍ତି।
